1 John 2:11 - Zokam International Version

¹¹ Ahi hangin a sanggampa a mudah peuhmah khuamial sunga om hi-a khuamial sunga vak kawikawi ahi hi. Khuamial in a mit tawsak ahi manin a pai nading mel a thei kei hi.

LAISIENGTHOU CL Bible (BSI)

¹¹ Hinanleh aunau muda pouma miel a um ahi a, mielin amit atosah a apeina lam zong athei sih hi,

Zo Bible

¹¹ Hinanle thu um mi adang khat a muda poma khuomiel sungah omin khuomiel sunga lam pei ahi a, khuomiel in ama mittawsah ahi ziehin a pei nading lampi a thei sih hi.

1 John 2:11 ပူးပေါင်းရင်းမြစ်များ

2 Samuel 13:22

A sanggamnu Tamar Amnon in maimawlsak ahi manin Absalom in amah mudaha, asia apha kam khat beek a genpih kei hi.

Paunakte 4:19

Ahi hangin migilote’ lampi khuamial thukpi banga; amau in a muktusak a thei kei uh hi.

Thuhilhna 2:14

Mihaipa in khuamial sunga a pai laitakin mipilpa in a lutangah mit nei a, ahi hangin a nih un a kibanga a tuah ding uh ka thei hi.

Siampi Laibu 19:17

"‘Na lungsim sunguah na sanggampa muhdah kei un. Na vengpa uh khialhna na khialhpih loh nadingun amah kiciantakin tai un.

John 12:35

Tua ciangin Jesu in amaute kiang ah, "Note in tawmvei sung bek khuavak na nei lai ding uh hi. Khuamial in hong lap ma-in khuavak na neih lai-un pai un. Khuamial laka paite in a pai nading uh a thei kei uh hi.

John 12:40

"Amah in amaute mit tawsakin, a lungtangte uh sisak hi, tua ahi manin a mit uh tawh bangmah mu thei lo uh a, a lungtang uh tawh zong bangmah theitel thei loin a kihei thei kei uh hi - tua hi kei leh amaute ka damsak kha ding hi," c ci hi.

2 Corinth-te 3:14

Ahi hangin amaute lungsim kimawlsaka tuni dongin thukhun lui a kisim ciangin tua khuhna puan mah a om lai hi. Christ tungtawnin kilakhia thei bek ahi manin a kihawkkhiatsak nai kei lai hi.

2 Corinth-te 4:4

Pasian lim a hipa Christ minthanna lungdamna-thu khuavak a muh theih loh nadingun a um lote lungsim mit hih khanghun pasian in a tawsak hi.

Titus 3:3

Hun khat lai-in eite zong ahai, a thumang lo, mi khemsa le pumpi lung gulhna namkim le noptatna sila i hi hi. Gitlohna le hazatna tawh kidim in, mite muhdah le khat le khat kimuhdahna tawh i nungta hi.

2 Peter 1:9

Ahi hangin mi khatpeuh in tuate a neih kei leh muhna tom le mittaw hi-a, ama mawh nasate a kisiansak khit lam a mangngilh zo ahi hi.

1 John 1:6

Eite amah tawh i kipawl hi, ci napi in khuamial sungah i kalsuan lai leh zuauphuak i suaka, thutaka nungta lo i hi hi.

1 John 2:10

Ama sanggampa a it mi peuhmah khuavak sunga a nungta hi a, ama e sungah a muktusak ding bangmah a om kei hi.

1 John 2:9

Mi khatpeuh in khuavak sungah ka om hi, ci napi in a sanggampa a muhdah leh khuamial sunga om lai ahi hi.

1 John 3:15

A sanggam a it lo mi peuhmah tualthat hi-a, tualthat kuamah in ama sungah nuntak tawntungna a neih loh lam na thei uh hi.

1 John 4:20

Mi khatpeuh in, "Pasian ka it hi," ci napi a sanggampa a muhdah lai leh zuauphuak pa ahi hi. Ahang in, a muh gige a sanggampa a it lo mi in, a muh nai loh Pasian a it thei kei hi.

Kilaakna 3:17

‘Ka hau a, neih le lam ka cin hi, khat beek ka sam kei hi,’ na ci hi. Ahi hangin a genthei, a hehpihhuai, azawng, a mittaw le guaktang na hilam a phawk lo na hi hi.