1 Samuel 12:22 - Zokam International Version

²² TOPA in alian ama min a khualna-in a mite hong nolh lo ding hi, bang hang hiam cih leh note ama mi hong suahsakna hangin TOPA a lungkim hi.

LAISIENGTHOU CL Bible (BSI)

²² Amin thupitah ziehin Mangpa’n lah amite alengatsan sih dinga, noute Ama mi dinga bawl khu Mangpa kipahna lamtah ahizaw hi.

Zo Bible

²² Topa in ama’ min lienpi a khuolna-in a mite nolh lo ding hi. Azieh pen ama’ mi-a note ang bawl ding Topa’ deilam ahi hi.

1 Samuel 12:22 ပူးပေါင်းရင်းမြစ်များ

1 Kumpite 6:13

Tuateh Israel-te lakah tengin ka mi Israel ka nusia kei ding hi," a ci hi.

1 Kumpite 8:57

TOPA eite Pasian in i pate a ompih bangin eite hong ompih ta hen; eite hong nusia-in hong taisan kei hen.

2 Kumpite 14:27

Tua hi-a TOPA in vantung nuai panin Israel min phiatkhiat ding a gen loh nungsang-in, amah in Jehoash tapa Jeroboam khutin amaute a honkhia hi.

2 Kumpite 21:14

Ka gouluah a baanglaite ka taisan dinga, a galte uh khut sungah ka pia ding hi. A galte khempeuh uh adingin amaute galmat le van kinusia a suak ding uh hi,

1 Khangthute 28:9

Tuateh nang ka tapa Solomon aw, na pa’ Pasian thei in, TOPA in lungsim khempeuh zonga ngaihsutna zui-a gamtatnate theitel ahi manin na lungsim neihzahin ki-ap inla lungsim utsa in ama na sem in. Amah na zon leh na mu ding hi; amah na taisan leh amah in a tawntungin nang hong nolh ding hi.

2 Khangthute 15:2

Amah Asa tawh kimu dingin paikhia a, "Asa le Judah le Benjamin-te khempeuh aw, ka thugen na ngai un. TOPA tawh na om khawm uh ciangin amah in note hong ompih hi. Amah na zon uh leh note in na mu ding uh hi, ahi hangin amah na taihsat uh leh amah in hong taisan ding hi.

Nehemiah 9:17

Na thu mang nuam lo uh a, amaute laka na bawl nalamdangte a phawk nuam kei uh hi. Amaute genhak uh a, a salsuahna-uah a paikik nadingun a lehdo ding makai a seh uh hi. Ahi hangin nang, mawhna a maisak a hehpihthei, le mi a khuatuah, a heh hak, itna dim a nei Pasian na hi hi. Tua ahi manin

Phatna-late 106:8

Hi napi, a thahat ama vangliatna a kitheih nadingin ama min a khualna-in amaute honkhia hi.

Phatna-late 94:14

Ahang in, TOPA in ama mite nolh lo dinga; ama gouluahte a taisan ngei kei ding hi.

Paikhiatna 32:12

Bang hangin Egypt-te in, ‘Amaute mual tunga a thah ding le leitung pana a phiatkhiat mang ding gitloh sawmin amaute a paikhiatpih hi;’ cisak ding na hi hiam? A lauhuai na hehna daisak in; na lungsim hei inla na mite tungah siatna tungsak kei in.

Isaiah 37:35

"Kei le ka nasempa David khualna-in hih khuapi dalin ka honkhia ding hi," a ci hi.

Isaiah 41:17

"Mizawngte le a tasamte in tui a zon uh hangin bangmah a om kei hi; a dang uh taka a leii uh a keu hi. Ahi hangin keimah TOPA in amaute ka dawng ding hi; keimah Israel-te Pasian in ka nusia kei ding hi.

Isaiah 42:16

Keimah in mittawte a theih ngei lohna munah ka pi dinga, a tawt nai lohna lampi ah lam ka hilh ding hi; amaute mai-ah khuamial khuavak ka suaksak dinga, aham lampite ka nelsak ding hi. Ka sep ding nate hihte ahi hi; amaute ka nusia kei ding hi.

Isaiah 43:25

Kei mahmah ka kikhualna-in na thupalsatnate uh hong paihsak keimah, kei mahmah in na mawhnate uh ka ciamteh nawn kei hi.

Isaiah 43:7

ka minthan nadinga ka piansakte, sutuah a ka bawlte, ka mina kilote peuhmah hong puak un,’ ka ci ding hi," a ci hi.

Isaiah 48:11

Keimah ka kikhualna, keimah ka kicihna-in hih ka sem hi. Kei le kei kiminsiasak buang ding ka hi hiam? Ka minthanna midang tungah ka pia kei ding hi.

Isaiah 49:15

Nu khat in a anga a tawi naungeek mangngilh thei a, a sunga piang a ta khuatuah lo thei ahi hiam? Amah in a mangngilh kha zongin ken nang kong mangngilh kei ding hi.

Isaiah 63:8

Amah in, "Amaute, ka mite hi takpi a, kei tunga hong khial lo ding tapate ahi uh hi," a ci hi; tua ahi ciangin amaute Honpa a suak hi.

Jeremiah 14:21

Nangma min na khualna-in kote hong nolh kei inla, a minthang na tokhom min neusak kei in. Kote tawh na thukhun phawk inla palsat kei in.

