San Lucas 8:14 - Zoque Copainalá New Testament

¹⁴ Y te' tʌmbu cuñajupʌ apijtojmo, yʌ'wʌte' te' pʌnda'm myatoŋyajupʌ's te' tzame pero nʌ'ca ñʌtu'ŋajyaju'c, minba yajsucsca'yaju te' yosjojcʌtʌjcu'yis y itʌpa'tcu'yis y sʌ'ŋajcu'yis, y ja'n tyʌ'may te' tzame.

San Lucas 8:14 ပူးပေါင်းရင်းမြစ်များ

San Mateo 13:22

Te' tʌmbu cuñajupʌ apijtojmo, yʌ'wʌte' te' pʌnda'm myatoŋyajpapʌ's te' tzame, pero quipšajpa najsacopajcʌsipʌ yosjojcʌtʌjcuy, y ñʌ'omyajpa itʌpa'tcuy. Y yʌ'šejta'mbʌ tiyʌ's yajambʌ'yajpa te' tzame choco'yojmo, y ja'na tyʌ'may.

San Marcos 4:19

pero quipšajpa najsacopajcʌsipʌ yosjojcʌtʌjcuy, y ñʌ'omyajpa itʌpa'tcuy y ñi'aŋsuñajpa sone eyata'mbʌ tiyʌ. Y yʌ'šejta'mbʌ tiyʌ's yajambʌ'yajpa te' tzame choco'yojmo y ja'na tyʌ'may.

San Lucas 16:13

Ni'iwʌpʌ coyosa's ja'n musi yosjayu tumnacacʌsi metzapʌ comi, porque maŋba qui'nisu tumʌ y maŋba šunu te' eyapʌ o maŋba myʌja'ŋgomʌ'yu tumʌ y te' eyapʌ ja'n myʌja'ŋgomʌ'i. Ja'nmis musi nyosjaytyamu Dios y nyosjaytyaŋgue'tu te' itʌpa'tcuy.

San Lucas 21:34

Coquendamʌ cuenta ndzoco'yojmo, uy quipsjojcʌtʌctame cu'tco'tzco'tznaquiuy ni te' no'tcuy ni yʌ' najsacopajcʌsipʌ yoscuy, uytya'mij te'šej nʌ ŋguipsoytyamu'c maŋba ñu'cu tumnacacʌsi te' pijche'cpʌ jama.

San Lucas 8:13

Y te' tʌmbu cuñajupʌ tza'cotʌjcojmo, yʌ'wʌte' te' pʌnda'm myatoŋyajupʌ's y oma'oma pyʌjcʌchoŋyajupʌ's te' tzame. Pero te' choco'yojmota'm ja'n wyatzipʌqui te' tzame, uša'ŋ horacotoyatij wyʌ'aŋjamyajpa, y minba 'yoc'išatʌju, chaquiajpa te' tzame.

San Lucas 8:15

Pero te' tʌmbu cuñajupʌ oyepʌ najsojmo, yʌ'wʌte' te' pʌnda'm jyamdzijwʌyajpapʌ's te' myatoŋyajupʌ tzame wiyuŋbʌ y oyepʌ tzocopyit. Y pacienciapit tʌ'majyajpa.

San Lucas 8:7

Y wene cuñaju apijtojmo, y tumʌnayu'ca apitji'ŋ, yajsu'csca'pʌ'u te' apijtista'm.

San Juan 15:6

Iwʌ ja'n itjojcʌtʌqui ʌs ndzoco'yojmo, maŋba pyiŋbutpʌ'yatʌju jujcha' ja'n 'yoyepʌ aŋmaŋ y maŋba tyʌjtzu. Y maŋba quiojtyatʌju jucʌtʌjcojmo wa'y pyoŋbʌ'yaju.

1 Timoteo 6:17

Aŋgui'mya yʌ' najsacopajcʌsita'mbʌ rico uy myʌja'ŋdzʌquiaju wyin, uy quiojtyaju chocoy rico'ajcuquiʌsi, porque cʌtʌcpapʌ tiyʌte'. Yajcojtya chocoy te' quenbapʌ Dioscʌsi, te' tzi'tambapʌ'stʌ mumutiyʌ jana yaye wa'ytyʌ nʌ'omdamu.

2 Timoteo 4:10

Atzi Demajsis tzacwa'mʌj porque más šunba yʌ' najsacopajcʌsita'mbʌ tiyʌ y maŋwa'a Tesalonica-cumgu'yojmo. Crescente maŋu Galacia'ojmo y Tito maŋu Dalmacia'ojmo.

Hebreos 6:1

Te'cotoya pyʌcpa wa'ytyʌ aŋmayjojcʌtʌctamu hasta que muscota'nbatʌ mumu Cristo's 'yaŋma'yoquiuy, ja'n na' cho'tzcuytyij. Ja'n 'yoye wa'ytyʌ nitzʌcwʌtzʌjcu wa'ytyʌ ŋguipswitu'u porque ndzʌctamutʌ ja'n yojšapyʌ tiyʌ, ni wa'ytyʌ nitzʌcwʌtzʌjcu Dios-wʌ'aŋjamguy,