1 Peter 2:11 - Zokam International Version

¹¹ Kong it lawmte aw, na kha uh hong do den, mawhdim lunggulhnate pana kidek dingin leitung ah gamdang mite le mikhualte bangin kong kun hi.

LAISIENGTHOU CL Bible (BSI)

¹¹ Ittahte aw, mikhuol leh khuolzin bang na hi ziehun hagau doudal tahsa utnate tawpsan dingin ka hing ngen hi.

Zo Bible

¹¹ Ka itte aw, na hlagau uh ang do den cilesa’ deinate panin na kideh zo nadingun pemtate le galtaite bangin note tungah kang thum hi.

1 Peter 2:11 ပူးပေါင်းရင်းမြစ်များ

Piancilna 21:34

Philistia-te gam ah Abraham sawtpi teng hi.

Piancilna 23:4

"Note lakah kei pemta khat ka hi hi. Ka misi ka vui theih nadingin a han ding mun khat hong zuak un," a ci hi.

Piancilna 47:9

Tua ciangin Jacob in Pharaoh kiangah, pemta a ka om hun kum za khat le sawm thum ahi hi. Ka nuntak hun tawmin haksa-a, ka pate pemta-a a om kumte a ban zo kei hi," ci hi.

1 Khangthute 29:15

Kote le ka pute khempeuh uh nang muhna-ah pemta le mikhual ka hi uh hi. Leitungah ka nuntak hun uh lametna om loin niliim tawh kibang hi.

Phatna-late 119:19

Leitungah mikhual ka hi hi; kei panin na thupiakte sel kei in.

Phatna-late 119:54

Ka giahna peuhpeuh ah na thukipte ka zailapi ahi hi.

Phatna-late 39:12

" TOPA aw, kong thungetna hong za inla nong huh dinga kong kikona hong ngai in; ka kahna hong bengngonsan kei in. Ahang in, ka pate khempeuh bangin pemta le mikhualin nang tawh ka tengkhawm hi.

Siampi Laibu 15:18

Pasal khat numei khat tawh lumkhawma a bawtui a teh ciangin pel loin amaute gel tui-in kipumsil ding uh a, nitak mateng asianglo hi ding uh hi.

Siampi Laibu 25:23

"‘Neih den dingin tua leitang na zuak kei ding uh hi, bang hang hiam cih leh tua leitang kei aa hi a, note pemta, lo khawhlawhte na hi uh hi.

Luke 21:34

"Note pilvang un, tua hi keileh na lungsimte uh lalthangin zukhamna le nuntak nading lunghimawh nate in hong thazawhgawp dinga tua ciangin na upmawh loh laitak un tua ni, thang kisai bangin no tungah hong tung ding hi.

Nasepte 15:20

I bawl sangsikin amaute lai khakin, milim biakna in a nitsak ante, numei-pasal paktatna, ngawng heklupte sate le sisante a tan dingun hilh zaw ni.

Nasepte 15:29

Milimte thoihna ante, sisan, ngawngheklup ganhingte sa, le numei-pasal paktatna na tang ding uh hi. Hih nate pelh le uh cin a hoiha gamta na hi ding uh hi. Mangpha.

Rome-te 12:1

Tua ahi manin sanggamte aw, a siangtho le Pasian lungkimna ahi a nungta biakpiakna ahi dingin na pumpi uh na piak nadingun Pasian lainatna hangin kong kun hi. Tuamah lah na khalam d biakna uh ahi hi.

Rome-te 7:23

Ahi hangin ka pumpi nate sungah thukham dang khat nasem ka mu hi. Tua thukham in ka lungsim thukham do a, kei pumpi nate sunga mawhnate sungah hong koltangsak hi.

Rome-te 8:13

Ahang in, mawhdim pianngei deihna banga na nuntak uh leh na si ding uh hi; ahi hangin Kha hangin na pumpi uh gamtatsiate na sihsak uh leh na nungta ding uh hi.

2 Corinth-te 5:20

Tua ahi manin kote tungtawnin Pasian in hih ngetna hong bawl bangin kote Christ palaite ka hi uh hi. Kote in Christ tangin: Pasian tawh kilemkik un, ci-in kong thum uh hi.

2 Corinth-te 6:1

Pasian tawh na semkhawm ka hi uh bangin Pasian hehpihna kimanna a nei lo-a ngah na suah loh nadingun kong thum uh hi.

2 Corinth-te 7:1

Kong it lawmte aw, hih kamciamte i neih khit nungsang, pumpi le kha a buahsakte khempeuh panin ei le ei kisiangthosakin Pasian zahtakna tawh siangthona ah bukimin om ni.

Galatia-te 5:24

Christ Jesu aa ahite in tua mawhdim pianngei deihna le a lunggulhna teng tawh a kilhlum zo uh hi.

Ephesa-te 2:19

Tua thu hangin note mikhual le gamdang mi hi nawn loin, Pasian mite tawh tualsung mi na hikhawm uh a Pasian innkuan sung mite na hi uh hi,

Ephesa-te 4:1

Tua ahi ciangin Topa adingin thongkia keimah in na ngahsa uh hong sapna tawh kilawm-a na nuntak ding uh kong kun hi.

2 Timothy 2:22

Khangno gitloh lunggulhnate taisan inla, lungsim singtho-a Topa a sam mite tawh thumaanna, upna, itna le lemna na delh in.

Hebrews 11:13

Hih mite khempeuh upna tawh a nuntak lai mah un a si uh hi. Amaute in a kiciamsa nate ngah lo uh a, tuate gamlapi panin galmuh in a galmuak bek uh hi. Tua hi-a amaute leitungah gamdang mi le mikhual ahilam uh a kiphawk uh hi.

Hebrews 6:9

Hih bang i cih tei hangin kong it lawmte aw, no tawh kisai-in hotkhiatna tawh kipawl a hoihzaw nate no aa hi, ci-in lungmuangin ka om hi.

James 4:1

Note lakah kitotna le kidona bang in piangsak ahi hiam? Nomau sunga kido den lunggulhna pana piang hi lo ahi hiam?

1 Peter 1:1

Jesu Christ Sawltakpi Peter in, Pontus, Galatia, Cappadocia, Asia le Bithynia gamte khempeuh a ki khenthanga hih leitunga mikhual-a om Pasian teelte,

1 Peter 1:17

Mikim nasepna tungah guptuam nei lo-a thukhenpa, Pa khat min a lo khawm na hi nungsangun kihtakna siangtho tawh hih lai-ah mikhualte bangin nungta un.

1 Peter 4:12

Kong it lawmte aw, na thuak uh gentheihbawlnate no tungah a lamdang pi-a tung bangin lamdang sa kei un.

1 Peter 4:2

Tua hangin ama leitung nuntakna a om laiteng mihing lunggulhna gilote ah nungta nawn loin Pasian deihna ah a nungta zaw hi.

2 Peter 3:1

Kong it lawmte aw, tu-in hih kong laikhak a nihveina ahi hi. A nih in ngaihsutna siangthotak tawh hong lawpsak kik dingin kong phawksakna ahi hi.