San Lucas 9:41 - Zoque Copainalá New Testament

⁴¹ Y aŋdzoŋu Jesús y nʌmu: Ja pʌnda'm, ja'ndejcamij nwyʌ'aŋja'moytyame, ndo'wi-quipsoquiuytya'm. ¿Jujche'ŋdiempoma'ʌj maŋba ijtu miji'ŋda'm y nʌmaŋjaytyamba'ʌsmij paciencia? Nʌmindamʌ yʌy te' mis une.

San Lucas 9:41 ပူးပေါင်းရင်းမြစ်များ

San Mateo 11:28

Cʌ'mindamʌ'ʌj jujche'ŋmij nʌ mbyuyupyʌ'tamupʌ yoscu'yis, y tzʌmicʌ'mʌmij ittamupʌ, y ʌsmij maŋba nyajsapʌctamu.

San Mateo 12:39

Y ñe'cʌ aŋdzoŋu y ñʌjayaju: Yʌ' yʌtijta'mbʌ pʌn yatzita'mbʌyʌ' y cʌtzʌjcʌ'oyajpapʌ. Sunba quieñaju isaŋwʌ'ajcuy jujcha' señal, pero ja'ʌs maŋu nyajqueñaju isaŋwʌ'ajcuy jujcha' señal, sino que te' quiʌtʌcjayušej te' tza'maŋwa'opyawʌ Jonás.

San Mateo 12:45

Pijche'ca maŋba 'yaŋbʌjca'ŋʌyu cu'ya'y 'yespiritu-tʌwʌ más yatzita'mbʌ que ja'n ñe'cʌ. Y tʌjcʌyajpa wa'y ijtyaju te' pʌ'nojmo. Te' te'šejpʌ pʌ'nis jʌsa'capʌ itcuy más maŋba wyʌwa'u yacha'cuy que ja'n wina. Te'šej maŋba quiʌtʌcjayaju yʌ' yatzita'mbʌ pʌn.

San Mateo 16:4

Yatzita'mbʌ y cʌtzʌjcʌ'oyajpapʌ pʌ'nista'm sunba quieñaju isaŋwʌ'ajcuy jujcha' señal. Pero ja'ʌs maŋu nyajqueñaju isaŋwʌ'ajcuy jujcha' señal, sino que te' quiʌtʌcjayušej te' tza'maŋwa'opyapʌ Jonás. Y chaquiaju Jesujsis, y maŋu.

San Mateo 17:17

Aŋdzoŋu Jesús y nʌmu: Ja pʌnda'm ja'ndejcamij nwyʌ'aŋja'moytyame y nyatziquipsoytyambamij. ¿Jujche'ŋdiempoma'ʌj maŋba ijtu miji'ŋda'm? ¿Hasta jujche'ŋdiempoma'ʌsmij nʌmaŋjaytyamba paciencia? Nʌmindamʌ yʌy te' ŋga'e.

San Mateo 23:36

Wiyuŋše'ʌsmij ndzamjaytyamba que mijta'm, yʌtijta'mbʌ pʌn, maŋbamis ŋgo'aŋgʌytyamu yʌ'šejta'mbʌ tiyʌ.

San Mateo 3:7

Y quienu Jua'ŋis que nu'quiajpa inʌc wʌwʌ te' fariseota'm y saduceota'm wa'y ñe'cʌ's yajnʌ'yʌyaju, y ñʌjayaju: Njyoco'istotzanšejta'm mij. ¿Iwʌ'sayʌ' ñchamjaytyamu wa'mis mboyjaytyamu te' co'aŋgʌquiuy Diojsismij maŋba nyajnʌco'aŋgʌytyamupʌ?

San Marcos 10:14

Y quienu te'šej Jesujsis, jawyʌmʌ'yʌ y ñʌjayaju te' quiʌ'aŋmaye: Tzactamʌ te' uneta'm wa'y miñaju ʌ'aŋi. Uy yajwinductame porque yʌ'šejta'mbʌte' maŋba tyʌjcʌyaju aŋgui'mopyamʌy Dios.

San Marcos 10:49

Pijche'ca tenachʌ'yu Jesús y yajweyatʌju te' to'tiwʌ. Y maŋu wyejyaju y ñʌjayaju: Uy tzocomyocha'e. Tzu'cumʌ, Jesujsis nʌmij nwyeju.

