1 Samuel 11:11 - Zokam International Version

¹¹ A zingciangin Saul in a mite khen thum suah a; zana vil nunungpen laitakin Ammon-te giahphual luh a nisat hun dong a ngawng-at uh hi. A nungta lai sunte nih nangawn a omkhawm lo zahin a kithehthang uh hi.

LAISIENGTHOU CL Bible (BSI)

¹¹ Tuachi’n azingni in hichi ahing hia, Saul in mipite khu hon thumin akhen a; tualeh zingmawng galven hun laitahin agiehphuol sung uah alut ua, Ammon mite khu sun nisa ham laitah dongin athat uhi. Tualeh hichi ahing ahia, ahing sunte zong akithezah sieng ua, mi ni a umkhawm mawngmawng in zong a nua sieta sih uhi.

Zo Bible

¹¹ A zing ciengin Saul in mite pawl thumin a khen hi. Giephuol sungah zingmawng tungin a pei vua, sun nisat dongin Ammon-te a satlia uhi; tuale mi ni nangawn omton thei lo ding za dongin a suohta sunte a kithezah uhi.

1 Samuel 11:11 ပူးပေါင်းရင်းမြစ်များ

Piancilna 22:14

Tua ahi ciangin Abraham in tua mun "TOPA in hong sik ding hi," ci-in a phuak hi. Tuni dongin, "TOPA’ mual tungah hong kisik ding hi," kici hi.

2 Samuel 18:2

David in galkapte kuankhiasak-a - sehthum-ah khat Joab uksakin sehthum-ah khat Zeruiah’ tapa Joab sanggampa Abishai uksak-a, a thumna Gath-te Ittai a uksak hi. Kumpipa in galkapte kiangah, "Kei mahmah no tawh kong kuankhawm kul ding hi," ci-in a gen hi.

Phatna-late 46:1

Pasian in eite belh le i thahatna hi-a, lungkhamhunin hong huhpah lianlian hi.

Paikhiatna 14:24

Zingsang vil nunung hunin TOPA in mei le meii khuampi panin Egypt galkapte ensuk a, amaute a buaisak gawp hi.

Matthew 7:2

Midangte tunga na khen bangun no tungah zong hong kikhen dinga, no zat tehna mah tawh no aa zong hong kitehsak ding hi.

James 2:13

Bang hang hiam cih leh lainatna a nei lo mi peuhmah tungah lainatna om loin thu a kikhen ding hi. Thukhenna tungah lainatna a gualzo hi.

Thukhente 1:7

Tua ciangin Adoni-Bezek in, "A khutpite le a khepite a kitansak kumpi sawm sagihte in ka sabuai nuai-a anneng a tawm uh hi. Tu-in amaute ka bawlna Pasian in kei tung hong thuk kik hi," a ci hi. Amah Jerusalem ah puak uh a, tua lai-ah a si hi.

Thukhente 4:16

Ahi hangin Barak in sakollengte le galkapte Haroseth Haggoyim dong a delh hi. Sisera galkapte khempeuh namsau-in puk uh a; mi khat beek a suakta kei hi.

Thukhente 7:16

Mi zathumte pawl thumin khena a vekun a khut-uah pengkulte le beelhawmte tawisakin a sungah meilah a kengsak hi.

Thukhente 7:20

Pawl thumte in zong pengkul mutin leibeelte a sukham uh hi. A veilam khutun meilah a taklam khutun penkul tawi-in mut uha, "TOPA ading le Gideon ading namsau!" ci-in a awng uh hi.

Thukhente 9:43

Tua ciangin amah in a mite kuanpihin pawl thumin khena, lopaangah a buksimsak hi. Amah in khuapi sung pan mi a kuankhia a muh ciangin a sim dingin a diangkhia uh hi.

1 Samuel 11:2

Ahi hangin Ammon-te Nahash in, "Note khempeuh na taklam mit uh khelkhia-in Israel khempeuh tungah minsiatna no tunga tunsakna bek tawh thukimna no tawh ka bawl ding hi," ci-in a dawng hi.

1 Samuel 14:47

Saul in Israel tungah ukna a ngah khit ciangin akim apam-a a galte: Moab, Ammon-te, Edom, Zobah kumpite b le Philistia-te a do hi. A kiheina peuhpeuhah amaute gimna dan a thuaksak hi. c