1 Peter 5:10 - Zokam International Version

¹⁰ Christ sunga a tawntung minthanna ngah dinga hong sampa, hehpihna khempeuh Pasian in, tomcik sung na thuak khit uh ciangin amahmah in na ngei uh hong bangsak dinga, hong hatsak in, hong kipsak hong khosak ding hi.

LAISIENGTHOU CL Bible (BSI)

¹⁰ Hinanleh Khrist Jesu a kumtawn thupina tang dinga eite hing hanpa leh hepina Pasian in, hun tomkhat na thuoh nua chiengun, ahing hoibukimsahin, hing phut det in, hing hatsahin, tualeh ahing umdetsah ding hi.

Zo Bible

¹⁰ Note in gentheina bakhat sung na thuoh zaw ciengun Khris sungah tawntung minthanna nga dinga ang hlan pa, hepina zosie’ Pasien mama in note a ngaingai ang bangsah ding a, ama in hing panpi-in hing thahatsahin zong ang kipsah ding hi.

1 Peter 5:10 ပူးပေါင်းရင်းမြစ်များ

Phatna-late 119:28

Keima hinna dah in gim hi; na thu bangin tha hong guan in.

Phatna-late 138:7

Lungkhamna lakah ka pai hangin ka nuntakna hong hawisakin; a heh ka galte langah na khut na zankhia a, na khut taklamin nong honkhia hi.

Phatna-late 86:15

Ahi hangin Topa aw, nang a khuatuah thei le a hehpih siam, heh baih loin, itna le muanhuaina dim Pasian na hi hi.

Phatna-late 86:5

Topa aw, nang hoihin mawhna na maisak a, nang hong samte khempeuh tungah itna kicing na nei hi.

Zechariah 10:12

TOPA sungah amaute ka thakhauhsak dinga, ama minin a kalsuan ding uh hi," TOPA in cikhia hi.

Zechariah 10:6

Judah innkuante ka thakhauhsak dinga Joseph innkuante ka honkhia ding hi. Amaute khuatuah ka hi manin a ngei uh ka bangsak kik ding hi. Keimah amaute Pasian TOPA ka hi manin ka nial ngei loh bang ka hi ding a, amaute ngetna ka dawng ding hi.

Luke 22:32

Ahi hangin Simon aw, na upna a lawhsap loh nadingin nang ading thu ka ngen zo hi. Na kihei kik ciangin na sanggamte na thahatsak in," a ci hi.

Rome-te 15:13

Khasiangtho vangliatna hangin lametna tawh na kidimlet theih nadingun amah na muan bangun lametna Pasian in lungdamna le lemna tawh note hong dim ta hen.

Rome-te 15:5

Thuakzawhna le tha hong pia Pasian in Christ Jesu na zuih bangun note lakah kipumkhatna kha hong pia ta hen.

Rome-te 16:25

Tu-in khanghun sawtpi sung a kiselcip thuthuk kilaakkhiatna tawh kizui-a ka hilh lungdamna-thu le Jesu Christ kitangkona tawh note hong kipsak zopa -

Rome-te 9:11

Tua hi napi tua a peng tate gel a suah ma uh asia apha a bawl theih mapek un, Pasian teelkhiatna tawh kisai ama ngimna:

Rome-te 9:24

Jew-te pan bek hilo Gentile-te laka eite nangawn hong sam ahileh bang gen nawn ding i hi hiam?

1 Corinth-te 1:10

Sangamte aw, note khempeuh khat le khat kithutuakin note lakah kipawl khenna a om loh nading le lungsim le ngaihsutna-a kicingtaka na kigawm theih nadingun i Topa Jesu Christ minin kong thum hi.

1 Corinth-te 1:9

A Tapa i Topa Jesu Christ tawh kipawlna sunga note hong sampa Pasian a muanhuai hi.

2 Corinth-te 13:11

A nunung penin sanggamte aw, mangpha na man un. Kicinkimna na tum unla, kong ngetna na ngai un. Lungsim kikhatin na kilem un. Itna le lemna Pasian in note hong ompih ding hi.

2 Corinth-te 4:17

Ahang in, a cihtak lo le hun tomno sunga ka thuak uh lungkhamnate in tuate khempeuh a khup tawntung minthanna kote hong ngahsak hi.

Philippi-te 4:13

Kei thahatna hong pia pa tungtawnin na khempeuh ka hih thei hi.

Colosse-te 2:7

note hong kihilh bangin ama sungah zungkha-in, kilamin upna ah thakhauhin om unla lungdamna tawh kidimlet tawntung un.

1 THESSALONIKA 2:12

ama gam le a minthanna sunga hong sampa Pasian tawh kilawma nungta dingin note kong hanthawn uh a, hong hehnem in kong kun uh hi.

2 THESSALONIKA 2:14

I Topa Jesu Christ minthanna na ngah theih nadingun amah in note, hih ka gen uh lungdamna-thu tungtawnin hong sam zo hi.

2 THESSALONIKA 2:17

na lungtang uh hong hanthawnin a hoih na gamtatnate uh le a hoih na pauna tenguhah hong tha khauhsak ta hen.

2 THESSALONIKA 3:3

Ahi hangin Topa a muanhuai hi, na tha uh hong khauhsak dinga, gilopa panin hong hu ding hi.

1 Timothy 6:12

Upna galdona hoih na do in. Hong theihpih tampite mai-ah kipulakna hoih na neihsa, hong sapna, tua nuntak tawntungna limtakin lenkip in.

2 Timothy 1:9

Eite sepsa khatpeuh hang hi loin ama ngimna le hehpihna hangin hong honkhia a, nuntakna siangtho-a nungta dingin hong sam hi. Hun kipat ma-in hih hehpihna Christ Jesu sungah eite hong kipia zo hi.

2 Timothy 2:10

Tua ahi manin Christ Jesu sunga om hot khiatna a tawntung minthanna tawh a ngah khawm nadingun tua a teelsate hangin na khempeuh ka thuak hi.

Hebrews 9:15

Hih thu hang mahin thukhun thak palai Christ hong hi-a, a kisam mite in a kiciamsa tawntung gouluahna a ngah theih nadingun, thukhun masa nuai-a a bawlsa uh mawhnate pan a suaktasak dingin tu-in tatman dingin amah hong si zo hi.

1 Peter 1:15

Note hong sampa a siantho mah bangin na hihna khempeuh uhah na siangtho un;

1 Peter 4:10

Mikim in midangte na a sep nadinga a ngah letsong peuhmah, Pasian hehpihna a nam tuamtuam ah, muanhuaitakin zang ding hi.

1 Peter 4:11

Mi khatpeuh in thu a gen leh Pasian kammalte mahmah a gen bangin gen ta hen. Mi khatpeuh in mi na a sep leh, na khempeuh ah Jesu Christ tungtawna Pasian a kiphat theih nadingin Pasian piak thahatna tawh sem ta hen. Ama tungah minthanna le vangliatna a tawntungin om den ta hen. Amen.

2 Peter 1:3

Ama minthanna le a hoihna tawh hong sampa, amah i theihna tungtawnin nuntak nading le i pasianmi theih nadinga kisam khempeuh ama Pasian vangliatna in hong pia zo hi.

1 John 2:25

Amah in eite hong kamciam, hih nuntak tawntungna mah ahi hi.

Jude 1:24

A puk lo dinga note hong kem thei, khialhna om lo-a, lungnopna lianpi tawh a minthanna ama om na-a note hong puak theipa -