1 Peter 5:2 - Zokam International Version

² Pawlpi kemte nasep bangin note kep dinga hong kipia Pasian tuuhonte, a kemte na hi un - na hih pelmawh ding uh cihna hi lo Pasian in note hong deih bangin utna tawh, sum deihluatna hang hi lo sep ding lawpna hangin na cing un;

LAISIENGTHOU CL Bible (BSI)

² Na lah ua Pasian belam pawl umte ching hoi un, aloutheilou ahizieh hilou in, na ut zieh uh hizaw in, punna dihlou dei zieh zong hilou in, sep ding kilawpna in hizaw heh.

Zo Bible

² Note’ kep dinga ang kipie Pasien’ tuuhonte, pausawl thu tawh hi lo, a siengtho lo sum nga nopna tawh zong hi loin, Pasien in note ang dei bangin thanopna lungsim tawh na cingzaw un.

1 Peter 5:2 ပူးပေါင်းရင်းမြစ်များ

2 Kumpite 12:6

Ahi hangin Kumpipa Joash a kum sawmnih le thumna kum dong siampite in biakinnpi a puah nai kei uh hi.

Zailate’ Zaila 1:8

Lianu zatam lai-a duang kikhaipen aw, na thei kei leh tengkhawi tuute nuaciang sulbang na zui inla, tuucingte limbuk siangah na lengkeel note tawh bual ve aw.

Isaiah 40:11

Tuucingpa bangin a tuuhonte vaka, tuunote a ang sungah khawmin amaute dawm mahmah in pua dinga; a no neite damdamin a masuan hiathiat ding hi.

Isaiah 56:11

An a hai mahmah uite hi uh a, kham hun a nei kei uh hi. Amaute, theihtelna a nei lo tuucingte ahi uh hi; a vekun amau tum ciatin pai uh a, amau met nading a zong ciat uh hi.

Isaiah 6:8

Tua ciangin Topa in, "Kua sawl ding ka hi hiam? Eite adingin kua pai ding hiam?" a cihna aw ka za hi. Tuateh, "Hiah ka om hi. Kei hong sawl in!" ka ci hi.

Isaiah 63:11

Tua ciangin ama mite in tanglai nite, Moses le a mite hun a phawk b kik uh hi - amaute le a tuute uh, tuucingpa tawh tuipi kantana a paipihpa koi-ah om ta ahi hiam? Amaute lakah Khasiangtho a omsakpa;

Jeremiah 13:17

Ahi hangin thu na ngaih kei uh leh na kiphatsakna uh hangin ka kapsim dinga; khitui luangin kah cihtakin ka kap ding hi, bang hang hiam cih leh TOPA tuuhonte salin kikai ding hi.

Jeremiah 13:20

Dakto unla leilu-lam pana hong paite en dih un. Nang hong kipia tuuhonte, note kisaktheihpih tuute koi-ah om ta ahi hiam?

Jeremiah 6:13

"Aneupen pan alianpen dong a vekpi-un met nading ah huaiham uh a; kamsangte le siampite in a vekun a kibangin zuau a phuak uh hi.

Jeremiah 8:10

Tua ahi ciangin a zite uh midangte ka piaksak dinga, a lote uh midangte ka piaksak ding hi. Aneupen pan alianpen dong, met nading lamah a huaiham uh hi; kamsangte le siampite in a vek un a kibangin zuau a phuak uh hi.

Ezekiel 34:23

Amaute a uk ding tuucing khat ka nasempa David ka koih dinga amah in amaute a vak ding hi; amah in amaute vakin amaute a cingpa hi ding hi.

Ezekiel 34:31

No ka tuute, ka lonona-a gamta ka tuute, ka mite na hi uh a, keimah note Pasian ka hi hi,’ Thupipen TOPA in cikhia hi, ci in," hong ci hi.

Ezekiel 46:24

Amah in kei kiangah, "Hihte pen biakinnpi-a Pasian nasemte in mite biaknate a huan nading uh anhuan bukte ahi hi," hong ci hi.

Micah 3:11

Tuanu makaite in golhguk sum tawh thu khen uh a, ama siampite in thaman ngah nadingin thu hilh uh a, ama kamsangte in sum ngah nading bekin kam a sang uh hi. Tua hi napi TOPA tungah kinga-in, "Eite lakah TOPA om hi lo hiam? Eite tungah siatna hong tung kei ding hi," ci uh hi.

