1 John 3:5 - Zokam International Version

⁵ Ahi hangin i mawhnate a lakmang theih nadingin amah hong kilang ahilam na thei uh hi. Ama sungah ahileh mawhna a om kei hi.

LAISIENGTHOU CL Bible (BSI)

⁵ I khelnate lamang ding a Ama hing kilang ahi chi na thei uhi, Ama ah khelna mawngmawng a um sih hi.

Zo Bible

⁵ Mawna lakhie dingin ama ang kilang hi, ci thu le ama sungah mawna om lo hi, ci thu na thei uhi.

1 John 3:5 ပူးပေါင်းရင်းမြစ်များ

Hosea 14:2

Kammalte keng inla TOPA kiangah kihei in. Ama kiangah: "Ka mawhna khempeuh uh hong maisak inla ka muk a gahte uh nang kong piak theih nadingun, nong hehpihna-in kote hong sang in.

Matthew 1:21

Tapa khat a nei ding hi; tua tapa in ama mite a mawhna uh panin honkhia ding ahi manin a min Jesu b na phuak in," a ci hi.

Luke 23:41

Ei i hileh i gamtatnasate tawh kizui-in thuak i hi manin a kituaka gawtna a thuak i hi hi. Ahi hangin hih pa in tatkhialhna khat beek a nei kei hi," ci-in tuapa a tai hi.

Luke 23:47

Zakhat ukpa in thu piang teng a muh ciangin Pasian phat a, "Hih pa, mi thumaan hi takpi hi," a ci hi.

John 1:29

A zing ciangin ama lam manawh a Jesu hong pai John in a muh ciangin, "En un, leitung mawhna a puakhia Pasian Tuuno!

John 1:31

Kei zong amah ka thei kei hi. Ahi hangin baptise-a kong paina pen Israel-te tunga amah a kipulak nading ahi hi," a ci hi.

John 14:30

Hih leitung ukpa hong pai ta ahi manin note tawh sawtveipi ka kiho nawn kei ding hi. Amah in kei bangmah hong cih zo kei hi.

John 8:46

Note khatpeuh in ka mawhna nong man thei uh hiam? Ken thutak hong gen ka hileh bang dinga kei hong um lo na hi uh hiam?

2 Corinth-te 5:21

Eite ama tungtawnin Pasian thumaanna i suah theih nadingin Pasian in mawhna a nei lo amah eite adingin mawhna a a suaksak hi.

1 Timothy 1:15

Hih lai-ah a bupa santham thugen muanhuai khat om a, tua in: mawhneite hon dingin Christ Jesu leitungah hong pai hi, ci hi. Tua mawhneite lakah kei a sia pen ka hi hi.

1 Timothy 3:16

A lian mahmah nial nading a om lo pasian-mina thuthuk ahi: Amah e pumpi-in f hong kilang a, Kha in dik tangsakin vantung mite in mu uh a, minamte lakah a thu kihilhin leitungah ki-um a, minthanna tawh kilato hi.

Titus 2:14

Amah, tatsiatna khempeuh pana eite hong tankhia ding le ama hong neihtuam dingin amahmah in hong siansuaha, a hoih a gamtat ding a lawp dingin eite ading amahmah hong kipia pa ahi hi.

Hebrews 1:3

Tua Tapa in Pasian ahina taktak a kilatkhiatna le a minthanna tankhiatna hi-a, ama kammal vangliatna tawh na khempeuh a lenkip hi. Mawhnate siansak nading a bawl khit ciangin vantung Thupina taklam ah a tu hi.

Hebrews 4:15

Ahang in, eite zawn khalna hong thuakpih thei lo tulpi nei i hi kei hi; ahi hangin eite thuak mah bangin zia-etna a pawlpawl a thuak ngei, ahi hanga mawhna a nei lo tulpi khat i nei hi.

Hebrews 7:26

Tua bang tulpi khat - a siangtho, a kawkbaang lo, a siang, mawhneite pana kikhenkhia, vante tunglama a kitawisang pa khat in, eite kitaksapna hong pia zo mahmah hi.

Hebrews 9:26

Tua bang hi hileh leitung kipiansak nungsang Christ in tamveipi a na thuak kul ding hi. Ahi hangin tu-in khanghunte bei hunin khatvei-a kimang den mawh maisak nadingin amahmah biakpiakna-in hong kilang zo hi.

Hebrews 9:28

Tua bang tektek in Christ zong mi tampi mawhnate lakhiamang dingin khatvei biakpiakna in kipia zo hi; tua hi-a mawhna a pua ding hi nawn lo, amah a ngak mite hotkhiatna puak dingin a nihveina hong kilang ding hi.

1 Peter 1:18

Ahang in, na pate uh pana na luahsuk uh a mawkna nuntakna pana a kisia thei na: ngun ahikeh kham tawh hong kitan hi loin,

1 Peter 1:20

Leitung kipiansak ma-in amah kiteel zo a, ahi hangin note khualna-in hih hun nunungte a hong kilaaksak pan ahi hi.

1 Peter 2:22

"Amah in mawhna bawl lo a, ama kam sungah zong khemna a kimu kei hi," f

1 Peter 2:24

Mawhnate i sihsan theih nading le thumaanna i nuntakpih theih nadingin ama pumpi mahmah in i mawhnate sing tungah pua zo hi. Ama liammate hangin note hong kidamsak zo hi.

1 Peter 3:18

Ahang in, Pasian kiangah note hong tut theih nadingin Christ - tua mi thumaan, mi thumaan lote ading khatvei-a cinkim dingin a si zo hi. A pumpi-in sihna kithuaksak a, ahi hangin Kha-in kinung tasak hi.

1 John 1:2

Tua nuntakna hong kilang zo a, kote in mu khinin teci ka pang uh a, Pa tawh a om khawm ko kianga hong kilak tua nuntak tawntungna no tungah kong tangko uh hi.

1 John 1:7

Ahi hangin khuavak sungah i kalsuan leh amah khuavak ahi mah bangin eite khat le khat i kipawla, ama Tapa Jesu sisan in i mawhna khempeuh b panin hong siansuah hi.

1 John 2:1

Kong it ka tate aw, na mawh loh nadingun hih thu kong gelh hi. Ahi hangin mi khatpeuh in mawhna a bawl khak leh eite hong guma Pa kiangah hong gensak ding mi khat - Thumaan Pa Jesu Christ i nei hi.

1 John 2:2

Amah, eite mawhnate thoihdamna dingin biakpiakna hi-a, eite ading bek hi lo leitung buppi mawhnate thoihdam nadinga c biakpiakna zong ahi hi.

1 John 2:29

Amah a thumaan hi, cih na theih uh leh thumaan a hih peuhmah ama sunga suak ahi hi, cih na thei uh hi.

1 John 3:8

A kipatcil-a kipan dawimangpa a mawhden ahi manin mawhna a bawl mi peuhmah dawimangpa pana piang ahi hi. Pasian Tapa hong kilatna ahang pen dawimangpa nasepna a susia ding ahi hi.

Kilaakna 1:5

le a muanhuai teci pa, misi pana a suak masa pen, le leitung kumpite a ukpa, Jesu Christ tung panin hehpihna le lemna no tungah om ta hen. Eite hong it a, ama sisan hanga i mawhnate pan hong suaktasak,