1 Peter 4:10 - Zokam International Version

¹⁰ Mikim in midangte na a sep nadinga a ngah letsong peuhmah, Pasian hehpihna a nam tuamtuam ah, muanhuaitakin zang ding hi.

LAISIENGTHOU CL Bible (BSI)

¹⁰ Michin in Pasian hepina chi tuom tuom kemmi hoitah bangin, silpieh na mu bangbang un nna kiseppieh tuo chiet un.

Zo Bible

¹⁰ Pasien’ hepina nam tuomtuom a zah siemte bangin note khat ciet in na nga uh ahi letsong popo tawh khatlekhat’ na na kiseppieh un.

1 Peter 4:10 ပူးပေါင်းရင်းမြစ်များ

Matthew 20:28

Mihing Tapa, midangte ama na a semsak dinga hong pai hi lo, midangte ading nasem ding le mi tampi tat nadinga ama nuntakna a pia dingin hong pai ahi hi," a ci hi.

Matthew 24:14

Tua ciangin mi namkim tungah teci ahi dingin leitung buppi ah kumpi-gam lungdamna-thu kihilh dinga tua khit ciangin beina a tung ding hi.

Matthew 24:21

Ahang in, leitung piancil a kipan tu hun dong tuazah a om ngei lo le a om ngei nawn lo ding lungdonna hong tung ding hi.

Matthew 24:45

"Tua ahileh ama inn sunga nasem dangte ukin, amaute a hunhunin an a pia dinga a pu in a koih a muanhuai a pil nasempa kua ahi hiam?

Matthew 25:17

Tua mah bangin talent nih a ngah pa in zong a met talent nih mah a ngah hi.

Matthew 25:44

"Amaute in zong, ‘Topa aw, na gilkial laitak, na dangtak laitak, puan na neih loh laitak, mikhual na hi laitak, na cinat laitak le na thongkiat laitak cikin hong mu-a, hong don lo ka hi uh hiam?’ ci-in dawng ding uh hi.

Mark 10:45

Ahang in, Mihing Tapa nangawn ama na midangte a semsak ding hi loin, midangte na a sem ding le mi tampi tat nadingin ama nuntakna pia dinga hong pai ahi hi," a ci hi.

Luke 12:42

Topa in, "Tua ahileh ama inn sunga nasem dangte ukin, amaute a hunhuna an a pia dinga a pu in a koih, a muanhuai a pil sungtapipa kua ahi hiam?

Luke 19:13

Tua ahi ciangin amah in a nasemte sawm sama, amaute mina b sawm ciat pia in, ‘Kong ciah kik mateng hih sumte tawh summet na bawl un,’ ci hi.

Luke 8:3

Herod inn sunga sungtapipa Chuza zi Joanna, Susanna, le adang tampi tawh a om uh hi. Hih numeite in amau neih bangbang tawh amaute a panpih uh hi.

Rome-te 15:25

Ahi zongin tu tadihin Jerusalem a misiangte nasem dingin tua khua lam ka manawh laitak ahi hi.

Rome-te 15:27

Ahang in, Gentile-te in Jew-te khalam thuphate tanhpih uh ahileh amau leitung thuphate zong a tanhpih ding uh Jew-te tungah a ba uh hi.

1 Corinth-te 15:10

Ahi hangin Pasian hehpihna hangin ka hi bangbang ka hi-a, kei tungah ama hehpihna a mawkna-in a bei kei hi. A bei kei takpi hi, amaute khempeuh sangin na ka nak sepzaw a, tua nangawn kei sep hi loin kei tawh a omkhawm Pasian hehpihna sep ahi hi.

1 Corinth-te 3:10

Pasian in hong piaksa hehpihna zangin inn lam siampa bangin bulkip khat ka phut zo a, midang khatpeuh in tua tungah a lam hi. Ahi hangin mikim in a lamdan pilvang uh hen.

1 Corinth-te 4:7

Ahang in, kua in note midang khatpeuh tawh a kibang loin hong bawl ahi hiam? Na ngah loh uh bang nei na hi uh hiam? A ngah na hi uh leh bang hangin a ngah lo bang kekin kisathei na hi uh hiam?

2 Corinth-te 6:1

Pasian tawh na semkhawm ka hi uh bangin Pasian hehpihna kimanna a nei lo-a ngah na suah loh nadingun kong thum uh hi.

2 Corinth-te 9:1

Misiangte tunga hih nasepna thu no tungah lai-a gelh ding kisam ka sa kei hi.

Ephesa-te 3:8

Pasian mi a neupente sanga a neuzaw hi napi hih hehpihna a kizongkhia zo lo Christ hauhna thu Gentile-te tunga hilh ding

Ephesa-te 4:11

Amah, mi pawlkhat sawltakpi, pawlkhat kamsang, pawlkhat lungdamna thugen, pawlkhatte thuhilh sia le laihilh sia sem dingin a pia pa hi-a,

2 Timothy 1:18

Tua ni teh Topa kiang pana lainatna mu dingin Topa in seh ta hen! Amah in Ephesus ah lam tampi in kei hong huh lam teltakin na thei hi.

Titus 1:7

Saptuam kem b pen, Pasian na a kikemsak ahi khit nung sangin pel loin kawkbaanna a om lo, a kiliansak lua lo, a heh baih lo, zu a kham lo, a gamhtat lo, met nading zonga a zuautat lo mi hi ding hi.

Hebrews 6:10

Pasian thutang lo ahi kei hi; amah in na nasep uh le ama mite na huhnasa uh le na huh lai nadingte uhah amah na itna uh na lahnasa uh a mangngilh kei ding hi.

1 Peter 5:10

Christ sunga a tawntung minthanna ngah dinga hong sampa, hehpihna khempeuh Pasian in, tomcik sung na thuak khit uh ciangin amahmah in na ngei uh hong bangsak dinga, hong hatsak in, hong kipsak hong khosak ding hi.

1 Peter 5:12

Sanggam muanhuai banga ka neih Silas c huhna tawh lai tawmno kong gelh a, note hong hanthawnin, hih in Pasian hehpihna taktak ahina teci ka pang hi. Hih thu ah kip un.