1 Peter 4:19 - Zokam International Version

¹⁹ Tua ahi tak ciangin, Pasian deihna zui-a a thuakte, a muanhuai amaute a bawlpa tungah amau le amau kipia-in, a hoih a bawl uh zom suak uh hen.

LAISIENGTHOU CL Bible (BSI)

¹⁹ Tuaziehin koipou Pasian phatsah dungzuia thuohten sil hoi bawl in ahagau uh siempa ginumtah kung ah kemsah uhen.

Zo Bible

¹⁹ Tua ahi ziehin Pasien’ deina tawh kituohin gimna a thuohte in a sil pha bawl uh zom suohin, ciem pel lo a Siempa tungah amau le amau ki-ap uheh.

1 Peter 4:19 ပူးပေါင်းရင်းမြစ်များ

Esther 4:16

"Pai inla, Susa sunga om Jew-te khempeuh kaikhawmin kei adingin an na tang un. Sun taleh zan taleh ni thum sung an ne tui dawn na om kei un. No mah bangin kei le ka nasem numeite in zong ka na tang ding uh hi. Hih banga i hih khit ciangin upadi tawh a kituak kei kha zongin ka sih le ka sih kumpipa kiangah ka va pai ding hi," ci-in a thuk kikna Mordecai a khak hi.

Phatna-late 138:8

TOPA in kei adingin a tup a tangtun ding hi; TOPA aw, nangma itna kip tawntung hi - na khuta na sepsate nusia kei in.

Phatna-late 31:5

Nangma khut sungah ka kha kong ap hi; thutak Pasian TOPA aw, keimah hong tankhia in.

Phatna-late 37:5

TOPA tungah na vai ap-in; amah muang in, ama’n a sem ding hi.

Isaiah 43:21

tua pen kei mahmah in ka bawlsa, ka teelsa ka mite in kei phatna a tangko theih nadingun amaute dawn dinga ka piak ahi hi.

Isaiah 43:7

ka minthan nadinga ka piansakte, sutuah a ka bawlte, ka mina kilote peuhmah hong puak un,’ ka ci ding hi," a ci hi.

Daniel 6:22

Ka Pasian in a vansawltak hong sawlin amah in humpinelkaite kam a humsak hi. Ama muhna ah mawhpeng ka hi manin hong liamsuah kei uh hi. Tua tham loin kumpipa aw, na mai-ah bangmah ka khial kei hi," a ci hi.

Luke 23:46

Jesu in, "Pa aw, ka kha nangma khut sungah kong ap hi," ci-in nakpitakin a kiko hi. Tua banga a kiko khit ciangin, a huu a beisak hi.

Nasepte 7:59

Amaute in amah suang tawh a den laitakun Stephen in, "Topa Jesu aw, ka kha na sang ta in," ci-in thu a ngen hi.

Rome-te 2:7

A hoih gamtat denna tawh minthanna pahtawina le sihtheih nawnlohna a zongte tungah, amah in nuntak tawntungna a pia ding hi.

2 Timothy 1:12

Tua thu hangin hih banga a thuak ka hi hi. Tua hi napi ka maizum kei hi; bang hang hiam cih leh ken ka up pa ka thei a, amah ka kepsakte tua ni adingin kem zo ding cih teltakin ka thei hi.

1 Peter 2:15

Ahang in, a hoih na sep uh hanga mihaite haipaunate na daihsak ding uh Pasian deihna ahi hi.

1 Peter 3:17

Pasian deihna ahi nak leh a sia bawla thuakna sangin hoihzaw hi.

1 Peter 3:20

Tua khate pen nidang lai pek, Noah hunlai-a Pasian in thuak keeikai-in a ngak, Noah in gunkuangpi a bawl lai-a thumang lote ahi uh hi. Tua gunkuangpi sungah mi tawmcik bek, a vekun giat, tui tungtawnin kihonkhia hi.