San Lucas 8:21 - Zoque Copainalá New Testament

²¹ Pijche'ca aŋdzoŋu ñe'cʌ y ñʌjayaju te' pʌnda'm: Iwʌ'sta'mis myatoŋyajpa Diojsis chame y chʌquiajpa chambašej, te'ta'mbʌte' ʌs nanaj y ʌs mbotzota'm.

San Lucas 8:21 ပူးပေါင်းရင်းမြစ်များ

San Mateo 17:5

Y te'šejtij nʌ chamu'c Pedro's wanajcu sʌ'ŋbawʌ o'na y quiʌmʌŋdzʌcjayaju. Pijche'ca myatoŋyaju otowe te' o'na'ojmoc nʌmupʌ: Yʌ'wʌte' te' ʌs sunbapʌ Une, yajtzocopyacpawʌ'sʌj. Cʌmato'ŋʌytyamʌ ñe'cʌ.

San Mateo 25:40

Y maŋba 'yaŋdzoŋyaju te' Re'yis: Wiyuŋše'ʌsmij ndzamjaytyamba te' ndo'ya'ŋʌyjaytyamu'cmis iwʌjutiwʌ ʌs cʌmaŋda'mbʌ atzita'm, misʌjte' ndo'ya'ŋʌytyamu.

San Mateo 25:45

Pijche'ca maŋba 'yaŋdzoŋyaju te' Re'yis: Wiyuŋše'ʌsmij ndzamjaytyamba te' jañdyo'ya'ŋʌytyamʌ'cmis iwʌjutiwʌ ʌs cʌmaŋda'mbʌ atzita'm, ʌj misʌjte' jañdyo'ya'ŋʌytyamʌ.

San Mateo 28:10

Y Jesujsis ñʌjayaju: Uy na'tztame. Maŋdamʌ, ma tzamjaytyamʌ ʌs atzita'm wa'y myaŋyaju te' Galilea'ojmo. Teymʌ'ʌj maŋba queñaju.

San Lucas 8:15

Pero te' tʌmbu cuñajupʌ oyepʌ najsojmo, yʌ'wʌte' te' pʌnda'm jyamdzijwʌyajpapʌ's te' myatoŋyajupʌ tzame wiyuŋbʌ y oyepʌ tzocopyit. Y pacienciapit tʌ'majyajpa.

San Lucas 8:20

Y te'ta'mbʌ's chamjayaju: Tey fuera'ojmoc ijtyaju mis nanaj y mis mbotzota'm y sunbamij 'yoto'ŋʌyaju.

San Juan 13:17

Juca mustambamis yʌ'šejta'mbʌ tiyʌ, dichosota'm mij juca ndzʌctambamis.

San Juan 20:17

Y ñʌjayu Jesujsis: U'yʌj pi'quisi, porque jaqui'mʌma'ʌj tzajpojmo Ndata'ŋʌ. Pero mawʌ ijtyajumʌy te' atzita'm, y tzamjaya: Maŋbama'ʌj ŋgui'mu Ndata'ŋʌ, tʌta'm Dios. Maŋbama'ʌj ŋgui'mu Diosaŋʌ, tʌta'm Ndataj.

2 Corintios 5:16

Te'cotoya desde yʌtijše'ŋoyj ja'nandʌs nique'nʌy pʌn jujcha' eyata'mbʌ's ñique'nʌyajpa. Wina tʌs nique'nʌyu te' Cristo eyata'mbʌ pʌ'nis ñique'nʌyajpašej, pero yʌtij ja'ndʌs ndzʌqui te'šej.

2 Corintios 6:18

Y ʌj misʌjte' maŋba Ndata'ajtamu, Y mij ʌsmijte' maŋba une'ajtamu. Te'šej nʌmba tʌ Ngomi, te' Cojojmejcoya.

Santiago 1:22

Juca saŋmatoŋdambatijmis te' tzame y ja'nmis ndzʌctame te' chambašej, aŋgoma'cʌytyambamis ne' nwin.

1 Juan 2:29

Juca mustambamis que yʌ' Cristo justopʌte', mustaŋgue'ta que iwʌ'sta'mis chʌquiajpa justota'mbʌ tiyʌ Diojsisande' 'yuneta'm.

3 Juan 1:11

Tʌwʌy, uy tzʌqui chʌquiajpašej yatzita'mbʌ's, sino que tzʌcʌ oyeta'mbʌ pʌ'nis chʌquiajpašej. Te' chʌcpapʌ's oyeta'mbʌ tiyʌ Diojsiste'ñe', pero te' chʌcpapʌ's yatzita'mbʌ tiyʌ ja'n ispʌqui Dios.