1 Peter 5:8 - Zokam International Version

⁸ No le no ki-uk zo unla pilvang un. Na gal uh - dawimangpa, a nawmvalh ding zongin humpinelkai bangin humhamin thamvak kawikawi hi.

LAISIENGTHOU CL Bible (BSI)

⁸ Pilvang unlen, kiveng zingin um un, aziehpen na melmapa uh Diabol humpibahnei hawh bangin anawmval thei ding suiin aviel vah kawi hi.

Zo Bible

⁸ No le no ki-uh unlen khuo phawh un. Na galpa uh dawimangpa in koi ka valtum thei diei ci-in sui-in a hawh vapom humpinelkai bangin a vah kawikawi hi.

1 Peter 5:8 ပူးပေါင်းရင်းမြစ်များ

Esther 7:6

Esther in, "Ka langpa le ka galpa, hih mi zumhuaipa Haman ahi hi," a ci hi. Tua ciangin kumpipa le kumpinu mai-ah Haman a linglawng gawp hi.

Job 2:2

Tuateh TOPA in Satan kiangah, "Koi pana hong pai na hi hiam?" a ci hi. Satan in TOPA kiangah, "Leitung mun khempeuh ah vakin ka vaksuk ka vaktohna pan ka hi hi," ci-in a dawng hi.

Phatna-late 104:21

Humpinelkaite in saman dingin hawk uh a, amau an ding Pasian tung pan a zong uh hi.

Phatna-late 109:6

Amah do dingin migilo a khat seh b inla, a taklam ah a mawhsakpa c ding hen.

Paunakte 19:12

Kumpipa lungsona in humpinelkai hawk banga, a angvanna ahileh lopa tunga daitui bang hi.

Paunakte 20:2

Kumpipa thangpaihna, humpinelkai hawk tawh kibang a; amah a hehsakte in a nuntakna tanlawh hi.

Paunakte 28:15

Mi cimawhte a uk migilo in humpi hawk le vompi hang mi delh tawh kibang hi.

Isaiah 50:8

Kei dik hong tangsakpa ka kiangah om hi. Kua in kei hong siattut ding ahi hiam? Khat le khat kimaituah nung! Hong mawhsak kua ahi hiam? Amah hong maituah sak un.

Jeremiah 2:15

Humpinelkaite hawk uh a, amah a ngik uh hi. Amaute in a gam, gamsimtham suah uh a; a khuapite kangtumin a kinusia hi.

Jeremiah 51:38

A mite khempeuh humpinelkai khanglai bangin hawk ding uh a, humpi no bangin a ngik ding uh hi.

Ezekiel 19:7

Amah in a kulh muanhuaite uh balkhamin a a khuapite uh a sumaimang hi. Amah hawk a, gamsunga tengte khempeuh a lausak hi.

Ezekiel 22:25

Tuanu gam-ukte c in humpinelkai hawkin a samatte a balzan bangin mite balzan uh a, a goute uh le a van manphate uh laksak uh a, a sungah meigong numei tampi omsak uh hi.

Daniel 6:24

Kumpipa thupiakna bangin a maan lopi-a Daniel a hekte a zite le a tate teng uh tawh kipaipih in humpinelkai kua sungah kilawn khawm hi. Amaute humpinelkai kua taw zong tu man loin humpinelkaite in bawh uh a, a guhte khempeuh uh a balzan gawp uh hi.

Hosea 11:10

Amaute in TOPA zui ding uh hi; humpinelkai bangin amah a hawk ding hi. Amah a hawk ciangin nitumna-lam panin a tate lingkawmin hong pai ding uh hi.

Hosea 13:8

A no kilaksak vompi bangin amaute ka sim dinga, ka balkham ding hi. Humpinelkai bangin amaute ka valh dinga; gamsa gilo khat in amaute a balnen ding hi.

Joel 3:16

Zion panin TOPA hawk dinga, Jerusalem panin kek kia ding hi; lei le van kiling ding hi. Ahi hangin TOPA a mite bukna suak dinga, Israel mite mun muanhuai ahi ding hi.

