1 Samuel 12:21 - Zokam International Version

²¹ Kimanna a nei lo milimte nung zui dingin pial kei un. Tuate in kimanna nei lo ahi manin no tungah a hoih bangmah hih thei lo-a hong hu thei lo uh hi.

LAISIENGTHOU CL Bible (BSI)

²¹ Kinepna ding bangmalou leh nou hing hundam theilou zui in pielsan sih unlen, phattuomna neilou ahi ziehun.

Zo Bible

²¹ tuale hattuomna ei pie thei lo, ei hunkhie thei lo, kimanna a nei lo nate lamah piel sih un, azieh pen tuate in kimanna nei lo hi.

1 Samuel 12:21 ပူးပေါင်းရင်းမြစ်များ

2 Kumpite 17:15

Amaute in a pate uh tawh a bawl ama thukipte, a thukhunte le a vauhilhnate a nial uh hi. Amaute in kimanna nei lo milimte zui uh a, amau mah kimanna nei lo a suak uh hi. TOPA in amaute tungah, "Amaute hih bangin hih kei un," ci-in thu pia napi amaute in a kim a pam ua om minamte sun uh a, TOPA in amaute sep ding a khamte a sem uh hi.

Isaiah 41:29

En in, a vekpi un a khial khin uh hi! Amaute in bangmah ahi lo na tampi a sem uh hi; a milim sunte uh huih le buaina bek ahi hi.

Isaiah 45:20

"No minamte pana a taimangte aw, kikaikhawmin kigawm unla hong pai un. A hon thei lo pasiante tungah thu ngen a, sing milim a pua kawikawite bangmah a thei lo uh ahi hi.

Isaiah 46:7

A liangko-uah kisuanto-in pua uh hi; a omna munah koih uh a tua lai-ah a kitung hi. Tua mun panin a tangkhia thei kei hi. Khatpeuh in a sap hangin tua in dawng lo a; a haksatna panin a hon thei kei hi.

Jeremiah 10:15

Amaute kimanna nei lo ciamnuih bawlna lel hi a; amau thukhenna hun a tun ciangin a mangthang ding uh hi.

Jeremiah 10:8

Amaute, ngaihsutna nei lo mihai hi uh a; kimanna a nei lo singtawng milimte hilhsa ahi uh hi.

Jeremiah 14:22

Kimanna a nei lo minamte’ milimte in guah zusak thei ahi hiam? Vante in amau thu-in khuapi guah zusak thei ahi hiam? A zusak kei hi, nangma zuksak ahi hi; TOPA kote Pasian aw. Tua ahi ciangin hihte khempeuh nangma hihsa ahi manin nangma sungah lametna ka nei uh hi.

Jeremiah 16:19

Ka thahatna, ka kulh muanhuai le ka lungdon huna ka bukna TOPA aw, leimongte panin minamte nang kiangah hong pai uh a, "Ka pate un pasian maan lo le kimanna a nei lo, a hoih a bawl thei lo milimte longal bangmah a nei kei uh hi.

Jeremiah 2:13

"Ka mite in mawhna nih a bawl khin uh hi; amaute in a nungta tuinak keimah hong taisanin tui a vung thei lo a kitamsa tuikhuk a to uh hi.

Jeremiah 2:5

TOPA gen hih ahi hi: "Na pate un kei tungah bang khialhna mu a, kei kiang panin gamlapi gammang uh ahi hiam? Amaute in kimanna nei lo milimte nung zui uh a, amau mahmah kimanna nei lo a suak uh hi.

Jonah 2:8

Bangmah a man lo milim beelte in, amau ading hehpihna a taan uh hi.

Jonah 2:9

Ahi hangin ke’n lungdamna la tawh nang kong bia ding hi. Ka kiciamnasa ka tangtungsak dinghi. TOPA kiang panin hotkhiatna hong pai hi," a ci hi.

Habakkuk 2:18

"Mihing khuaktawm ahi nungsang milimte in bang kimanna nei ahi hiam? Ahikeh tua milim in zuauthu hong hilh bek hi lo ahi hiam? Ahang in, a bawlpa in ama piansak muang ahi hi; amah in a pau thei lo milimte a bawl hi.

Nasepte 14:15

"Mite aw, bang hangin hih bawl na hi uh hiam? Kote zong no mah bangin mihing lel ka hi uh hi. Kote in lungdamna thu no hong puakin, hih kimanna a nei lo nate panin, van le lei le tuipi le tuate sunga omte a bawl a nungta Pasian lama na kihei ding uh hong gen ka hi uh hi.

1 Corinth-te 8:4

Tua tak ciangin milim thoihna an nekna thu panin milim pen, leitung ah bangmah a hi lopi hi-a Pasian khat longal adang om lo cih i thei hi.

Thupiakkikna 11:16

Pasian dangte bia-a kun dingin note hong kizolkhiat khak ding kidawm un.

Thupiakkikna 30:17

Ahi hangin thumang loin na lungsim uh pialkhia a, pasian dangte beelin bia-a na kun uh leh,

Thupiakkikna 32:21

Amaute in pasian ahi lo tawh hong hazasak uh a, kimanna nei lo a milim un hong hehsak uh hi. Kei zong tuate mahin mihing a hi lote ka engsak dinga; bangmah a thei lo minamte-in amaute ka hehsak ding hi.