San Lucas 8:29 - Zoque Copainalá New Testament

²⁹ Yʌ'šej nʌmu porque 'yaŋgui'mba inʌc Jesujsis te' yatzi-espiritu wa'y pyujtu te' pʌ'nojmoc, porque sone ame'a inʌc yacsnutzʌcpa. Ši'ñajpa inʌc cadenapit y tʌ'ŋgupyit te' pʌ'nista'm wa'y quioqueñaju, pero te' cadena tyucjacpa inʌc y te' yatzi-espiritu's yajpoyewitpa inʌc ja'itʌnʌmʌmʌy.

San Lucas 8:29 ပူးပေါင်းရင်းမြစ်များ

San Marcos 5:8

Te'šej nʌmu porque 'yaŋgui'mu Jesujsis ñʌjayu'c: Yatzi-espiritu, putʌ yʌ' pʌ'nojmoc.

San Lucas 8:28

Quienu'ctij Jesús, weju y cutcʌne'cu ñe' ñe'ŋbajcʌ'y y wejqui'mu'c nʌmu: ¿Tiya' sunba ʌji'ŋ, Jesús, te' tzajpojmo ijtupʌ Diojsis 'Yune? Nwa'cjapya'ʌsmij umisʌj nyajtoyapʌjcu.

San Lucas 8:30

Y quiʌ'aŋwa'cu Jesujsis y ñʌjayu: ¿Iwa' mis nʌy? Y ñe'cʌ nʌmu: Legio'ŋʌsyʌ' nʌy. Porque soneta'mbʌ yatzi-espiritu'ste' inʌc ñʌc'ijtʌyu.

San Lucas 9:39

Y ñucpa tumʌ espiritu's y yajwejtonbutpa, y yajsʌtʌjtu'ca yajcunba, y ya'a'ŋupa'pa. Y penapit chacpa yajqui'tutzutznayu'ca.

San Lucas 9:42

Y na' nʌ quia'ŋnu'cu'c te' ŋga'e, te' yatzi-espiritu's yajcunu y yajsʌtʌtcʌ'yu. Pero 'yotoŋjayu Jesujsis te' yatzi-espiritu y yajtzojcu te' ŋga'e, y chi'oquia'u te' tyatajcʌsi.