1 John 4:9 - Zokam International Version

⁹ Pasian in ama itna eite lakah hong lahna hih bang ahi hi: Ama tungtawna eite i nuntak theih nadingin amah in a Tapa neihsun b leitungah hong sawl hi.

LAISIENGTHOU CL Bible (BSI)

⁹ Tanah, Pasian in a itna eite lamah ahing langsahta, Ama zal a ihin theina dingin Pasian in A Tapa neisun leitunga ahing sawlna ah.

Zo Bible

⁹ Eite lahah Pasien’ itna tam bangin ang kilang hi: Ama tungtawnin eite i hin thei nadingin Pasien in leitungah a Tapa neisun ang sawl hi.

1 John 4:9 ပူးပေါင်းရင်းမြစ်များ

Piancilna 22:2

Tua ciangin Pasian in, "Na it na tapa, na tapa neihsun Isaac tonpih inla, Moriah kualah pai un. Nang tunga kong gen ding mualte tung khatah meihal biakna-in hong pia in," a ci hi.

Phatna-late 2:7

TOPA thukip ka tangko ding hi. Amah in, "Nang ka Tapa d na hi hi tu ni-in kei na Pa e ka suakkhin hi.

Mark 12:6

"Amah in a sawl theih ding a it a tapa khat a nei lai hi. A tawpkhakna ah, ‘Ka tapa zahtak buang ding uh hi,’ ci-in a tapa a paisak hi.

Luke 4:18

"Mizawngte tunga lungdamna-thu hilh dingin keimah sathau hong nilh khin zo ahi manin, Topa Kha ka tungah a om hi. Amah in thongkiate suaktasak ding, mittawte khua musak ding, a kinengcipte khahkhia ding,

John 10:10

Gutate ahileh, a gu ding, a that ding le a siasak ding beka pai ahi hi. Kei ka hileh amaute in nuntakna a neih nading, adim a neih nadingun hong pai ka hi hi.

John 14:6

Jesu in, "Keimah in, lampi, thutak le nuntakna ka hi hi. Kei tawn loin kuamah Pa kiang a tung thei kei hi.

John 3:16

Pasian in leitung it lua ahi manin, a Tapa a um khempeuh mangthang lo-a nuntak tawntungna a neih nadingin a Tapa khat neihsun h a pia hi.

John 3:18

Amah a um khempeuh a kimawhpaih kei hi. Ahi hangin amah a um lo mi peuhmah Pasian Tapa i khat neihsun a min um lo ahi manin mawh paihsa ahi hi.

John 5:23

tua pen mi khempeuh in Pa a pahtawi bangin Tapa a pahtawi nading uh ahi hi. Tapa a pahtawi lote in amah a sawlpa, Pa pahtawi lo ahi hi.

John 6:29

Jesu in, "Ama hong sawlpa up ding, Pasian’ na sepna ahi hi," ci-in a dawng hi.

John 6:51

Keimah in vantung pana hong pai a nungta anlum ka hi hi. Mi khat in hih anlum a nek leh a nungta tawntung ding hi.Hih anlum in leitung buppi nuntak nadinga ka piak ding ka sa ahi hi," a ci hi.

John 6:57

A nungta Pa in kei hong sawl-a, Pa hangin kei ka nuntak bangin kei-a kivak peuhmah kei hangin a nungta ding hi.

John 8:29

Ama lungkimna bek sem ka hi manin, kei hong sawlpa kei tawh omkhawma, kei guak hong nusia kei hi," a ci hi.

John 8:42

Jesu in amaute kiangah, "Na Pa uh Pasian ahileh note in kei nong it ding uh hi. Ahang in, kei Pasian kiang pana hong pai ka hi-a, tu-in hiah ka om hi. Keima thu-a hong pai hi loin hong sawlpa thu-a hong pai ka hi hi.

John 9:3

Jesu in, "Amah lah mawh kei, a nu-le-pa lah mawh kei, ahi hangin ama nuntakna ah Pasian nasepna a kilat nadinga piang ahi hi.

Rome-te 8:32

Ama Tapa neihsun sit loin eite khempeuh ading hong pia pa in amah tawh na khempeuh hong citpiak khawm loin om ding ahi hiam?

Hebrews 1:5

Ahang in, Pasian in vansawltakte kua kiangah, "Nang ka Tapa na hi hi; tu ni-in na Pa ka suak zo hi, a " b ci ngei ahi hiam? Ahikeh "Kei ama Pa ka hi dinga, amah ka Tapa ahi ding hi," c ci-in gen ngei ahi hiam?

1 John 3:16

Itna bang ahi hiam cih i theihna hih ahi hi: Jesu Christ in eite adingin a nuntakna hong khaam hi. Tua bangin eite in i sanggamte adingin i nuntakna i khaam ding kul hi.

1 John 4:10

Itna hih ahi hi: Eite in Pasian i it cihna hi lo, amah in eite hong it-a, i mawhnate thoihdamna dingin c biakna-in a Tapa hong sawlna ahi hi.

1 John 4:16

Tuaci bangin Pasian in eite hong it lam i thei a, tua itna tungah i kinga hi. Pasian in itna ahi hi. Itna sungah a nungta mi peuhmah Pasian sunga nungta hi-a, ama sungah zong Pasian a nungta hi.

1 John 5:11

Tua hi-a hih in teci panna ahi hi: Pasian in eite nuntak tawntungna hong pia a, tua nuntakna Tapa sungah a om hi.

1 John 5:13

Pasian Tapa min a um note in nuntak tawntungna na neih lam uh na theih nadingun no tungah hihte kong gelh hi.