1 Khangthute 27:1 - Zokam International Version

¹ Hih in Israel-te min khumna ahi - innkuan lutangte le a tulte le a zate a uk, amaute uliante hi-a, amaute in kum tawntung kha simin a kisam bangin kikhel-a kumpipa nasemte ahi uh hi. Khen khat ah mi 24,000 ahi hi.

LAISIENGTHOU CL Bible (BSI)

¹ Tami Israel tate tam dan ahi: apulepate uh tulpipente leh galkap tul tunga lamkaite, za tunga lamkaite, ahun dungzui a banglam pou a leengpa nasemmite kum khat sunga hachin a kiheng zelzel pawl chin a mi tulsawmni leh tul li ahi uhi.

Zo Bible

¹ Tam pen Israel mi, innkuon lutangte, a tul le a za-a a uhte, le khen khatah mi tul sawmni le tulli ta a pha, kum khat sung tawntung hla khat zaw hla khat vaitung le vaikuon dinga kise a khente tawh kisai-in na zosie-ah kumpipa’ na a sem a uliente uh’ min kikhumna ahi hi:

1 Khangthute 27:1 ပူးပေါင်းရင်းမြစ်များ

2 Samuel 23:8

Hihte in David mi thahatte ahi hi: Tahkemon-te c Josheb-Basshebeth d Thumte a ukpa; amah in mi zagiatte langah a teipi liika kido khatin a that e khin hi.

1 Kumpite 4:27

Gamkhen uliante in amau sik kha in Solomon le kumpi sabuai-a pai khempeuh annek ding a pia ciat uh hi. Amaute in bangmah a kisam a omsak kei uh hi.

1 Kumpite 4:7

Solomon in Israel gamsung bupah kumpipa le kumpi innkuante kivakna lamsang a sik ding gamkhen uk sawm le nih zong a nei hi. Khat in kum khatin kha khat ta a sik ciat ding uh hi.

1 Kumpite 5:14

Amah in amaute kha khatin tulsawm a kikhelin Lebanon ah puaka, tua pen amaute Lebanon ah kha khat omin inn ah kha nih a om theih nading uh ahi hi. Adoniram in aana-a nasemte a uk hi.

1 Khangthute 11:10

Hihte in David mithahatte ukte hi a - TOPA in a ciamsa bangin amaute in Israel khempeuh tawh gam buppi ah a kumpi hihna khauhsakin a khangsak uh hi -

1 Khangthute 13:1

David in ama uliante a tultul le a zaza a ukte thu a kikuppih ciat hi.

1 Khangthute 26:32

Jeriah in siamna a nei mi innkuan lutang tulnih le zasagih nei a, Kumpi David in amaute Reuben-te, Gad-te, Manasseh beh alangte uk ding le Pasian tawh kisai thu khempeuh le kumpipa vaite ah a uk dingin a koih hi.

1 Khangthute 27:2

A kha masa-a a khen masa a uk Zabdiel tapa Jashobeam ahi hi. Ama khen ah mi 24,000 ahi hi.

1 Khangthute 28:1

David in Israel ulian khempeuh: behte a uk uliante, kumpi nasem galkap khen a uk galkap mangte, a tulte a ukte le a zate a ukte le van khempeuh le kumpipa neihsa ganhonte le a tapate a uk uliante tawh kumpi inn uliante, mi thahatte le galsiam mi hangsan khempeuh Jerusalem ah a kikhawmsak hi.

1 Khangthute 29:6

Tua ciangin innkuan makaite, Israel beh uliante, a tulte a ukte le a zate a ukte le kumpipa na a semte a ukte amau utthu-in a kipia uh hi.

2 Khangthute 1:2

Tua ciangin Solomon in Israel khempeuh tung - a tulte a ukte tung le a zate a ukte tung, thukhente tung le Israel sunga makaite khempeuh, innkuan lutangte tungah thu gena -

Paikhiatna 18:25

Amah in Israel khempeuh lak pan a kizen mi telkhia-a, a tultul, a zaza, a sawmnga nga le a sawmsawmte tungah ulianin a koih hi.

Micah 5:2

Ahi hangin nang Bethlehem Ephrathah aw, Judah bawng’te b sung pan aneu na hi hangin nang sungah Israel ukpa ding khat kei adingin a piangkhia ding hi; amah tanglai hunte pan c tangtawng pek pana d omsa ahi hi.

Thupiakkikna 1:15

Tua ciangin note beh makai, a pil a kizahtak mite ka la-a, note tungah thu neisak in - a tulte uk, a zate uk, a sawmngate uk le a sawmte uk le minam neute tunga ulian in ka koih hi.

Joshua 23:1

Hun sawtpi a bei khit TOPA in Israel, a kimkota galte a vensak khit ciang, Joshua lah tua hunin a kum tam ta in a tek nungin

1 Samuel 8:12

Pawlkhat a tulte uksakin pawlkhat a sawmngate uksak dinga, adangte a lo khosakin an lasak dinga a omlaite galhiam bawlsakin a sakollengte a vawhsak ding hi.