San Lucas 9:11 - Zoque Copainalá New Testament

¹¹ Pero ñʌctʌ'yaju'ca te' wʌwʌpʌ pʌ'nista'm, maŋu quio'ŋyaju Jesús, y ñe'cʌ's pyʌjcʌchoŋyaju y ñʌtzamyaju te' Diojsis 'yaŋgui'mʌtʌjcuy y yajtzoquiaju ca'eta'mbʌ.

San Lucas 9:11 ပူးပေါင်းရင်းမြစ်များ

San Mateo 12:15

Myujsutya'a Jesujsis jutz inʌc maŋba quiʌquipsʌyaju, y tzu'cumu tey. Y wʌwʌ pʌ'nis quiʌ'maŋu 'yucaŋgʌ'y y yajtzocpʌ'u jujche'ŋ ca'eta'mbʌ.

San Mateo 14:14

Y pujtu'ca Jesús te' barco'ojmoc quienu wʌwʌta'mbʌ pʌn, y tyo'ya'ŋʌyaju. Yajtzojcu jujche'ŋ ca'eta'mbʌ ñe'co'mota'm.

San Mateo 21:31

¿Tiya' ndzamdamba, jutiwʌ'sasʌ'ŋ chʌcjayu tyata's šunušej? Te' fariseo-cowi'na'sta'm y tzamupʌndʌcwa'yis 'yaŋdzoŋyaju: Te' wyina'aŋgui'mupʌ 'yune. Ñʌjayaju Jesujsis: Wiyuŋše'ʌsmij ndzamjaytyamba que te' tze'coyajpapʌ y malejyomota'm nʌ wyinatʌjcʌyaju aŋgui'mbamʌy Dios que ja'n mijta'm.

San Mateo 21:43

Te'cotoya'ʌsmij ndzamjaytyamba mijta'm: Ja'nmij maŋu nyajtʌjcʌtʌjtamu aŋgui'mbamʌy Dios. Pero maŋba tyʌjcʌyaju aŋgui'mbamʌy ñe'cʌ eyata'mbʌ pʌn, quiʌna'tzʌyajpapʌ's ñe'cʌ's šunbašej.

San Lucas 1:53

Pyʌ'nʌyaju oyeta'mbʌ tiyʌpit te' yu'yajpapʌ, y cʌ'jojtaca yajtzu'cumyaju te' itʌpa'tyajupʌ.

San Lucas 5:31

Y 'yaŋdzoŋyaju Jesujsis: Ca'eta'mbʌ'ste' šuñajpa tzo'yʌ'opyapʌ y ja'nde' cosa'sata'mbʌ's.

San Lucas 8:1

Y jʌsa'ca maŋu wyijtu Jesús tumdumʌ cumgu'yojmo y ribera'ojmo wa'y chamgopuŋu y cha'maŋwaju te' evangelio, chambapʌ's jutz aŋgui'mba Dios. Ñe'cʌji'ŋ maŋyaju te' macwʌstʌjca'ytya'mbʌ pʌn.

San Lucas 8:10

Y Jesús nʌmu: Diojsismij nyajmustamba mij te' jayajqueyapʌ tiyʌta'm winata'mbʌ tiempo'ojmo, te' chambapʌ's jutz aŋgui'mba ñe'cʌ. Pero te' eyata'mbʌ pʌn ndzamjayajpa'ʌs comparacioŋbit. Te'cotoya ñempe quieña, ja'n quie'nʌyay, y ñempe myatoŋya, ja'n ñʌctʌ'yay.

San Lucas 9:10

Y pijche'ca witu'yaju te' cʌ'wejta'm y minu chamjayaju Jesús mumutiyʌta'm chʌquiajuwʌ. Y pyʌquiaju Jesujsis y ñʌmaŋyaju emʌpʌ luga'rojmo ja'itʌnʌmʌmʌy, Betsaida-cumgu'yis quiowindzʌmbamʌy.

San Lucas 9:12

Y nʌwa' inʌc cha'yanʌmu'c y nu'quiaju te' macwʌstʌjca'ytya'mbʌ y ñʌjayaju: Señor, yajmaŋyaytya'a yʌ' pʌnda'm wa'y myaŋyaju tometa'mbʌ cumgu'yojmo y rancho'mo wa'y mye'chaju jejcuy y wa'y pya'tyaju quiu'tcuy, porque yʌy ittamumʌytyʌ ja'itʌnʌmʌpyʌyʌ'.

San Lucas 9:2

Y pijche'c quiʌ'wejyaju wa'y yajtzoquiaju ca'eta'mbʌ y wa'y maŋu chamgopuŋyaju jutz aŋgui'mopya Dios.

San Juan 4:34

Nʌjayutʌj Jesujsis: Ʌs, cu'tcuyše'ʌs nʌ'ijtu wa'yʌs ndzʌcjayu ʌs Ndata Diojsis šu'noquiuy. Porque ñe'cʌ'sʌjyʌ' cʌ'weju, y sunba'ʌs nyajtucjayu ñe' yoscuy.

San Juan 6:37

Mumu jujche'ŋ quiopiŋba Diojsis wa'yʌj wʌ'aŋjamyajupʌ's, maŋba'ʌj cʌ'miñaju. Y iwʌ'sʌj cʌ'minba ja'nʌs macwinduqui.

Hechos 28:31

Tey jana na'chcuy chamgopuŋu Ngomi Jesucristo's 'yaŋma'yoquiu'yojmo y ya'iwʌ's jayajwinducʌ.

Romanos 10:14

¿Jutza' jeque maŋba wyejwindzoŋyaju te' jawyʌ'aŋjamyapʌmaj? ¿Y jutza' maŋba wyʌ'aŋjamyaju juca ya'iwʌ'smaj jachamjayajtʌ'ʌ? ¿Y jutza' maŋba myatoŋyaju juca ja'ndiyʌ chamgopuŋjayajpapʌ's?

Romanos 10:17

Te'šej jeque wʌ'aŋja'moyajpa te' pʌnda'm te' myatoŋyajupʌ tiyʌpit. Myatoŋyajpa te' tzame, te' chambapʌ's Dios.

Romanos 15:3

Porque Cristo's jachʌcʌ ñe' šu'noquiuy, sino que quiʌtʌcjayu te' ja'yʌyušej: Te' 'yotowewʌ'ajayajušejmij, te'še'ʌj otowewʌ'ajayajque'tu ʌj.

2 Timoteo 4:2

Aŋgui'mba'ʌsmij jeque: Tzamgopuŋjaya te' Diojsis chame, juca sunba myatoŋyaju o ja'n suni myatoŋyaju, pero mis nʌtzamya. Pacienciapit y oyepʌ aŋma'yoquiupyit otoŋwinduquia, tzamnʌctʌ'ya y paquitzi'jaya chocoy.

Hebreos 4:16

Te'cotoya pyʌcpa wa'ytyʌ jana na'chcuy oto'ŋʌytyamu Dios. Y ñe'cʌ'stʌ maŋba tzi'tamu yajya'moquiuy. Y te' ñe' yajya'moquiupyittʌ maŋba to'ya'ŋʌytyamu y cotzoŋdamu nʌše'ŋdʌ sundamu.