San Lucas 8:3 - Zoque Copainalá New Testament

³ y te' Juana te' Chuza's yomo, (y yʌ' Chuza te' Herodejsiste' inʌc quio'aŋgui'moye), y te' Susana, y sone eyata'mbʌ yomo. Yʌ'ta'mbʌ's ñʌwe'ñajpa inʌc Jesús te' ñe'ta'm tyiyʌ'iwʌ.

San Lucas 8:3 ပူးပေါင်းရင်းမြစ်များ

San Mateo 14:1

Ʌ'ta'mbʌ tiempo'ojmo tepyʌ najsoyj inʌc aŋgui'mba Herodes. Y myujsu jutz inʌc wyʌcotzamyajpa te' Jesús.

San Mateo 14:3

Porque Herodejsis yajnucʌtʌju wina te' Juan y ši'ñaju cadenapit y quiojtyaju preso'mo. Herodejsiste' inʌc pyotzo te' Felipe, y yʌ' Felipe'ste' inʌc yomo te' Herodías. Yʌ' yomo'ste' te'šej wya'cu,

San Mateo 14:6

Quiosʌ'ŋajayaju Herodejsis pyʌ'najcuy-jyama. Pijche'c Herodiajsis yomojpʌ 'yune maŋu 'yejtzu pʌ'nʌcucmʌ, y ñʌ'o'maŋgʌtʌjcu Herodejsis.

San Mateo 2:11

Y tʌjcʌyaju'c te' tʌjcojmo, quieñaju te' une ñana Mariaji'ŋ, y cutcʌne'quiaju y quiʌna'tzʌyaju te' une. Ya'aŋwajyaju te' quiojtoquiuytya'm y chi'yaju oro, pomoj y mirra.

San Mateo 20:8

Y maŋba'ca tyʌ'pu jama, te' yojsaŋ-gomi's ñʌjayu te' quio'aŋgui'moye: Wejya te' yojšajpapʌ y coyojaya. Winac coyojya te' yʌmajtya' yostʌjcʌyajupʌ. Y último coyojya te' wina yostʌjcʌyajupʌ.

San Mateo 25:40

Y maŋba 'yaŋdzoŋyaju te' Re'yis: Wiyuŋše'ʌsmij ndzamjaytyamba te' ndo'ya'ŋʌyjaytyamu'cmis iwʌjutiwʌ ʌs cʌmaŋda'mbʌ atzita'm, misʌjte' ndo'ya'ŋʌytyamu.

San Mateo 26:11

Te' pobreta'm mumu jama ijtyajpa miji'ŋda'm. Pero ʌj, ja'nʌj mumu jama maŋu ijtu miji'ŋda'm.

San Mateo 27:55

Y tey inʌc ijtyaju sone yomota'm ya'amyʌctij nʌ 'yocnʌque'nʌyajupʌ's. Yʌ'ta'mbʌ's quio'ŋyaju Jesús desde Galilea'ojmoc, y pyi'coyjayajpa inʌc.

San Lucas 24:10

Y te' yajmujšajupʌ's te' cʌ'wejta'm yʌ'šejta'mbʌ tiyʌ yʌ'ta'mbʌte': Magdala-cumgu'yojmopʌ María, y te' Juana, y María te' Jacobo's ñanaj, y sone eyata'mbʌ yomo.

San Juan 12:6

Pero nʌmu yʌ'šej ja'n porque tyo'ya'ŋʌyajpa inʌc pobre, sino que nu'mbapʌte' inʌc. Y ñe'cʌ'ste' inʌc quioquenba te' tumin-tzunu, y ya'aŋjecpa inʌc te' tumin.

Hechos 13:1

Pijche'cta'm ijtyaju inʌc Antioquia-tu'mʌquiu'yojmo tza'maŋwa'oyajpapʌ y mujsoyajpapʌ: Te' Bernabé, y te' Simón ñʌjayajpapʌ Niger, y te' Lucio Cirene'ojmopʌ, y Manaén te' tzojcupʌ te' aŋgui'mbapʌ Herodesji'ŋ, y te' Saulo.

2 Corintios 8:9

Porque musjaytyamba'mis Ngomi Jesucristo's yajya'moquiuy, y jutzmij šundamba. Ñempe mʌja'ŋbʌte' yacsnu'ajcu'yojmopʌšej chʌjcu wyin mijcotoyata'm, wa'mij yajmʌja'ŋajtamu ñe' yacsnu'ajcupyit.

Filipenses 4:22

Mumu te' yʌytya'mbʌ wʌ'aŋja'moye's ñdyujchi'ʌtʌjtambamij, y nimeque'ctij te' rey Cesa'ris tyʌjcaŋʌ yojšajpapʌ's.

1 Timoteo 5:10

Y te' oyeta'mbʌ chʌquipit pyʌcpa wa'y wyʌcotzamyaju pʌ'nista'm juca yajtzojcu une, juca chi'oquia'u jejcuy, juca che'jayu masanbʌ'nista'm ñe'ŋbac, juca quiotzoŋu nʌ quienupʌ's toya, y juca chʌcjojcʌtʌcpa oyeta'mbʌ tiyʌ.