Micah 5:4

TOPA hatna sungah amah dingkipin, TOPA ama Pasian min thupi sungah a tuuhonte a cing ding hi. Tua ciangin amau liatna in leimong dong ban ding ahi manin amaute galmuangtakin a teng ding uh hi.

Micah 7:14

Lei hoiha lonona mun tulaka a amau le amau a teng na innluah ding na mite, nangma tuuhonte na ciangkhutin cing in. Tanglai peka bangin Bashan le Gilead ah amaute tasak in.

Zechariah 11:17

"Tuuhonte a taisan kimanna a nei lo tuucingpa, gimna nak thuak na nicia! A ban le a mit taklam namsau in sat ta hen! A ban zawcip henla, a mit taklam taw bikbek ta hen!" hong ci hi.

Malachi 1:10

"Biaknatau tungah bangmah a kimang lo mei na vak loh nadingun note khat in biakinn kongkhakte khak zaw un! Note tungah ka lung a kim kei hi," Thahatpen TOPA in ci a, "Na khutte panun biakna kong sang kei ding hi.

Misimna 18:7

Ahi hangin biakna-tau le puanzak sunga siampite tawh kisai na khempeuh nang le na tapate bek in na sem thei ding uh hi. Keimah in siampi nasep za letsongin note kong pia hi. Mun siangtho kianga a pai midang khatpeuh kithat pelmawh ding hi," a ci hi.

Luke 12:32

"Tuu hon tawmkhate aw, na Pa un note gam hong piak ding lungkim khin ahi manin na lau kei un.

Nasepte 20:29

Ken kong nusiat khit ciangin note lakah ngia hangsante hong lutin tuuhonte a hawi loh ding uh ka thei hi.

Nasepte 21:13

Tua ciangin Paul in, "Bang hangin note kapa, ka lungtang tamkhamsak na hi uh hiam? Hong kihen bek tham loin Topa Jesu min hangin Jerusalem a sih ding nangawn a kigingkholsa ka hi hi," hong ci hi.

Rome-te 1:15

Rome a om note kiangah zong lungdamna-thu hilh ding ka lawp mahmah na tua hang ahi hi.

1 Corinth-te 9:7

Ama sum zanga galkap na a sem kua ahi hiam? Lenggui suan napi lenggah ne lo kua ahi hiam? Ganhon khawi napi a nawi dawn lo kua ahi hiam?

1 Timothy 3:3

lenggahzu a kham lo, a ngongtat lo, a lungnem, kitot a hat lo, sum iplah lo hi pelmawh ding hi.

1 Timothy 3:8

Tua mah bangin pawlpi upate zong, zahtak a baang mi, a thutak, lenggahzu a hai lo, a maan lo metna a zong lo mi hi ding hi.

Titus 1:11

Amaute kamhum ding uh hi. Ahang in, a hilh loh ding pipi uh hillhin innkuan sung buppi a siasak uh hi; tua zong a maan lo-a metna zonna ahi hi.

Titus 1:7

Saptuam kem b pen, Pasian na a kikemsak ahi khit nung sangin pel loin kawkbaanna a om lo, a kiliansak lua lo, a heh baih lo, zu a kham lo, a gamhtat lo, met nading zonga a zuautat lo mi hi ding hi.

Titus 2:14

Amah, tatsiatna khempeuh pana eite hong tankhia ding le ama hong neihtuam dingin amahmah in hong siansuaha, a hoih a gamtat ding a lawp dingin eite ading amahmah hong kipia pa ahi hi.

Titus 3:1

Tua mite in gam-ukte le thuneite thu nial lo-a, a thu uh mangin, a hoih peuhpeuh sem dingin kiging kholin,

Philemon 1:14

Ahi hangin nang hong deihsakna khempeuh nang utthu-a nong hihsa suaka, hong kihihsak teitei a suah loh nadingin nang thu loin bangmah ka hih nuam kei hi.

Hebrews 12:15

Kuamah in Pasian hehpihna ngah lo-a, a om loh nading le a khaatna zung po toin buaina piangsaka, mi tampi a ninsak ding tua zung a sel loh nadingin kikem un.

2 Peter 2:3

Hih siate in huaihamin ama phuahtawm tangthute tawh note sumzonna in hong nei ding uh hi. Amaute a kimawhpaihna sawtvei zo a, amau kisiatna a ihsip kei hi.