1 Samuel 14:18 - Zokam International Version

¹⁸ Saul in Ahijah tungah, "Pasian singkuangpi hong paipih in," a ci hi. (Tua hunin singkuangpi Israel-te tawh a omkhawm kei hi.) c

LAISIENGTHOU CL Bible (BSI)

¹⁸ Tualeh Saul in Ahijah kungah, “Pasian bawm tam langah hing la un” achi hi (khum hunlai in Israel tate toh Pasian thuhun bawm aum khawm hi).

Zo Bible

¹⁸ Saul in Ahijah kungah, “Pasien’ singkuong tanah hing peipi in,” a ci hi. Azieh pen khum hun lai-in Pasien’ singkuong Israel-te tawh a zawhton hi.

1 Samuel 14:18 ပူးပေါင်းရင်းမြစ်များ

2 Samuel 11:11

Uriah in David kiangah, "Singkuangpi le Israel le Judah-te puanbuk sungah om uh a, ka pu Joab le ka topa nasemte lopaang ah ka giak uh hi. Bangci in a ne a dawn ding le ka zi tawh a lum dingin ka innah ciah thei ding ka hiam? Nang nuntakna ka lo hi, tua bangin ka hih kei ding hi," a ci hi.

Misimna 27:21

Amah siampi Eleazar mai-ah dingin tuapa in TOPA mai-ah Urim thudotna tawh thukhensatna a dong ding hi. Ama thupiaksa-in amah le Israel mipi bup pusuak ding uh a, ama thupiaksa mahin a sungtum ding uh hi," a ci hi.

Thukhente 20:18

Israel-te Bethel a ah paito uh a, Pasian a dong uh hi. Amaute in, "Benjamin-te sim dingin kote kua masa ding ka hi uh hiam? a ci uh hi. TOPA in, "Judah masa hen," ci-in a dawng hi.

Thukhente 20:23

Israel-te pai to uh a nitak dong TOPA mai-ah kapin TOPA a dong uh hi. Amaute in, "Ka sanggamte uh Benjamin-te sim dingin ka kuanto kik ding uh hiam?" a ci uh hi. TOPA in, "Kuanto unla amaute sim un," ci-in a dawng hi.

1 Samuel 14:17

Tua ciangin Saul in a ompih mite kiangah, "I galkapte kaikhawm unla kua om lo hiam, thei dih un," a ci hi. A cih banga a hih uh ciangin Jonathan le a galhiam puapa tua lai-ah a na om kei hi.

1 Samuel 14:36

Saul in, "Philistia-te nungah zanin i paisuk dinga amaute khuavak dong lawkgawpin khat beek i hingkhawi kei ding hi," a ci hi. Amaute in, "Nangma hoihsak bangbangin hih ni," ci-in a dawng uh hi. Ahi hangin siampipa in, "Hih lai-ah Pasian dong phot dih ni," a ci hi.

1 Samuel 23:9

Saul in amah a sawm lam David in a theih ciangin siampi Abiathar kiangah, "Siampi puan hong paipih in," a ci hi.

1 Samuel 5:2

Tua ciangin singkuangpi pua uh a, Dagon’ biakinn tunin Dagon gei-ah a koih uh hi.

1 Samuel 7:1

Tua ciangin Kiriath Jearim mite paisuk uh a, TOPA’ singkuangpi a lato uh hi. Amaute in mualtunga Abinadab’ inn ah koih uh a, a tapa Eleazar siansuahin TOPA’ singkuangpi a cingsak uh hi.