San Lucas 9:43 - Zoque Copainalá New Testament

⁴³ Y mumupʌ's ñʌmayajayaju te' Diojsis myʌja'ŋajcʌ'. Y nʌ'cše'ŋoyjtyij ñʌmaya'yaju mumu te' chʌjcupʌ tiyʌ, ñe'cʌ's ñʌjayu te' quiʌ'aŋmayeta'm:

San Lucas 9:43 ပူးပေါင်းရင်းမြစ်များ

San Mateo 17:22

Y Galilea-najsojmo tʌj nʌ ndumʌwijtu'c Jesujsis nʌjayutʌj: Ʌj, te' Pʌ'nis 'Yune, maŋba'ʌj tzi'oquiu'yajyaju pʌ'nista'm quiʌ'ojmo.

San Marcos 6:51

Pijche'ca qui'mdʌjcʌyu barco'ojmo ijtyajumʌy te' quiʌ'aŋmayeta'm y po'yaŋjeju te' sawa. Y ñe'cʌta'm quentu'yaju y jene maya'yaju,

San Lucas 18:43

Pijche'ctij yajsʌ'ŋjayu te' wyitʌm. Quio'ŋgʌ'yu Jesús y myʌja'ŋwʌcotzamba inʌc Dios. Y wyʌcotzamyaju Dios mumu pʌ'nis quieñaju'ca te'šej.

San Lucas 4:36

Y mumu pʌn maya'yaju y naquiʌ'aŋwa'quiatʌju ñe'co'mo: ¿Tiyʌ tzamecʌsi'ayʌ' yʌ'šej? Porque pyʌmi'ojmo aŋgui'mbapʌšej 'yaŋgui'mba yatzi-espirituta'm y pujtyajpa.

San Lucas 5:26

Y pa'ŋna ñʌmaya'yaju y myʌja'ŋwʌcotzamyajpa inʌc Dios. Jene na'chaju y nʌmyaju: Išo'ytyʌs ŋguenu maya'aŋda'mbʌ tiyʌ.

San Lucas 5:9

Porque šʌ'mu inʌc na'tzi's te' Pedro y te' ñe'cʌji'ŋ inʌc ijtyajupʌ porque wʌwʌ ñʌpujtyaju te' coquej.

San Lucas 8:25

Y ñʌjayaju: ¿Ja'ndiyʌta'mja nwʌ'aŋja'moquiuy? Y jene na'chaju y maya'yaju y nañʌmjayatʌju: ¿Iwa' jequeyʌ' yʌ'wʌ, 'yaŋgui'mbapʌ's sawa y nʌ' y myato'ŋoyjayajpa?

San Lucas 9:42

Y na' nʌ quia'ŋnu'cu'c te' ŋga'e, te' yatzi-espiritu's yajcunu y yajsʌtʌtcʌ'yu. Pero 'yotoŋjayu Jesujsis te' yatzi-espiritu y yajtzojcu te' ŋga'e, y chi'oquia'u te' tyatajcʌsi.

2 Pedro 1:16

Tʌs nʌtʌsmij nyajmusjaytyamu tʌ Ngomi Jesucristo's myujsoquiuy y minguy. Yʌ' nʌtʌsmij ndzamjaytyamupʌ tiyʌ ja'nyʌ' undzame pʌ'nis ñʌcʌpo'yajupʌ, porque tʌste' ne' nwitʌmbit ŋguenjayu te' Cristo's myʌja'ŋajcʌ'.