San Lucas 9:26 - Zoque Copainalá New Testament

²⁶ Porque iwʌ'sʌj cotza'ajpa ʌj y ʌs ndzame, ʌs, te' Pʌ'nis 'Yune's maŋba'ʌs ŋgotza'ajque'tu yʌ'wʌ minba'camʌj ʌs ndzi'muŋgʌ'ojmo, y ʌs Ndata's y masanda'mbʌ 'yangelejsis chi'muŋgʌ'ojmo.

San Lucas 9:26 ပူးပေါင်းရင်းမြစ်များ

San Mateo 16:27

Porque ʌj, te' Pʌ'nis 'Yune, maŋba'ʌj minu Ndata's chi'muŋgʌ'ojmo ñe' 'yangelesji'ŋda'm. Pijche'cʌs maŋba ŋgoyojayaju tumduma'ŋbʌ'nis yojsaŋ.

San Mateo 25:31

Minba'camʌj, ʌj te' Pʌ'nis 'Yune, ʌs ndzi'muŋgʌ'ojmo, maŋba miñaju mumu te' masanda'mbʌ ángeles ʌji'ŋ. Pijche'c ʌs mʌja'ŋajcupyit maŋba'ʌj mbocsu ʌs aŋgui'mʌtʌjcuy-pyocscu'yojmo.

San Mateo 26:64

Jesujsis 'yaŋdzoŋu: Pijtʌjyʌ', mis nʌ ndzamušej. Y nyajmustaŋgue'tpa'ʌsmij que jʌsa'ca maŋbamisʌj ŋguendamu ʌj, te' Pʌ'nis 'Yune, pocsu'camʌj te' mʌja'ŋbʌ Diojsis chʌ'na'ŋojmoc te' ñe'cʌ aŋgui'mbamʌy. Y maŋbamisʌj ŋguendaŋgue'tu nʌ'cʌj minu tzajpojmopʌ o'na'ojmo.

San Marcos 8:38

Porque iwʌ'sʌj cotza'ajpa ʌj y ʌs ndzame yʌ' cowatzʌquicucmʌ y cʌtzʌjcʌ'oyajpapʌ pʌ'nojmo, ʌs, te' Pʌ'nis 'Yune's, maŋba'ʌs ŋgotza'ajque'tu yʌ'wʌ. Yʌ'še'ʌs maŋba ndzʌjcu minba'camʌj te' masanda'mbʌ angelesji'ŋ ʌs Ndata's chi'muŋgʌ'ojmo.

San Juan 12:43

Porque más inʌc šuñajpa wa'y pʌ'nista'm myʌja'ŋdzʌquiaju que ja'n wa'y Diojsis myʌja'ŋdzʌquiaju.

San Juan 5:44

¿Jutzamisʌj maŋba nwʌ'aŋjamdamu juca nʌ'omdambamis wa'mij yʌ'wʌ te'wʌ's myʌja'ŋgotzamdamu ne'cʌ? Y ja'nmis njo'ctame wa'mij myʌja'ŋgotzamdamu te' tumʌpʌ Diojsis.

Hechos 10:22

Y nʌmyaju: 'Yaŋnʌctza'mʌyu masanbʌ angelejsis te' soldado-cowi'na Cornelio wa'ytyʌsmij nʌmaŋu tyʌjcaŋʌ, wa'y myatoŋu tiyʌmis ndzamjapya. Cornelio justopʌ pʌnyʌ' y quiʌna'tzʌpyapʌ's Dios, y wyʌcotzamyajpapʌ mumu judio-pʌ'nista'm.

Romanos 1:16

Porque ja'ʌs ŋgotza'ay te' evangelio, porque te'wʌ yajyospa Diojsis ñe' pyʌmipit wa'y yajcotzojcu jujche'ŋ wyʌ'aŋjambapʌ's, nimeque'ctij judío y te'šejtijque' griegota'm.

2 Corintios 12:10

Te'šej jeque Cristocotoya nʌ'omba'ʌs mocha'cuy. Y nʌ'omba'ʌs wa'yʌj winʌcnʌ'mnʌ'mwʌyaju y yacsnutzʌquiaju. Te'šejtijque' wa'yʌj macnʌwijtyaju, y wa'y ijtu tuyu'yoquiuy ʌs ndzoco'yojmo. Porque te' mochi'cʌj ŋgüerpo'ojmo, pijche'cʌj más pʌmi'ʌyu Cristopit.

Gálatas 6:14

Pero ʌs nunca'ʌs ja'n aŋgui'moyešej ndzʌqui nwin, sino que nwi'naŋgotpa'ʌs que tʌta'm Ngomi Jesucristo ca'u cruzcʌsi. Porque ñe'cʌpit ca'uwʌše'ʌs ndzʌcpa nwin u'yʌs aŋsunu najsacopajcʌsita'mbʌ tiyʌ, y yajupʌ tiyʌšejte' te' najsacopajcʌsita'mbʌ tiyʌ ʌs nwi'naŋdʌjqui.