Amos 1:2

Amah in: "Zion panin TOPA hawk a, Jerusalem panin kekte a kia hi; tuucingte lonona mun teng keucip b a, Carmel dawn teng keugaw ta hi," a ci hi.

Amos 3:4

A mat ding sa a muh loh ciangin sephih laka humpinelkai mawk hawk ahi hiam? Bangmah a mat loh ciangin a kua sungah mawk humham ahi hiam?

Amos 3:8

Humpinelkai hawk khin hi - kua in kihta lo ahi hiam? Thupipen TOPA in gen khin hi - kamsangte lo kua in gen ding hiam?

Zechariah 11:3

Tuucingte thumna ngai dih un: ahoih a lonona munte uh kisia hi! Humpinelkaite hawkna ngai un; Jordan sephih sawlphapi lak kisia ta hi.

Zechariah 3:1

Tua ciangin TOPA vansawltak mai-a ding, tulpi Joshua b hong laka, amah mawhsak dingin a taklama ding Satan c hong lak hi.

Matthew 13:39

Tua tahum tangte a vawh galpa in dawimangpa ahi hi. An lak hun in tu khang bei hun hi-a anlate in vansawltakte ahi hi.

Matthew 24:42

"Tua ahi ciangin na Topa uh hong pai ding hun thei lo na hi manun na kigalging un.

Matthew 25:41

"Tua khit ciangin a veilam a omte kiangah, ‘Hamsiatna a thuakte aw, kei kiang pan taikhia un, dawimangpa le ama vansawltakte adinga kibawlsa tawntung meikuang sungah pai un.

Matthew 4:1

Tua ciangin dawimangpa zia-etna thuak dingin Kha in Jesu gamlakah a pi hi.

Matthew 4:11

Tua ciangin dawimangpa in amah paisan a, vansawltakte hong pai-in Jesu a don uh hi.

Mark 4:15

Mi pawlkhatte thu kivawhna lamdung a tu khaici tawh kibang uh hi. Tua thu a zak phetun Satan va pai-a amaute sunga kivawhsa thu a lak mangsak hi.

Luke 21:34

"Note pilvang un, tua hi keileh na lungsimte uh lalthangin zukhamna le nuntak nading lunghimawh nate in hong thazawhgawp dinga tua ciangin na upmawh loh laitak un tua ni, thang kisai bangin no tungah hong tung ding hi.

Luke 21:36

Note na kigalging gige un. Thupiang dingte khempeuh pana na suahtak nading uh le Mihing Tapa mai-a na din theih nadingun thu na ngen un," a ci hi.

Luke 22:31

"Simon, Simon aw buh haih bangin Satan in nang a haih hong sawm hi.

John 8:44

Note, na pa uh dawimangpa suan na hi uh hi. Tua ahi manin na pa uh deihna na tangtungsak nuam uh hi. Amah a cil panin tualthatpa hi-a, ama sungah thutak om lo ahi manin thutak a len kei hi. Amah zuau thei-a, zuauphuakte pa ahi manin zuau a gen ciangin ama pianpih pau-a pau ahi hi.

2 Corinth-te 2:11

Satan in eite hong nopneh loh nadingin amah ka maisak hi. Ahang in, ama hong sawmnate i haih kei hi.

Ephesa-te 4:27

dawimangpa siksan na awn kei in.

Ephesa-te 6:11

Dawimangpa hong sawmnate na nan zawh nadingun Pasian galvan a kimin silh un.

1 Timothy 2:15

Ahi hangin numeite a in a kilawm a kituakin upna, itna le siangthona a neih suak nak uh leh nausuahna tungtawnin kihonkhia b ding hi.

