1 Peter 2:12 - Zokam International Version

¹² Lawkite lakah tua bang nuntakna hoih na nungta un. Amaute in a khiala hong ngawh uh hangin, na gamtatna hoihte uh mu thei ding uh a, Pasian in eite hong veh ni ciangin amah a minthangsak ding uh hi.

LAISIENGTHOU CL Bible (BSI)

¹² Jentelte lah a na gamtat dan uh kilawmtah hi heh, tuachia, silgilou bawlte banga ahing gensiet chieng ua, na nasep hoi uh amute u’zieh a ve a aum ni chieng ua, Pasian apahtawi theina ding un.

Zo Bible

¹² Gentile-te in sietna bawlte ci-in ang minsietsah vangun, thukhen dinga Pasien ang pei ciengin amate in note’ gamtat hoite mu-in Pasien’ min a phat thei nadingun amate lahah zatah huoi-in na gamta un.

1 Peter 2:12 ပူးပေါင်းရင်းမြစ်များ

Phatna-late 37:14

Migilote in mizawngte le a tasamte nuainet ding, a gamtatna-a thutangte that dingin namsau dokin thal a kek uh hi.

Phatna-late 50:23

Lungdamkohna biakna a piapa kei hong pahtawi hi-a, Pasian’ hotkhiatna amah b ka lah theih nadingin lamsial ahi hi," a ci hi.

Isaiah 10:3

Gamlapi pan gimna hong pai ciang, thukhenna ni ciangin bang na cih ding hiam? Hong huh dingin kua bel ding na hi hiam? Na hauhna koi-ah nusia ding na hi hiam?

Daniel 6:4

Hih thu hangin thuvai-hawmpite le gamkhen-ukte in Daniel mawhsak nadingin a kumpi nasepna ah encikin mawhzon uh hi; ahi hangin bangmah cih thei lo uh hi. Amah muanhuai-in ngentela na lopthop sep lo ahi manin nawngkaisak nading a mu zo kei uh hi.

Matthew 10:25

Sang naupangte a siapa a bata nasemte a pu a bat nak leh phazo hi. Inn sunga pa pen Beelzebub c a kicih leh a innkuanpihte kinak cih ngel ve!

Matthew 5:11

"Keima hangin engkona, bawlsiatna le zuauthu tawh gitlohna nam khempeuh a hong kingawh ciangin thupha ngah na hi uh hi.

Matthew 5:16

Tua mah bangin mite in na gamtatna hoihte uh a muh ciangin vantunga om na Pa uh a phat nadingun na khuavak uh mite mai-ah na tangsak un.

Matthew 9:8

Mihonpite in hih thu a muh uh ciangin lamdang a sa mahmah uh a, hih bang thuneihna mihingte tunga a pia Pasian a phat uh hi.

Luke 1:68

"Topa, Israel-te Pasian kiphat ta hen, bang hang hiam cih leh amah hong pai-in ama mite tankhia zo hi.

Luke 19:44

Amaute in nang le na tate na khuapi kulh sungah leilak hong denna ding uh hi. Pasian in note hong veh hun na theih loh manun amaute in suang khat tungah suang dang khat beek a kithuapsa in a hawi kei ding uh hi," a ci hi.

Luke 6:22

Mite in note hong mudah uh a, Mihing Tapa hangin amaute in note hong puaseh in, hong engko in na min uh siasak a, hong nolh uh ciangin thupha ngah na hi uh hi.

John 13:31

Amah a paikhiat khit ciangin Jesu in, "Tu-in Mihing Tapa kipahtawi-a, ama sungah Pasian a kipahtawi hi.

Nasepte 15:14

Pasian in ama mi mahmah dingin Gentile-te lak pan pawlkhat a lakna in, amaute bangci awlmawh hiam cih a masa penin hong lak zo hi, cih eite kiangah Simon a in hong telgen zo hi.

Nasepte 24:13

Tua hi-a amaute in kei hong ngawhnate uh na mai-ah hong tellah thei kei ding uh hi.

Nasepte 25:7

Paul a kilak ciangin Jerusalem pana paisuk Jew-te a kimkotah ding uh a, kiteltaka a lah theih loh uh mawhmatna nasia mahmah tampi tawh a mawhsak uh hi.

Nasepte 28:22

Ahi hangin mun khempeuh ah mite in, hih biakna pawltuam thu a langpan uh thei ka hi manun nang bang na ci muh hiam, ka za nuam uh hi," ci-in a dawng uh hi.

Rome-te 12:17

Khatpeuh gitlohna, gitlohna-in na thuk kik kei un. Mikim muhna-ah amaana gamtat ding na hanciam un.

Rome-te 13:13

Zu uang dawnna, zukhamna, numei-pasal paktatna le hukna lanna, kilungkimlohna le hazatnate sem loin sun huna i tat bangin eite a kilawmin gamta ni.

Rome-te 14:18

Bang hang hiam cihleh hih banga Christ na a sem peuhmah in Pasian lungkimsak a, mite in zong a thukimpih uh hi.