1 Timoteo 5:21

Aŋgui'mba'ʌsmij Diojsis y Cristo Jesujsis wyi'naŋdʌjqui, y copiŋyajupʌ angelejsis wyi'naŋdʌjqui wa'mis ŋgojamu yʌ'šejta'mbʌ tiyʌ y umis windij ŋgʌme'tzu ya'iwʌ, uy quiomʌ'yaju que tumʌ mis sunba y eyapʌ ja'ne.

2 Timoteo 1:12

Te'cotoya nʌ'ʌj ndoyapʌjcu yʌ'šejta'mbʌ tiyo'mo. Pero ja'nʌj ndza'ay porque muspa'mʌs ne'cʌ iwʌ'ʌste' nʌ nwʌ'aŋjamu, y muspa'mʌs que pʌmi'ʌyu wa'y quioquenjayu te' ʌs nitza'mʌyupʌ tiyʌ ñe'cʌcʌsi hasta ʌ'ta'mbʌ jamacotoya.

2 Timoteo 2:12

Juca sʌ'mnayu'ctʌ mbʌ'mgopajcʌpya toya, Te'šejtijtʌ maŋba aŋgui'mdaŋgue'tu ñe'cʌji'ŋ. Juca nʌmbatʌ que ja'ndʌ ŋgo'ispʌqui Cristo, Te'šejtijque' ñe'cʌ maŋba ñʌmu que ja'ndʌ co'ispʌqui.

Hebreos 11:26

Porque más myʌja'ŋgomʌ'yu yʌ' Moisejsis wa'y quienu toya Cristocotoya que ja'nde' wa'y pyʌjcʌchoŋu Egipto'ojmopʌ rico'ajcuy. Quiojtu choco'yojmo wa'y wyʌ'aŋja'moyu hasta que pyʌjcʌchoŋba Diojsis chamdzi'oquia'upʌ tiyʌ.

Hebreos 13:13

Ma'nta'm Jesusji'ŋ wa'ytyʌ ŋguendamu toya ñe'cʌ's quienušej toya ñʌpujtyaju'c te' cumgu'yojmoc.

Judas 1:14

Te' Enoc, cu'ya'yajcupyʌ wyinboyate' Ada'ŋisñe'. Tza'maŋwa'oyu'c ya'ajca yʌ' Enoc, chamgue'tu jutz maŋba quio'aŋgʌyaju yʌ'šejta'mbʌ pʌn nʌmu'c: Coquendamʌ cuenta, maŋba minu tʌ Ngomi aŋba'teta'mbʌ myasan angelesji'ŋ

El Apocalipsis 1:7

Ñe'cʌ jeque, maŋba minu o'na'ojmo y mumu pʌ'nis maŋba quienu y hasta te' wyojchajupʌ's. Y jujche'ŋ najsacopac-iti's maŋba jyʌyjayaju. Jʌ'ʌ, te'šej yajtucʌ. Amén.

El Apocalipsis 20:11

Y ŋguenu'ʌs tumʌ maya'aŋbʌ aŋgui'mʌtʌjcuy-pyocscuy popopʌ y te'wʌcʌsi pocsu inʌc tumʌ pʌn. Y te' pʌ'nis wyi'naŋdʌjqui yaju te' najsacopac y te' tzap, y yajtiya' jachʌ'yʌ nijutimʌy.

El Apocalipsis 21:8

Pero te' mochcʌtʌŋyajpapʌ y te' ja'n wyʌ'aŋja'moyapyʌ, y te' mʌjša'ŋda'mbʌ pʌn, y te' yajca'oyajpapʌ, y te' ispʌquitzʌquiajpapʌ, y te' brujota'mbʌ, y te' quiʌna'tzʌyajpapʌ's comichʌqui y jujche'ŋ sujchajpapʌ, mumu maŋba quiojtyatʌju jucʌtʌcpʌ laguna'ojmo azufre's nʌ ñʌnemupʌ. Te'wʌte' te' myetzo'mopʌ ca'aŋ.

El Apocalipsis 3:5

Iwʌ's ñʌwʌ'ajpa, maŋba yajmequia'yaju popota'mbʌ mequepit, y ja'ʌs maŋu njaytyocoyjayu ñʌy te' libro'ojmo jya'yʌyjayumʌy Diojsis te' iscuy-quengu'yojmo maŋba tyʌjcʌyajupʌ'sñe'. Y maŋba'ʌs ŋgowʌ'aŋjamjayu ñʌy ʌs Ndata's wyi'naŋdʌjqui y 'yangelejsista'm wyi'naŋdʌjqui.