1 Peter 4:7 - Zokam International Version

⁷ Na khempeuh a beina nai ta hi. Tua ahi manin thu na nget theih nadingun lungsim siangtho le no le no ki-uk zoin om un.

LAISIENGTHOU CL Bible (BSI)

⁷ Hinanleh sil zousie tawpna ding anaita hi, tuaziehin lungsim dihtah puo unlen, lungluttah a thungen kawmin pilvang un.

Zo Bible

⁷ Sil bangkim a tawp ding hun ang nai ta hi; tua ahi ziehin thu na nget thei nadingun no le no ki-uh zo le pilvang tahin na om un.

1 Peter 4:7 ပူးပေါင်းရင်းမြစ်များ

Piancilna 19:35

Tua ciangin tua zan zong a pa lenggahzu dawnsak uh a, a tanu nauzaw pai-in amah a luppih hi. Amah in tuanu a lup lam le a thawh lam a thei kei leuleu hi.

Piancilna 6:13

Tua ahi manin Pasian in Noah tungah, "Ngongtatna tawh leitang kidim ahi manin, amaute hangin mi khempeuh ka beisak ding hi. Leitung le a mite a nih in ka susia khawm taktak ding hi.

Thuhilhna 7:2

Mi khempeuh tawpna, sihna hi a, a nungta laite in a lungsimah ciamteh ding ahi manin pawibawlte inn a hawh sangin a dahte inn a hawh hoihzaw hi.

Jeremiah 5:31

Kamsangte in zuauthu genin siampite in amau thuneihna bangin uk uh a, ka mite in hih bang nuamsa uh hi. Ahi hangin a tawpna hong tun ciangin bang na cih ding uh hiam?

Ezekiel 7:6

A beina hi ta! Note tungah ama thu hong tung ahi hi. Hong tung ta!

Matthew 24:42

"Tua ahi ciangin na Topa uh hong pai ding hun thei lo na hi manun na kigalging un.

Matthew 25:13

"Tua ahi manin a ni, a hun thei lo na hi manun na kigingkhol un.

Luke 21:34

"Note pilvang un, tua hi keileh na lungsimte uh lalthangin zukhamna le nuntak nading lunghimawh nate in hong thazawhgawp dinga tua ciangin na upmawh loh laitak un tua ni, thang kisai bangin no tungah hong tung ding hi.

Luke 21:36

Note na kigalging gige un. Thupiang dingte khempeuh pana na suahtak nading uh le Mihing Tapa mai-a na din theih nadingun thu na ngen un," a ci hi.

Luke 22:46

Amah in amaute kiangah, "Note bang hangin ihmu na hi uh hiam? Tho un. Zia-etna sunga na puk loh nadingun thu ngen un," a ci hi.

Rome-te 12:12

Lametna ah lungnuam unla, thuaksiatna ah lungduai-in, thungetna ah muanhuai un.

1 Corinth-te 15:24

Tua ciangin amah in ukna thuneihna le vangliatna khempeuh a suksiat khit, Pa Pasian tungah kumpi-gam a piakkhiat ciangin beina a tung ding hi.

1 Corinth-te 7:29

Sanggamte aw, hun tom ta ka cihnopna ahi hi. Tu-a kipan zi neite a nei lo bangin om uh hen.

Ephesa-te 6:18

Tua ciangin hun khempeuh ah thungetna nam khempeuh le ngetna tawh Kha-in thu na ngen un. Hih thu ngaihsun kawmin pilvang unla misiangte khempeuh ading thu na ngetsak den un.

Philippi-te 4:5

Mi khempeuh tungah na migitna uh na kitelsak un. Topa hong nai hi.

Colosse-te 4:2

Lungdamtak le kikem gige kawmin thunget na hahkat un.

2 Timothy 4:5

Ahi hangin nang na hileh bangmah peuhah pilvang inla, haksatna thuakin sawltak na sem inla, na Pasian nasepna ah na nasep khempeuh zo in.

Titus 2:12

Tua hehpihna in pasian-milohna le leitung vaite deihna tawh kisai-a, "Ut lo," ci ding le pumpi ki-uk zo-a nungta ding, diktat ding le tu khanghunah pasian-mitakin nungta dinga hong hilh lai mah in,

Hebrews 10:25

Pawlkhatte a kingeinaseh bang uh hi loin kikhop khawmna nusia kei ni. Ahi hangin, tua Ni in hong naih ta cih na theih bangun khat le khat kihanthawn semsem ni.

Hebrews 9:26

Tua bang hi hileh leitung kipiansak nungsang Christ in tamveipi a na thuak kul ding hi. Ahi hangin tu-in khanghunte bei hunin khatvei-a kimang den mawh maisak nadingin amahmah biakpiakna-in hong kilang zo hi.

1 Peter 1:13

Tua ahi manin a gamtang dingin na lungsim uh kisakhol un; na pumpi uh ki-uk zo un; Jesu a kilat cianga note hong kipia ding hehpihna tungah na lametna khempeuh uh nga un.

1 Peter 3:7

Tua mah bangin pasalte aw na thungetnate uh bangmah in hong dal loh nadingin na zite uh tawh na nuntak khawmna uhah no sanga a thahat lo zaw pankhawmpih ahilam phawk kawmin zahtak unla, hehpihna letsong ahi, nuntakna a luahpihte bangin amaute na khual un.

1 Peter 5:8

No le no ki-uk zo unla pilvang un. Na gal uh - dawimangpa, a nawmvalh ding zongin humpinelkai bangin humhamin thamvak kawikawi hi.

Kilaakna 16:15

"Ngai in, guta bangin kong pai hi! Amah guaktang le zumhuaitakin pholaka a om loh theih nadingin hak gige sa-in puansilh-a om pa thupha ngah ahi hi."