San Marcos 9:19

Aŋdzoŋu Jesús y ñʌjayaju: Ja pʌnda'm, ja'ndejcamij nwyʌ'aŋja'moytyame. ¿Jujche'ŋdiempoma'ʌj maŋba ijtu miji'ŋda'm? ¿Hasta jujche'ŋdiempoma'ʌsmij nʌmaŋjaytyamba paciencia? Nʌmindamʌ te' ŋga'e.

San Lucas 8:25

Y ñʌjayaju: ¿Ja'ndiyʌta'mja nwʌ'aŋja'moquiuy? Y jene na'chaju y maya'yaju y nañʌmjayatʌju: ¿Iwa' jequeyʌ' yʌ'wʌ, 'yaŋgui'mbapʌ's sawa y nʌ' y myato'ŋoyjayajpa?

San Lucas 9:40

Y nwa'cjayaju'ʌs mis ŋgʌ'aŋmaye wa'y myacpujtyaju te' espíritu y jamusʌ ñʌpujtya.

San Lucas 9:42

Y na' nʌ quia'ŋnu'cu'c te' ŋga'e, te' yatzi-espiritu's yajcunu y yajsʌtʌtcʌ'yu. Pero 'yotoŋjayu Jesujsis te' yatzi-espiritu y yajtzojcu te' ŋga'e, y chi'oquia'u te' tyatajcʌsi.

San Juan 14:9

Y ñʌjayu Jesujsis: Sone aŋsʌ'ŋa'mʌj ijtu miji'ŋda'm y ¿ja'nmaja'ʌj ispʌqui mis Felipe? Iwʌ'sʌj quenwa'a ʌj, quienjawya'mʌs Ndataj. ¿Tiyajca'nde' ñʌmbamij: Yajquenatʌj mis Ndata Dios?

San Juan 20:27

Pijche'ca ñʌjayu te' Tomás: Yajtʌjcʌ mis ŋgʌ'mosi yʌy, y quenja ʌs ŋgʌ'. Minʌ yʌy tome y pi'quisʌ'ʌj wojchajumʌ'yʌj, y tzacʌ te' jana nwʌ'aŋja'moquiuy y wʌ'aŋjamʌ que pijtʌjyʌ'.

Hechos 13:18

Y wʌstʌjqui's ameše'ŋoyj pyʌ'mgopajcʌyjayu te' pʌ'nista'm chʌqui ja'itʌnʌmʌmʌy.

Hechos 2:40

Y wi'ni eyata'mbʌ chamepit Pedro's 'yaŋmayaju y pyʌmitzi'yaju, y nʌmu: Cotzoctamʌ yʌ' yatzita'mbʌ pʌ'nojmoc.

Romanos 2:4

¿O aŋgoje'ŋʌpyamisja te' Diojsis aŋba'tepʌ 'yoye'ajcuy, y pyaciencia y pyʌ'mgopajcʌ'oquiuy? ¿Ja'nja musi que te' 'yoye'ajcu'yismij ŋguiotzoŋba wa'mij ŋguipswitu'u?

Hebreos 3:19

Mustambatʌ que jamusʌ tyʌjcʌya porque jawyʌ'aŋjamya Dios tyumʌtzocoy.

Hebreos 4:11

Pyʌcpa jeque wa'ytyʌ ŋgoquendamu cuenta wa'ytyʌ ndʌjcʌytyamu maŋbamʌytyʌ yajsapʌctamu ñe'cʌ's, y uytyʌ maŋu njascojchi'ttamu jascojchi'tyajušej te' jamyato'ŋoyapʌ.

Hebreos 4:2

Porque ñe'cʌ'stʌ yajmujsu tʌta'm jujcha' yajmujšaju ñe'cʌta'm wina, te' oyeta'mbʌ tiyʌ chamdzi'yatʌjupʌ ñe'cʌta'm. Myatoŋyaju ñe'cʌ'sta'm, pero yajtiyʌ jañʌwʌ'ajya porque jawyʌ'aŋjamya.

Hebreos 7:25

Te'cotoya ñe'cʌ's muspa yajcotzojcoctuquiaju iwʌ'sta'mis quiʌnu'cʌyajpa Dios ñe'cʌpit. Y como ñe'cʌ ja'n quia'e tzamdʌjcʌyjojcʌtʌctambatʌ.