Jeremiah 14:7

TOPA aw, ka mawhnate un kote langah teci a pang ta zongin nangma min hangin bang khatpeuh hong hihsak in. Ahang in, kote nungtolhna lian mahmah a, nang tungah kong mawh khin ta uh hi.

Jeremiah 14:9

Bang hangin mi cimawh bang le a hon zo nawn lo galhangpa bang na hi hiam? TOPA aw, kote tawh nang na omkhawm a, na minin kote hong kilo hi; kote hong nusia kei in!

Tamlawhna 5:20

Bang dinga kote hong mangngilh den na hi hiam? Bang dingin tu tanvei hong pampaih na hi hiam?

Ezekiel 20:14

Ahi hangin amaute ka paikhiatpih a mu minamte mai-ah ka min a dai loh nadingin ka min ka khualna-in bangmah ka cih kei hi.

Ezekiel 20:9

Ahi hangin amaute in a tenpih uh minamte mai-ah ka min a daisak loh nadingun ka min hangin ka thuciam ka tungsak kei a, Israel mite muhin kei mahmah kilaakin Egypt panin amaute ka paikhiatpih hi.

Malachi 1:2

TOPA in, "Note kong it hi," ci hi. "Ahi hangin note in, ‘Nang kote bang hong ci it na hi hiam?’ ci-in nong dong uh hi. TOPA in, "Jacob sanggampa Esau hi lo hiam?" a ci hi. Tua hi napi Jacob ka it a,

Matthew 11:26

Hihi Pa aw, hih in nangma deihna ahi hi.

John 15:16

Note in kei nong teel kei uh a, keimah in pai-a gah a gah tawntung dingin note kong teel hi. Tua ciangin ka min suanga na nget peuhpeuh uh Pa in note hong pia ding hi.

Rome-te 11:1

Tua ahileh, Pasian in ama mite nolh ahi hiam, cih kong dong hi. A nolh peuhmah kei hi! Kei mahmah zong Abraham suan ahi Benjamin beh pana Israel mi khat mah ka hi hi.

Rome-te 11:29

Ahang in, Pasian letsongte le ama hong sapnate a kidok kik thei kei hi.

1 Corinth-te 4:7

Ahang in, kua in note midang khatpeuh tawh a kibang loin hong bawl ahi hiam? Na ngah loh uh bang nei na hi uh hiam? A ngah na hi uh leh bang hangin a ngah lo bang kekin kisathei na hi uh hiam?

Ephesa-te 1:12

Christ sunga lametna a nei masa kote ama minthanna pahtawina ka suah theih nading uh ahi hi.

Ephesa-te 1:6

amah in a Itpa sungah eite hong piakkhong a minthang ama hehpihna pahtawi nadingin itna-in hong laitan kholhsa ahi hi.

Thupiakkikna 14:2

ahang in, note in TOPA note Pasian misiangtho na hi uh hi. Lei maitang tunga om mi khempeuh lak paninTOPA in a gou neih manpha dingin note hong teel hi.

Thupiakkikna 31:17

Tua ni ciangin amaute tungah ka heh dinga amaute nusia-in amaute panin ka maitang ka sel dinga, a kisia ding uh hi. Amaute tungah vangsiatna le haksatna tampi tungin tua ni ciangin amaute in, ‘I Pasian in hong ompih nawn lo ahi manin hih vangsiatnate ei tungah hong tung hi lo ahi hiam?’ ci ding uh hi.

Thupiakkikna 31:6

Hat unla hang un. TOPA note Pasian in hong tonpih ahi manin amaute hangin lauin linglawng kei un; amah in hong nusia loin hong taisan ngei lo ding hi," ci-in hih thute a gen hi.

Thupiakkikna 31:8

TOPA mahmah na mai-ah pai-in hong ompih ding hi; amah in nang hong nusia ngei loin hong taisan ngei kei ding hi. Lau kei inla lungkia kei in," ci-in a gen hi.

Thupiakkikna 7:6

Ahang in, TOPA note Pasian tungah a siangtho mite na hi uh hi. TOPA note Pasian in lei maitanga mi khempeuh panin ama mi suakin, ama gou neih dingin note hong telkhia khin hi.

Thupiakkikna 9:5

Na thumaanna hang uh le na cihtakna hangun amaute’ leitang la-in a nei hi loin, hih minamte gitlohna hangin TOPA note Pasian in na pate uh, Abraham, Isaac le Jacob tunga a kiciamna a tangtunsakna-in note mai panin amaute a hawlkhia ahi hi.

Philippi-te 1:6

Note sunga nasep hoih a panpa in Christ Jesu ni dongin a bucing dingin semsuak ding cih ka muang hi.

Hebrews 13:5

Pasian in, "Nang kong nusia kei dinga nang kong taisan ngei kei ding hi," e ci ahi manin sum iplahluatna panin kikem unla, na neih zahzah uh tawh lungkim un.

Joshua 7:9

Canaan-te le hih gam sunga om mite in hih thu za ding uh a, kote hong umin leitung pan ka min uh hong phiatsak ding uh hi. Tua ciangin a lian mahmah nangma min bang lawh ding na hi hiam?" a ci hi.

1 Peter 2:9

Ahi hangin note na hi uh leh khuamial sung pan hong samkhia-a, ama khuavak lamdang sunga hong tunpa phatna na tangko theih nadingun hong teeltuam mi pawl, kumpi nam, siampi, minam siangtho, Pasian mite na hi uh hi.