San Lucas 9:16 - Zoque Copainalá New Testament

¹⁶ Y pyʌjcu Jesujsis te' mosa'pyʌ pan y te' metzapʌ coquej, quengui'mu tzajpojmo y ñicomasa'nʌyu y wyenu y chi'yaju te' quiʌ'aŋmaye wa'y šajne'ŋbʌ'yaju te' pʌ'nojmo.

San Lucas 9:16 ပူးပေါင်းရင်းမြစ်များ

San Mateo 14:19

Y 'yaŋgui'myaju Jesujsis te' pʌnda'm wa'y pyocsquequiaju te' pe'chmu'cʌsi. Pyʌjcu'ca te' mosa'pyʌ pan y te' metzawʌ coquej, quengui'mu tzajpojmo y ñicomasa'nʌyu. Pijche'c wyenu te' pan, y tzi'utʌj, tʌj te' quiʌ'aŋmayeta'm. Tʌsa maŋutʌs sajne'ŋbʌ'u te' pʌ'nojmota'm.

San Mateo 15:36

Y pyʌjcu te' cu'ya'pyʌ pan y te' nama coquejta'm y ñʌjayu Dios yʌscotoya. Y wyenbʌ'u, y tzi'utʌj, tʌj te' quiʌ'aŋmayeta'm, y maŋutʌs sajne'ŋbʌ'u te' wʌwʌpʌ pʌ'nojmota'm.

San Marcos 7:34

Quengui'mu tzajpojmo, je'epʌjcu y ñʌjayu: Efata, nʌte' ñʌjayu te' pʌ'nis quiowi: Aŋwa'.

San Lucas 22:19

Pyʌjcu Jesujsis te' pan y ñʌjayu Dios yʌscotoya. Wyenu y chi'yaju y nʌmu: Yʌ'wʌte' ʌs ŋgüerpo maŋbapʌ'ʌs ndzi'oquia'u mijcotoyata'm. Tzʌctamʌ yʌ'šej wa'misʌj njamwʌtzʌctamu.

San Lucas 24:30

Yʌ'šej tujcu: Te'ya' pocsu'c ñe'cʌji'ŋda'm mesa'ojmo, pyʌjcu te' pan y ñicomasa'nʌyu. Wyenu y chi'yaju.

San Lucas 9:15

Y te'šej chʌquiaju, yajpocsquecpʌ'yatʌju mumu.

San Lucas 9:17

Y mumu cu'tyaju tyajša'ŋoyj. Y pyiŋdu'mʌyajque'tumaj macwʌstʌjca'y waca te' cu'tcʌchʌ'yʌ.

San Juan 6:11

Pijche'c pyʌjcu Jesujsis te' pan y ñʌjayu Dios yʌscotoya. Pijche'ca we'nbʌ'jayutʌj jujche'ŋdʌj quiʌ'aŋmaye, y tʌsa maŋutʌs sajne'ŋbʌ'u mumu te' pocšajupʌ'ojmo. Y sajque'tutʌs te' coquej, y cu'tyaju šuñajuše'ŋ.

San Juan 6:23

Pero miñaju eyata'mbʌ barco Tiberias-cumgu'yojmoc. Y nu'quiaju tome quienbamʌy te' lugar tijumʌy wyi'quiaju pan te' pʌ'nista'm, ñʌjayu'c yʌscotoya Dios tʌ Ngomi's.

Hechos 27:35

Y yʌ'še'a nʌmu'c, pyʌjcu te' pan, y ñʌjayu Dios yʌscotoya mumu pʌ'nista'm wyi'naŋdʌjqui, y wye'nbʌ'u'ca cu'tcʌ'yu.

Romanos 14:6

Iwʌ's quiojamba te' jama, tʌta'm Ngomicotoyate' quiojamba. Y iwʌ's ja'n quiojame te' jama, tʌta'm Ngomicotoyate' ja'n quiojame. Iwʌ's quiu'tpa mumutiyʌ, tʌ Ngomicotoyate' cu'tpa, porque nʌmba yʌscotoya Dios. Y iwʌ's quiu'tpa na' camocjoj, tʌ Ngomicotoyate' cu'tpa, porque nʌmba yʌscotoya Dios.

1 Corintios 10:30

Juca nʌjapya'ʌs Dios yʌscotoya jujche'ŋ naca'ʌj cu'tpa, ¿tiyajca'mʌj yatzicotzamyajpa nʌmba'ŋmʌjcʌ'ʌj yʌscotoya?

1 Corintios 11:24

y ñʌjayu'ca Dios yʌscotoya, wyenu te' pan, y nʌmu: Pʌctamʌ y cu'ttamʌ. Yʌ'wʌte' ʌs ŋgüerpo wenupʌ mijcotoyata'm. Tzʌctamʌ yʌ'šej wa'misʌj njamwʌtzʌctamu.