1 John 4:2 - Zokam International Version

² Pasian Kha na khentel theih nading uh hih bang ahi hi: Jesu Christ mihingin hong pai hi, ci-a a sang kha peuhmah Pasian pan hi-a,

LAISIENGTHOU CL Bible (BSI)

² Tam thu ah Pasian Hagau na thei ding uhi: Jesu Khrist tahsa in ahing pieng chia phuong hagau pouma khu Pasian a kipan ahi.

Zo Bible

² Tam thu tawh Pasien’ Hlagau na thei ding uhi: Jesu Khris tahsa sungah ang pei zo hi, ci-a a sang poma Pasien tung pan hi a,

1 John 4:2 ပူးပေါင်းရင်းမြစ်များ

John 1:14

Tua Thu, ci-le-sa suak a, eite lakah amah a teng hi. Eite in ama minthanna - Pa kiang pana hong pai thutak le hehpihna a dim Tapa d neihsun minthanna i mu khin hi.

1 Corinth-te 12:3

Tua ahi manin Pasian Kha pansana thugen mi peuhmah in, "Jesu kihamsiat hen" ci thei lo a, Khasiangtho pansan longal kuamah in, "Jesu in Topa hi," a ci thei kei hi, cih kong gen hi.

1 Timothy 3:16

A lian mahmah nial nading a om lo pasian-mina thuthuk ahi: Amah e pumpi-in f hong kilang a, Kha in dik tangsakin vantung mite in mu uh a, minamte lakah a thu kihilhin leitungah ki-um a, minthanna tawh kilato hi.

1 John 1:2

Tua nuntakna hong kilang zo a, kote in mu khinin teci ka pang uh a, Pa tawh a om khawm ko kianga hong kilak tua nuntak tawntungna no tungah kong tangko uh hi.

1 John 2:23

Tapa a nial peuhmah in Pa a nei kei hi. Tapa a sang peuhmah in Pa zong a nei hi.

1 John 4:15

Mi khatpeuh in, Jesu, Pasian Tapa hi, ci-a a san leh ama sungah Pasian tenga, Pasian sungah amah a teng hi.

1 John 4:3

ahi hangin tua banga Jesu a sang lo kha peuhmah Pasian pan hi lo hi. Hih in antichrist kha hi-a, hong pai ding ci-a na zaksa uh, tu nangawnin leitunga a om khin zo ahi hi.

1 John 5:1

Jesu in Christ ahi hi, ci-a a umte peuhmah Pasian pana suak hi-a a pa a it peuhmah in a ta zong a it hi.

2 John 1:7

Jesu Christ ci-le-sa in hong pai hi, ci-a a sang lo, mikhem tampi leitung ah paikhia khin zo uh hi. Tua bang mi peuhmah mikhem le antichrist ahi hi.