San Lucas 9:5 - Zoque Copainalá New Testament

⁵ Y jutipʌ cumgu'yojmomij ja'n mbyʌjcʌchowatʌjtame, nʌ'camij ñchu'cumdamu, copuptamʌ mis ne'ŋbajcʌsipʌ po'yo. Te'šejmis nyajqueñajpa que ñe'cʌ's ijtyaju quiowa porque ja'n pyʌjcʌchoŋyay te' Diojsis chame.

San Lucas 9:5 ပူးပေါင်းရင်းမြစ်များ

San Mateo 10:18

Ngo'ŋdamba'ŋmʌjcʌmisʌj maŋbamij ñʌmawʌtʌjtamu re'yista'm y gobernado'rista'm wyi'naŋdʌjqui. Tey tzamdamʌ wiyuŋbʌ tiyʌ y te'šejmij maŋba ñdyestigosajtamu ñe'ta'm wyi'naŋdʌjqui y genti'lista'm wyi'naŋdʌjqui.

San Marcos 6:11

Y jutʌpʌ cumgu'yojmomij ja'n mbyʌjcʌchowatʌjtame ni ja'nmij ŋguiʌmato'ŋʌtʌjtame, nʌ'camij ñchu'cumdamu, copuptamʌ mis ne'ŋbajcʌsipʌ po'yo. Te'šej mis nyajqueñajpa que ñe'cʌ's ijtyaju quiowa porque ja'n pyʌjcʌchoŋyay te' Diojsis chame. Wiyuŋše'ʌsmij ndzamjaytyamba que más maŋba tyo'ya'ŋʌyatʌju te' cʌme'tzoquiuy jamo'oyj te' Sodoma y Gomorra-cumgu'yojmota'mbʌ que ja'nde' tepyʌ cumgu'yoyj te' jambyʌjcʌchowatʌjtamʌmij.

San Marcos 9:37

Iwʌ's pyʌjcʌchoŋba tumʌc yʌ'šejpʌ chics une ʌs nʌquiʌsi, ʌjte' pʌjcʌchoŋba. Y iwʌ'sʌj pʌjcʌchoŋba ʌj, ja'n na' ʌj pʌjcʌchowe, sino que pyʌjcʌchoŋba te' cʌ'wejupʌ'sʌj.

San Lucas 10:16

Iwʌ'smij ŋguiʌmato'ŋʌytyamba mij, ʌs ŋgʌ'aŋmayeta'm, ʌjte' nʌ cʌmato'ŋʌyu. Y iwʌ'smij ja'n mbyʌjcʌchoŋdame, ʌjte' ja'n pʌjcʌchowe, y iwʌ'sʌj ja'n pʌjcʌchowe, ja'n pyʌjcʌchowe te' cʌ'wejupʌ'sʌj.

San Lucas 5:14

Y Jesujsis 'yaŋgui'mu uy ya'iwʌ chamjayu. Pero ñʌjayu: Mawʌ, ma yajquena nwin te' sacerdote que ñchocwa'mij. Y tzi'ʌ te' sacerdote tiyʌ'iwʌ copʌn Dioscotoya aŋgui'mušej Moisés. Te'šej maŋba myujšaju te' pʌ'nis que ŋguiowajumij.

San Lucas 9:4

Y jutipʌ tʌjcojmomij ñdyʌjcʌytyamba, cojejtamʌ tey, y tey tzu'cumdamʌ.

San Lucas 9:48

y ñʌjayaju: Iwʌ's pyʌjcʌchoŋba yʌ' une ʌs nʌquiʌsi, ʌjte' pʌjcʌchoŋba. Y iwʌ'sʌj pʌjcʌchoŋba ʌj, pyʌjcʌchoŋba te' cʌ'wejupʌ'sʌj. Porque iwʌ's más chicstzʌcpa wyin mumu mi'ojmota'm, yʌ'wʌte' más maŋba myʌja'ŋaju.

Hechos 13:51

Pijche'ca quiopupyaju ñe'cʌ'sta'm te' ñe'ŋbajcʌsipʌ po'yo wa'y yajnʌctʌ'yaju. Y maŋyaju Iconio-cumgu'yojmo.

Hechos 18:6

Pero ñe'cʌta'm nʌmyaju que ja'ne, y wyinʌcnʌ'mnʌ'mwʌyaju Pablo. Pijche'ca Pablo's quiopujpu pyama y ñʌjayaju: Ne'cʌmis ni'aŋba'ttamba nwin jujcha' yajca'oyupʌ. Yʌ'wʌcʌsi ja'namʌj musi ni'aŋba'tyaju. Yʌtij maŋba'ʌj genti'lojmota'm.