1 John 1:9 - Zokam International Version

⁹ Eite in i mawhnate i pulak leh i mawhnate hong maisakin i thumaanlohna khempeuh hong siangsak dingin amah muanhuai-in a thutang hi.

LAISIENGTHOU CL Bible (BSI)

⁹ I khelnate i phuon u’leh ikhelnate ngaidam ding leh, dihtatlouna zousie akipat hing siengsah dingin Ama amuonhuoi in adihtat ahi.

Zo Bible

⁹ I mawnate uh pulah leih a muonhuoi le a thutang ama in i mawnate ei maisahin i dihlonate zosie ei silsieng ding hi.

1 John 1:9 ပူးပေါင်းရင်းမြစ်များ

1 Kumpite 8:30

Na nasempa le na mi Israel mite in hih mun lam nga-in hong thumna uh za in. Nangma tenna vantung panin za inla na zak ciangin a mawhna uh maisak in.

1 Kumpite 8:47

amaute a lungsim uh kikhel a, kisikin amau a zote gamah hong thum uh a, ‘Ka mawh zo uh hi, ka khial zo uh hi, a gilo in ka gamta khin uh hi,’ hong cih uh a,

Nehemiah 1:6

na nasem Israel mite adingin na nasempa in nangma mai-ah sun le zana kong thungetna a za dingin na bil hong ngat inla na mit hong hak in. Keimahmah le ka pa innkuanpihte a kipan ko Israel mite in nang tunga kong bawlsa uh mawhnate kong pulaak hi.

Phatna-late 19:12

Kua in ama khialhnate khentel thei ahi hiam? A kisel ka khialhnate hong maisak in.

Phatna-late 32:5

Tua ciangin ka mawhna nang kong theisak a, ka khialhna ka im kei hi. "Kei tatkhialhnate TOPA tungah kong pulak ding hi," ka ci-a - tuateh nang ka khialhna hanga mawhsakna nong maisak hi.

Paikhiatna 34:7

a tul tampite a it pa, gitlohna, langdona le mawhna a maisakpa ahi hi. Tua hi napi amah in mawhna a bawlte dan tuaksak loin a om kei hi. Amah in pate mawhna tate tung le amaute tate tung, khang thum khang lina dongin dan a tuaksak hi," ci-in a tangko hi.

Paunakte 28:13

A mawhnate a impa daupai lo a, pulaaka a tawpsan peuhmah ahileh kilainat hi.

Isaiah 45:21

Bang piang ding hiam genkhia-in thu sung un - amaute kikumkhawmsak un. hih thu sawt pekin kua in genkhol a, hun beisa lai-in kua in genkhia ahi hiam? a genkhia keimah TOPA hi lo ka hi hiam? Keimah Pasian longal a thumaan Pasian le Honpa dang kuamah a om kei hi; kuamah om lo hi, keimah ka hi hi.

Jeremiah 3:13

Na khialhna phawk tapeuh in- TOPA na Pasian na langdona, niliim nuai tengah gamdang pasiante tunga na angvanna na thehthang a, ka thu nong mang kei hi,’ ci-in," TOPA in cikhia hi.

Jeremiah 33:8

Kei tunga hong bawl uh mawhna ka siangsak dinga, kei hong langdona khempeuh uh ka maisak ding hi.

Tamlawhna 3:23

Zingsang simin tuate thaksuak a, na muanhuaina lian mahmah hi.

Ezekiel 36:25

Note tungah tui siangtho kong theh dinga na siang ding uh hi; na siantho lohna khempeuh uh ahi na milimte khempeuh panun kong siangsak ding hi.

Ezekiel 37:23

Keimah in a nungtolhna a uh mawhnate panin honkhia-in siangsak ding ka hi manin amaute milim, a kihhuai milimte le a tatkhialhnate uh tawh a kininsak nawn kei ding uh hi. Amaute keima mi suak ding uh a, keimah amaute Pasian ka hi ding hi.

Zechariah 9:9

Zion Tanu aw, nuam mahmah in! Jerusalem Tanu aw, kiko in! En in, na kumpipa b na kiangah thumaanna le hotkhiatna kengin migi-in laa tungah, sin nai loh, laapi ta laano tungah hong tuang hi.

Matthew 3:6

Amaute in a mawhnate uh pulak uh a, amah in Jordan Gun ah a baptise hi.

Mark 1:5

Judea gam sung teng le Jerusalem a mite khempeuh ama kiangah a pai uh hi. A mawhnate uh pulak uh a, amah in Jordan Gun sungah a baptise hi.

Luke 22:57

Ahi hangin amah in nial a, "Numei aw, ken amah ka thei kei hi," a ci hi.

John 17:25

"A thumaan Pa aw, leitung in nang hong thei kei zongin, ken nang kong thei-a, nang, kei nong sawl amaute in a thei uh hi.

Nasepte 19:18

A umte tampi hong pai uh a, a gitloh gamtatnate uh a pulakkhia khin uh hi.

Rome-te 3:26

tu-in amah thutang ahi ding le Jesu sunga upna a ngah midik a tangsakpa ahi lai dingin a thutangna hih bangin a lak hi.

1 Corinth-te 1:9

A Tapa i Topa Jesu Christ tawh kipawlna sunga note hong sampa Pasian a muanhuai hi.

1 Corinth-te 6:11

Note pawlkhat tua bang na hi uh hi. Ahi hangin i Topa Jesu Christ min le i Pa Pasian Kha tawh note hong kisawp zo, hong kisiangthosak zoin, dik hong kitangsak zo hi.

Ephesa-te 5:26

Amah in pawlpi siangtho dingin thu tungtawnin tui in sawp a, singthosak a hi,

Thupiakkikna 7:9

Tua ahi ciangin TOPA note Pasian pen Pasian ahilam thei un; amah a muanhuai Pasian hi-a, amah it-in a thupiak a zuite tungah ama itna thukhun khang tulkhat dongin a kiplet hi.

1 Timothy 1:15

Hih lai-ah a bupa santham thugen muanhuai khat om a, tua in: mawhneite hon dingin Christ Jesu leitungah hong pai hi, ci hi. Tua mawhneite lakah kei a sia pen ka hi hi.

Titus 2:14

Amah, tatsiatna khempeuh pana eite hong tankhia ding le ama hong neihtuam dingin amahmah in hong siansuaha, a hoih a gamtat ding a lawp dingin eite ading amahmah hong kipia pa ahi hi.

Hebrews 10:23

Eite hong kamciampa muanhuai ahi manin i sansa lametna hoihtakin lenkip ni.

Hebrews 11:11

Abraham in upna hangin, amah tek lua ta-in Sara mahmah lah tasel hi napi ama tunga thu a ciampa muanhuai a sak manin amah pa khat a suah theihna e kipia hi.

Hebrews 6:10

Pasian thutang lo ahi kei hi; amah in na nasep uh le ama mite na huhnasa uh le na huh lai nadingte uhah amah na itna uh na lahnasa uh a mangngilh kei ding hi.

1 John 1:7

Ahi hangin khuavak sungah i kalsuan leh amah khuavak ahi mah bangin eite khat le khat i kipawla, ama Tapa Jesu sisan in i mawhna khempeuh b panin hong siansuah hi.

Kilaakna 15:3

Tuuno la le Pasian nasem Moses la sa in: "Thahatpen Topa Pasian, nangma nasepte lian in, piandang hi. Khanghunte kumpipa aw, na lampite thumaanin thutang hi.