52 Y myuma'ŋgʌ'y inʌc quiojʌyajpa y jene wejyajpa inʌc. Pero Jesús nʌmu: Uy jʌytyame, porque jaquia'ʌpʌyʌ' sino que ʌŋupʌtijyʌ'.
y nʌmyajpa: Mbi'cjaytyamutʌsmij flauta y ja'yetztamʌmij. Y nwanjayutʌsmij ca'uwʌ wane y janjyʌytyamʌmij.
Y cutzupa quiʌ'maŋyaju te' cumgu'yojmocta'mbʌ's y te' yomo'sta'm. Yʌ'ta'mbʌ's quiojʌyajpa y tyo'ya'ŋʌyajpa inʌc.
Y mumu te' tey no'tznayajupʌ wi'na'ŋoyj nʌ quieñajupʌ's quieñaju tiyʌ tujcu y cucpac pu'ŋu'c maŋyaju.
Y tʌjcʌyu'cande' Jesús te' tʌjcojmo, jayajtʌjcʌ ya'iwʌ ñe'cʌji'ŋ, sino que te' Pedro, te' Jacobo, te' Juan y te' yomo-une's tyataj y te' ñanaj.
Y quiʌsijcʌyaju Jesús porque myujšajpa inʌc que ca'upʌte'.
Myatoŋu'ctij Jesujsis, nʌmu: Ca'epa'tu ja'nde' wa'y quia'octucwa'a, sino wa'y quieju Diojsis isaŋwʌ'ajcuy. Te'šejtijque' te'wʌpit wa'y quieñaju pʌ'nista'm que ʌjte' te' Diojsis 'Yune, y wa'yʌj mʌja'ŋwʌcotzamyaju.