1 Peter 5:4 - Zokam International Version

⁴ Tua hileh Tuucing Lianpenpa hong kilat ciangin a tul ngei lo minthanna lukhu na ngah ding uh hi.

LAISIENGTHOU CL Bible (BSI)

⁴ Tualeh belampu lienpen ahing kilah chiengin, atul theilou thupina manglukhu na sang ding uhi.

Zo Bible

⁴ Tua hile tuucing pipa ang kilah ciengin note in a vul thei lo minthanna lukhu na nga ding uhi.

1 Peter 5:4 ပူးပေါင်းရင်းမြစ်များ

Phatna-late 23:1

TOPA in tuucin-a hong cingpa hi-a, bangmah ka kisam kei ding hi.

Isaiah 40:11

Tuucingpa bangin a tuuhonte vaka, tuunote a ang sungah khawmin amaute dawm mahmah in pua dinga; a no neite damdamin a masuan hiathiat ding hi.

Ezekiel 34:23

Amaute a uk ding tuucing khat ka nasempa David ka koih dinga amah in amaute a vak ding hi; amah in amaute vakin amaute a cingpa hi ding hi.

Ezekiel 37:24

"’Ka nasempa David amaute kumpi hi dinga, amaute khempeuh a cing ding tuucing khat ahi ding hi. Ka thukhamte zui ding uh a, ka thukipte limtakin a tang ding uh hi.

Daniel 12:3

A pilte a, vantung khuavak bangin a tang ding uh hi; thumaan ah mi tampi a makaihte aksi bangin a tang tawntung ding uh hi.

Zechariah 13:7

"Namsau aw, ka tuucingpa le kei tawh kinai mipa do dingin tho in," Thahatpen TOPA in cikhia hi. "Tuucingpa sat in tuute kithehthang dinga, a note tungah ka khut ka viik ding hi.

John 10:11

"Keimah, tuucing hoihpa ka hi hi. Tuucing hoihpa in a tuute ading a nuntakna a pia hi.

1 Corinth-te 9:25

Kidemna-a kihel dingte peuhmah nakpitakin a kisin uh hi. Amaute a kisia thei lukhu ngah dingin a kidem uh hi. Ahi hangin eite in a kisia thei lo ding lukhu ngah dingin i kidem hi.

2 Timothy 4:8

Tu-in thumaana thukhenpa Topa in tua ni cinga kei hong piak ding thumaanna lukhu kei ading a om zo hi. Kei bek hong kipia loin ama kilat ding lawpa a ngakte khempeuh zong a pia ding hi.

Hebrews 13:20

Tawntung thukhun sisan tungtawn in a lian Tuu cingpa i Topa Jesu misi pana a thosak tua lemna Pasian in,

James 1:12

Zia-etna thuaka, a sikdo mi thupha ngah ahi hi. Bang hang hiam ci leh zia-etna a thuak zawh khit ciangin Pasian in amah a itte a kamciamsa nuntakna lukhu a ngah ding hi.

1 Peter 1:4

note adinga vantunga kikoihkhol, a sia ngei lo, a nin baang lo, a tul thei lo gouluahna sungah eite suahthakna hong pia zo a,

1 Peter 2:25

Ahang in, note a pialmang tuu tawh na kibang uh a, ahi hangin tu-in na khate uh a Cingpa le a Kempa kiangah na ciah kik zo uh hi.

1 Peter 5:2

Pawlpi kemte nasep bangin note kep dinga hong kipia Pasian tuuhonte, a kemte na hi un - na hih pelmawh ding uh cihna hi lo Pasian in note hong deih bangin utna tawh, sum deihluatna hang hi lo sep ding lawpna hangin na cing un;

1 John 3:2

Kong it lawmte aw, tu-in eite, Pasian tate i hi a, mailamah bang i hi lai ding hiam, hong kitheisak nai lo hi. Ahi hangin amah hong kilat b ciangin amah ahi banga mu ding i hi manin amah i bang ding hi cih i thei hi.

Kilaakna 1:7

En un, meiipi tawh amah hong pai hi, mit khempeuh in amah mu dinga amah a sunlette nangawn in a mu ding uh hi; leitung a mite khempeuh ama hangin thum ding uh hi. Tua bang hi takpi ding hi! Amen.

Kilaakna 2:10

Na thuak dingte kihta kei in. Nang hong zia-et dingin dawimangpa in kimkhat thong sungah hong khum dinga, ni sawm sung bawlsiatna na thuak ding uh kong hilh hi. Sih dongin muanhuai un, tua hileh nuntakna lukhu kong pia ding hi.

Kilaakna 3:11

Kong paipah ding hi. Na kumpi lukhu kuamah in hong suh loh nadingin na neihsa lenkip den in.