1 Timothy 2:9

Numeite zong a zahtak baang dingin, a kilawm a kituaka a kizep ding uh ka deih hi. Samphek ahi zongin, kham, kep manpha le puan mantamte tawh hi loin,

1 Timothy 3:11

Tua mah tawh kibangin a zite d uh zong zahtak a baang numei hi dinga, migensiat hat loin na khempeuh a kidaam thei, a muantak mi hi ding hi.

1 Timothy 3:2

Pawlpi kem ahileh: ngawh bei, zi khat bek a nei, a kidaam thei, amah ki-uk zo, a zahtak baang, zindo a siam, a hilh thei,

2 Timothy 4:17

Ahi hangin ka gei-ah Topa dinga, kei tungtawnin Gentile-te khempeuh in tua thupuak a zak nadingun kicingtaka ka tangko theih nading tha hong guan hi. Tua hi-a, humpinelkai kam panin kei hong hukhia hi.

Titus 1:8

Tua sangsikin, a pel loin zindo siam mi, a hoih deih mi, ama pumpi ki-uk zo mi, a thutang mi, a siangtho le a kisek zo mi hi ding hi.

Titus 2:12

Tua hehpihna in pasian-milohna le leitung vaite deihna tawh kisai-a, "Ut lo," ci ding le pumpi ki-uk zo-a nungta ding, diktat ding le tu khanghunah pasian-mitakin nungta dinga hong hilh lai mah in,

Titus 2:2

Pasal khanghamte a kidaam thei ding, zahtak baang ding, amau le amau ki-uk zo ding, upna, itna le thuakzawhna ah a kip nadingun hilh in.

Titus 2:4

Kuamah in Pasian thu a gensiat loh nading in, amaute in, nupilate in a pasalte uh le a tate uh a it ding,

Titus 2:6

Tua mah bangin pasal khangno laite amau le amau a ki-uk zawh nadingun hanthawn in.

James 4:7

Tua ahi ciangin Pasian tungah no le no kipia un. Dawimangpa do un, amah taimang ding hi.

1 Peter 1:13

Tua ahi manin a gamtang dingin na lungsim uh kisakhol un; na pumpi uh ki-uk zo un; Jesu a kilat cianga note hong kipia ding hehpihna tungah na lametna khempeuh uh nga un.

1 Peter 4:7

Na khempeuh a beina nai ta hi. Tua ahi manin thu na nget theih nadingun lungsim siangtho le no le no ki-uk zoin om un.

Kilaakna 12:10

Tua ciangin vantung ah aw ngaih taka kiko khat ka za a: "Tu-in eite Pasian hotkhiatna, a vangliatna, a gam le ama Christ thuneihna hong tung zo hi. Ahang in, eite Pasian mai-ah sun le zanin i sanggamte ngawhin a mawhsakpa kilawnkhia zo hi.

Kilaakna 12:12

Tua ahi manin no vantungte le tuate sunga tengte khempeuh aw, nuam un! Ahi hangin leitung le tuipi aw, nang tungah dawimangpa hong tuaksuk zo ahi manin gimna nak thuak na nicia! Amah in ama hun a tom lam thei ahi manin, lungsona tawh kidim hi,"a ci hi.

Kilaakna 12:9

Gulpi-sikhiam kilawnsuk a - tua dawimangpa ahikeh Satan kici leitung buppi lampialsakpa tua tanglai gulpi ahi hi. Amah ama vansawltakte tawh lei-ah kilawnkhia suk hi.

Kilaakna 20:10

Amaute a khem tua dawimangpa gamsa le kamsang zuaute a kipaihna kaat kuang lipi sungah a kilawn hi. Amaute sun le zanin a tawntung gawtna kithuaksak den ding hi.

Kilaakna 20:2

Amah in tua tanglai gulpi, Satan ahikeh dawimangpa, gulpi-sikhiam mana, kum tulkhat sung a khih hi.

Thukhente 14:5

Samson a nu le a pa tawh Timnah ah a paisuk khawm uh hi. Timnah-te lenggui huan a manawh laitakun thakhatin humpinelkai khanglai khat hawkin a mah a bawh hi.