1 Peter 1:17 - Zokam International Version

¹⁷ Mikim nasepna tungah guptuam nei lo-a thukhenpa, Pa khat min a lo khawm na hi nungsangun kihtakna siangtho tawh hih lai-ah mikhualte bangin nungta un.

LAISIENGTHOU CL Bible (BSI)

¹⁷ Tualeh deisahtuom neilou a mi chin anasep dung zuia thukhenpa khu, Pa chia han na hi u’leh, tam leitunga khuolzin banga na taam hun sungun zaudan siem in um un.

Zo Bible

¹⁷ A gamtatnate utawh kizui-in mi zosie tungah deidat nei lo-a thu a khen pa tungah Pa bangin thu na nget uleh, na galtai uh hun sungin ama giingin gamta un.

1 Peter 1:17 ပူးပေါင်းရင်းမြစ်များ

Piancilna 47:9

Tua ciangin Jacob in Pharaoh kiangah, pemta a ka om hun kum za khat le sawm thum ahi hi. Ka nuntak hun tawmin haksa-a, ka pate pemta-a a om kumte a ban zo kei hi," ci hi.

1 Khangthute 29:15

Kote le ka pute khempeuh uh nang muhna-ah pemta le mikhual ka hi uh hi. Leitungah ka nuntak hun uh lametna om loin niliim tawh kibang hi.

2 Khangthute 19:7

Tu-in TOPA kihtakna no tawh om ta hen. TOPA eite Pasian tawh thutang lo, mi deidanna le golh-sum lakna omkhawm lo ahi manin kidawmtakin thu khen un," ci-in a gen hi.

Job 34:19

Amaute khempeuh a khuta a bawl ahi manin kumpi tapate khentuam loin mizawngte sangin mihaute a angvan tuan lo pa, amah hi lo ahi hiam?

Phatna-late 39:12

" TOPA aw, kong thungetna hong za inla nong huh dinga kong kikona hong ngai in; ka kahna hong bengngonsan kei in. Ahang in, ka pate khempeuh bangin pemta le mikhualin nang tawh ka tengkhawm hi.

Phatna-late 89:26

Amah in kei hong samin, ‘Ka Pa na hi a, ka Pasian, keima Honpa Suangpi na hi hi,’ hong ci ding hi.

Paunakte 14:16

Mipil in TOPA kihta-in gitlohna peel a, mihai in ahileh ngaihsun khol loin amtat hi.

Paunakte 28:14

TOPA a kihta tawntung mi thupha ngah hi-a, a lungtang khauhsakte ahileh a lungkham hi.

Jeremiah 3:19

Keimahmah in, "‘Lungdam lua-in tapate bangin ka bawl dinga, minam khatpeuh luah a nopcipen le a deihhuaipen nang kong pia ding hi,’ ka ci hi. ‘Pa’ hong ci-in nong zuihna pan kihei lo ding kong sa hi.

Zephaniah 3:9

Tua ciangin amaute khempeuh in TOPA min lo in liangko kinawkin a na a sep theih nadingun mite muk ka siangthosak ding hi.

Matthew 16:27

Ahang in, Mihing Tapa ama vansawl takte tawh a Pa minthanna kengin hong pai ding hi. Tua ciangin mi khempeuh in amau sepna tawh kizui-in pahtakman a sang ciat ding uh hi.

Matthew 22:16

Amaute in a nungzuite uh le Herod pawlte a kiangah a sawl uh hi. Tuate in, "Sia aw, mi thutak khat na hi-a, Pasian thutak tawh kituakin na hilh cih kong thei uh hi. Amaute hina en lo na hi manin kuama thu-in na gamta kei hi.

Matthew 6:9

Note in hih bangin thu na ngen un: "‘Vantunga om kote Pa aw, nangma min kisiangthosak ta hen;

Rome-te 11:20

Himah hi. Ahi hangin amaute uplahna hangin amaute a kitankhia hizaw a, nang na upna hanga ding na hi hi. Kisathei kei inla lau zaw in.

2 Corinth-te 1:2

I Pa Pasian le Topa Jesu Christ tung pana hehpihna le lemna no tungah om ta hen.

2 Corinth-te 5:6

Tua ahi manin eite muangtakin i om den a, i pumpi-a i om laitengin Topa kiang tawh i kigamlat lam lah i thei hi.

2 Corinth-te 7:1

Kong it lawmte aw, hih kamciamte i neih khit nungsang, pumpi le kha a buahsakte khempeuh panin ei le ei kisiangthosakin Pasian zahtakna tawh siangthona ah bukimin om ni.

2 Corinth-te 7:11

En dih un hih Pasian lama dahna in note sungah bang cihtakna, no le no kihahsiang nop nading bang lawpna, bang ngaihdahna, bang patauhna, bang lunggulhna, bang lunghi mawhna, amaana thukhen ding a tunsak lam mu un. Hih thu tawh kisai-in bangmah peuhah na mawhpen’ lam uh na kiciansak zo uh hi.

Galatia-te 2:6

Bangzahta in mi thupi hi le uh kilawm ta leh kei adingin amaute kilamdanna a om tuan kei hi. Pasian in a pualam kilatna in thu a khen kei hi—tua mite in ka thupuak bangmah a behlap kei uh hi.

Ephesa-te 1:17

Eite Topa Jesu Christ’ Pasian a minthang Pa in, amah na theihcian zawk nadingun pilna le kilaakna Kha f note hong piak theih nadingin thu ka ngen den hi.

Ephesa-te 3:14

Hih thu hangin Pa mai-ah ka khukdin hi,

Ephesa-te 6:9

Tua ciangin pute aw, tuamah tawh kibangin na silate uh na hih un. Van tungah note le amaute Pu ahi khawmpa om a, amah in gup le paih a neih loh lam thei na hi manun amaute na tawng kei un.

Thupiakkikna 10:17

Ahang in, TOPA note Pasian ahileh pasiante’ Pasian, topate’ Topa, thahatin a kihtakhuai, kuamah deidan a nei lo, golhsum a sang lo a lian mahmah Pasian ahi hi.

Philippi-te 2:12

Tua ahi manin kong it lawmte aw, thu na man densa bangun ka om sung bek hi lo, ka om loh sungin zong ka thu hong mangzaw in, lau kawm ling kawmin note hotkhiatna na semkhia den un.

Colosse-te 3:25

Khialhna a bawl mi peuhmah, angvantuamna om loin a khialhna man kipia kik ding hi.

Hebrews 12:28

Tua ahi manin eite, a kiling thei lo gam a ngah i hi nungsangin lungdam ni. Tua ciangin zahtakna le launa tawh san theih dingin Pasian bia ni.

Hebrews 4:1

Tua ahi ciangin ama khawlna sunga lut nading kamciam om lai ahi manin khatpeuh tua sunga lut dingin a cin zawh loh khak ding kidawm ni.

1 Peter 2:11

Kong it lawmte aw, na kha uh hong do den, mawhdim lunggulhnate pana kidek dingin leitung ah gamdang mite le mikhualte bangin kong kun hi.

1 Peter 3:15

Ahi hangin note lungsungah Christ Topa-in tuam koih un. Tua na neih uh lametna ahang hong dong peuhpeuh tungah migitna le zahtakna tawh na hilh theih dingin kigingsa in om gige un.