1 John 1:8 - Zokam International Version

⁸ Mawhna ka nei kei hi, i kicih leh ei le ei kikhem i hi a, eite sungah thutak a om kei hi.

LAISIENGTHOU CL Bible (BSI)

⁸ Khelna ka nei sih ichi leh, eima leh eima kisol ihi ua, thutah eima ah aum sih hi.

Zo Bible

⁸ Mawna ka nei sih hi, i ci leh eima le eima a kisol i hi a, i sungah thuman thutah a om sih hi.

1 John 1:8 ပူးပေါင်းရင်းမြစ်များ

1 Kumpite 8:46

"Amaute nang tungah hong mawh uh ciangin - ahang in, mawhna bawl lo mi khatbeek om lo hi - amaute tungah na heh-a, a galte uh tungah pia-in, a nai a gamla ah amaute in amau gamah salin a kaih uh ciangin salin a omna uh gamah

2 Kumpite 20:15

Kamsangpa in, "Amaute in na kumpi inn sungah bang mu uh hiam?" ci-in a dong hi. Hezekiah in, "Ka kumpi-inn sunga na khempeuh a mu uh hi. Ka goute khempeuh amau ka lah loh khat beek a om kei hi," a ci hi.

2 Khangthute 6:36

"Mawhna bawl lo mi khatbeek om lo ahi manin - amaute nang tungah hong mawh uh ciangin - amaute tungah nang heh-a a galte uh tungah pia-in a nai a gamla amaute gamah sal-in a kaih uh ciangin;

Job 14:4

A siang lo panin a siangah kua in tun thei ahi hiam? Kuamah in tun thei kei!

Job 15:14

"Numei pana piangkhia peuhmah a siantho nading ahikeh a thumaan nadingin mihing bang sa mawk na hiam?

Job 25:4

Tua ahi ciangin Pasian mai-ah kua thumaan thei peuhmah ding ahi hiam? Numei sunga suak mi peuhmah bangci siantho thei ding ahi hiam?

Job 9:2

"Hihi, hih in thumaan ahilam ka thei hi. Ahi hangin Pasian mai-ah mihing bangci thumaan thei ding hiam?

Phatna-late 143:2

A nungta khat beek na mai-ah a thumaan om lo ahi manin na nasempa, thukhenna hong thuaksak kei in.

Paunakte 20:9

Kua in, "Ka lungsim a siangtho-in ka kem a; mawh nei loin ka siang hi," ci thei ahi hiam?

Thuhilhna 7:20

Leitungah a maana gamta a mawh ngei lo a thumaan mi kuamah a om kei hi.

Isaiah 53:6

Eite khempeuh tuu bangin lam i pial khin a, eima utna ciatah i pial hi; TOPA in eite khempeuh mawhna ama tungah a suan hi.

Isaiah 64:6

Kote khempeuh a siang lo mipa ka bang uh a, thumaana ka sep khempeuh uh puanninte tawh a kibang hi; kote khempeuh nahthel keu ka bang uh a, ka mawhnate un huih bangin kote hong mutleng mang hi.

Jeremiah 2:35

‘Ka mawhpeng hi; kei tungah amah a heh kei hi,’ na ci lai hi. Ahi hangin, ‘Ka mawh kei hi,’ ci na hih manin nang tungah thu kong khen ding hi.

Siampi Laibu 13:12

"Tua natna a vuntung khempeuh ah a kilawh khit leh siampipa muhna ciangah cinapa a luzang pan a khepek donga vun khempeuh a tuam khit leh,

John 8:44

Note, na pa uh dawimangpa suan na hi uh hi. Tua ahi manin na pa uh deihna na tangtungsak nuam uh hi. Amah a cil panin tualthatpa hi-a, ama sungah thutak om lo ahi manin thutak a len kei hi. Amah zuau thei-a, zuauphuakte pa ahi manin zuau a gen ciangin ama pianpih pau-a pau ahi hi.

Rome-te 3:10

"Mi thumaan khat beek a om kei hi, khat nangawn a om kei hi;

Rome-te 3:23

Ahang in, mi khempeuh mawh khin a, Pasian minthanna ngah zo loin,

1 Corinth-te 3:18

No le no kikhem kei un. Note lakah mi khatpeuh in tu khanghun tawh kituaka pil a kisak leh a pil a suah theih nadingin a "hai" suak hen.

Galatia-te 6:3

Mi khatpeuh bangmah hi lo napi a thupi-a a kingaihsut leh amah le amah kikhem ahi hi.

1 Timothy 6:5

le lungsim sia mite kikalah kinawt ngitngetna a piangsak hi; amah thutak paii lo le pasian-mina, summet bawl nading beka a ngaihsun pa ahi hi.

2 Timothy 3:13

migilo le mi kheltatte, mi khem le khemna thuakin a siat semsem laitak uh hi ding hi.

James 1:22

No le no kikhemin thu ngai lelte hi kei un. Thu banga a gamtate na hi un.

James 1:26

Mi khatpeuh, amah le amah biakna uukmi in kingaihsun napi, a leii a kep zawh kei leh amah le amah a kikhem suaka, ama biakna kimanna a om kei hi.

James 3:2

Eite i vekpi in lam tampi-ah i muktu hi. Mi khatpeuh in a kam pauna ah khialhna a neih kei leh amah mi picing khat hi-a, ama pumpi bup a kemcing thei mi zong ahi hi.

2 Peter 2:13

Amaute hihsa siatna hangin tua siatna mahin amaute kithukkik ding hi. Amaute ngaihsut nopsakna ahileh suntangpipi-a uangtat ahi hi. Note e tawh an na nek khawm laitakun nop a sak luatna uh hangin melhemna le nitna a suak uh hi.

1 John 1:10

Eite in mawhna ka bawl kei hi, i cihleh amah zuauphuak i suaksak a, i nuntakna sungah ama thu a om kei hi.

1 John 1:6

Eite amah tawh i kipawl hi, ci napi in khuamial sungah i kalsuan lai leh zuauphuak i suaka, thutaka nungta lo i hi hi.

1 John 2:4

"Amah ka thei hi," a ci mi in ama thupiakte a zuih kei leh zuauphuak hi-a, ama sungah thutak a om kei hi.

1 John 4:20

Mi khatpeuh in, "Pasian ka it hi," ci napi a sanggampa a muhdah lai leh zuauphuak pa ahi hi. Ahang in, a muh gige a sanggampa a it lo mi in, a muh nai loh Pasian a it thei kei hi.

2 John 1:2

kote sunga om, kote tawh a omkhawm tawntung ding tua thutak hanga teelsa upanu le a tate tungah:

3 John 1:3

Sanggamte pawlkhat hong pai-in, thutaka na muanhuaina thu le tua thutaka na kalsuan, na zopsuakna thu hong ko uh a, ka lungdam mahmah hi.