San Lucas 8:2 - Zoque Copainalá New Testament

² Y maŋyajque'tu metza tuca'y yomota'm ñʌ'ijtyajupʌ's inʌc ca'cuy y ñʌc'ijtʌyajupʌ inʌc yatzita'mbʌ espiritu's, te' yajtzoquiatʌjupʌ. Yʌ'ta'mbʌte': Te' María, Magdala-cumgu'yojmowʌ, te' pujtupo'moc te' cu'ya'ytya'mbʌ yatzi-espiritu,

San Lucas 8:2 ပူးပေါင်းရင်းမြစ်များ

San Mateo 4:24

Y copuŋu te' ñe' chamʌtʌjcuy mumu te' Siria-najsojmo. Y ñʌminbʌ'jayaju jujche'ŋ ca'eta'mbʌ, wi'ni eyata'mbʌ ca'cu'yis nʌ inʌc yajtoyapʌquiajuwʌ, y ñʌc'ijtʌyajupʌ yatziwʌ's, tu'yajpapʌ y wocšijta'mbʌ, y yajtzoquiaju mumu Jesujsis.

San Marcos 16:1

Cʌtʌjcu'ca te' sabado-jama, María te' Magdala-cumgu'yojmowʌ y Salomé y María te' Jacobo's ñanaj maŋu jyuyaju te' omoma wa'y maŋu jyasjayaju te' Jesujsis cuerpo.

San Marcos 16:9

Winsa'u'ca Jesús namdzu'oyj, te' winbʌ jama semana'sñe', wyinayajquenu wyin te' María te' Magdala-cumgu'yojmowʌ, myacpujtuwo'mo cu'ya'y yatzita'mbʌ espíritu.

San Lucas 23:27

Y cutzupa quiʌ'maŋyaju te' cumgu'yojmocta'mbʌ's y te' yomo'sta'm. Yʌ'ta'mbʌ's quiojʌyajpa y tyo'ya'ŋʌyajpa inʌc.

San Lucas 23:49

Pero mumu te' quio'ispʌquiajpapʌ's Jesús, y te' yomota'm Galilea'ojmoc quio'ŋnʌmiñajupʌ's ya'amyʌctij inʌc nʌ 'yocnʌque'nʌyaju yʌ'šejta'mbʌ tiyʌ.

San Lucas 23:55

Y te' yomo'sta'm quio'ŋnʌmiñajupʌ's inʌc Jesús te' Galilea'ojmoc, maŋu quieñaju te' tza'tʌc y jutz quiotjayaju te' Jesujsis cuerpo.

San Lucas 8:30

Y quiʌ'aŋwa'cu Jesujsis y ñʌjayu: ¿Iwa' mis nʌy? Y ñe'cʌ nʌmu: Legio'ŋʌsyʌ' nʌy. Porque soneta'mbʌ yatzi-espiritu'ste' inʌc ñʌc'ijtʌyu.

San Juan 19:25

Y tey inʌc ijtyaju Jesujsis cruzaŋi te' ñanaj, y te' ñana's quiose María te' Cleofajsis yomo, y María Magdala-cumgu'yojmowʌ.

Hechos 1:14

Mumu yʌ'ta'mbʌ's tumʌ'ajcu'yoyj te' yomoji'ŋda'm y te' Jesujsis ñanaj Mariaji'ŋ y te' Jesujsis pyotzoji'ŋda'm 'yoto'ŋʌyajpa inʌc Dios.