Rome-te 15:9

Gentile-te in Pasian lainatna hanga amah a minthansak theih nadingin hih bangin kigelh zo hi: "Tua ahi manin Gentile-te lakah nang kong phat ding hi; biakna late sa-in na min ka phat ding hi.," a

1 Corinth-te 14:25

tua ciangin a lungtang sunga thusimte a kilang ding hi. Tua ciangin amah kiko-in," Note lakah Pasian om takpi hi!" ci-in bokin Pasian a bia ding hi.

2 Corinth-te 1:12

Kote kisialhna hih ahi hi: Leitunga ka gamtatnate uh le a diakdiakin note tawh i kizopna thu ah kote ngaihsutna zang loin Pasian tung pana sianthona le cihtakpina tawh ka gamtatna uh ka lungsim kitheihna un teci a pang hi. Kote in leitung pilna tawh kizui-in hih loin Pasian hehpihna tawh kizui-in tua bangin ka hih uh hi.

2 Corinth-te 13:7

Khialhna bangmah na bawl loh nadingun, tu-in Pasian tungah thu ka ngen uh hi. Zia-etna ah kote cing ka hina uh mite theih ding deihna hi loin, zia-etna ah cing zo lo banga ka kilat uh hangin note amaan-a na gamtat ding uh deihna hizaw hi.

2 Corinth-te 8:21

Ahang in, Topa muh bek hi lo mihingte muh mahmah in zong amaan na sem dingin ka hih theih tawpun ka kidawm uh hi.

Ephesa-te 2:3

Hun khat lai-in eite khempeuh zong amaute lakah i nungta a, i mawhdim pianngei a ukluatna tangtun in pumpi lunggulhnate le ngaihsutnate zui-in i om hi. Midangte bangin pianngei in, thangpaihna nuai-a omte i hi hi.

Ephesa-te 4:22

Tuma lai-a na nuntakna uh tawh kisai-in khemhat lunggulhna in a siatsaksa na milui uh suahkhia ding,

Philippi-te 1:27

Bang khatpeuh piang ta leh, Christ lungdamna-thu tawh a kilawm in, ki-ukin na gamta un. Tua hileh hong hawhin note kong mu a, ka om loh kalin note thu ka galzak zongin lungdamna-thu upna hu in, lungsim kikhatin na dingkip uh cih ka thei ding hi;

Philippi-te 4:8

A nunung penin sanggamte aw, a maan peuhmah, a zahtakhuai peuhmah, a dik peuhmah, a siang peuhmah, a ithuai peuhmah, a pahtakhuai peuhmah, na khatpeuh a hoih pen hi-a, a phattak nak leh tua bang nate na ngaihsun un.

1 THESSALONIKA 4:12

Tua pen a pualam mite in na nisim nuntakna uh a zahtak theih nading uh le kuama tunga kingasawn na hi loh nading uh ahi hi.

1 Timothy 2:2

Tua pen eite i pasian-mina le sianthona ah lungmuang tak le kilemtaka i nuntak theih nadingin, kumpite le thuneite khempeuh ading thungen ding cihna ahi hi.

1 Timothy 4:12

Na khangnona hangin kuamah kisimmawhsak kei in; ahi hangin thugenna, nun takna, itna, upna le sianthona ah thu-umte etteh dingin na om in.

1 Timothy 5:10

Ahi zongin a gamtat hoihin, a tate khansuah zo a, zindo a siam, misiangte khe a silsak, gim ngahte huh tawntunga, gamtat hoih namkimte ah kipia zo mahmah in a kipahtak leh meigong lakah ciamteh in.

Hebrews 13:18

Ko ading thu hong ngetsak un. Lungsim kisuantakna nei lo le lam khempeuh ah pahtawitaka nuntak ding ka lunggulh lam uh ka telcian uh hi.

Hebrews 13:5

Pasian in, "Nang kong nusia kei dinga nang kong taisan ngei kei ding hi," e ci ahi manin sum iplahluatna panin kikem unla, na neih zahzah uh tawh lungkim un.

James 3:13

Note lakah kua pil a, kua in theitel ahi hiam? Ama nuntak hoihna le a pilna pana hong piangkhia kiniamkhiatna sungah a gamtatna-in lak ta hen.

1 Peter 2:15

Ahang in, a hoih na sep uh hanga mihaite haipaunate na daihsak ding uh Pasian deihna ahi hi.

1 Peter 3:16

Christ sunga om na gamtatna hoih uh langpang a, a simmawhte in a gensiatna uh a maizumpih theih nadingun na lungsim kitheihna uh siangthotakin kem un.

1 Peter 4:11

Mi khatpeuh in thu a gen leh Pasian kammalte mahmah a gen bangin gen ta hen. Mi khatpeuh in mi na a sep leh, na khempeuh ah Jesu Christ tungtawna Pasian a kiphat theih nadingin Pasian piak thahatna tawh sem ta hen. Ama tungah minthanna le vangliatna a tawntungin om den ta hen. Amen.

2 Peter 3:11

Hih bang zia in na khempeuh kisusia ding ahi khit nung sang, bangci mi na hi ding uh kilawm ahi hiam?

Ruth 3:14

Tua ciangin amah a khe kiangah zingsang dong luma, ahi hangin kuama mel kitheih loh hunin a tho hi; tua ciangin amah in," Ancilna phualah numei khat a pai lam kitheisak kei in," a ci hi.