San Lucas 8:13 - Zoque Copainalá New Testament

¹³ Y te' tʌmbu cuñajupʌ tza'cotʌjcojmo, yʌ'wʌte' te' pʌnda'm myatoŋyajupʌ's y oma'oma pyʌjcʌchoŋyajupʌ's te' tzame. Pero te' choco'yojmota'm ja'n wyatzipʌqui te' tzame, uša'ŋ horacotoyatij wyʌ'aŋjamyajpa, y minba 'yoc'išatʌju, chaquiajpa te' tzame.

San Lucas 8:13 ပူးပေါင်းရင်းမြစ်များ

San Marcos 6:20

Porque te' rey Herodejsis respetatzʌcpa inʌc te' Juan porque myuspa inʌc que justo y masanbʌ pʌnde' inʌc. Te'cotoya quioquenu uy inʌc yacsnutzʌquiaju. Sa'sa inʌc quiʌmato'ŋʌpya Juan te' Herodejsis, pero metza'u quipsoquiuy.

San Lucas 8:12

Y te' tʌmbu cuñajupʌ tuŋgʌsi, yʌ'wʌte' te' pʌnda'm myatoŋyajpapʌ's te' tzame. Y jʌnʌjtij minba te' diablo y yajʌcʌ'pa te' tzame ñe'ta'm choco'yojmoc uy wyʌ'aŋjamyaju wa'y quiotzoquiaju.

San Lucas 8:14

Y te' tʌmbu cuñajupʌ apijtojmo, yʌ'wʌte' te' pʌnda'm myatoŋyajupʌ's te' tzame pero nʌ'ca ñʌtu'ŋajyaju'c, minba yajsucsca'yaju te' yosjojcʌtʌjcu'yis y itʌpa'tcu'yis y sʌ'ŋajcu'yis, y ja'n tyʌ'may te' tzame.

San Juan 15:2

Mumu aŋmaŋ ja'n tyʌ'mapyʌ ʌjpit maŋba tyʌcpʌ'u ʌs Ndata Diojsis. Y mumu jujche'ŋ tʌ'majpapʌ maŋba yajcʌwaju y quiosucsu wa'y más tyʌ'maju.

San Juan 15:6

Iwʌ ja'n itjojcʌtʌqui ʌs ndzoco'yojmo, maŋba pyiŋbutpʌ'yatʌju jujcha' ja'n 'yoyepʌ aŋmaŋ y maŋba tyʌjtzu. Y maŋba quiojtyatʌju jucʌtʌjcojmo wa'y pyoŋbʌ'yaju.

San Juan 5:35

Nembapʌ y sʌ'ŋbapʌ sʌ'ŋgʌšejpʌte' inʌc Juan. Y mista'm uša'ŋ horatijmis nʌ'omdamu wa'y šʌ'ŋgʌtzʌcjaytyamu mista'm ndzocoy.

1 Corintios 13:2

Y juca muspa inʌjcʌj ndza'maŋwa'oyu, y juca nʌctʌ'pyʌ'pa inʌjcʌs mumu jayajqueyapʌ tiyʌ wina Diojsis, y mumu mujsoquiuy, y juca nʌ'itpʌ'pa inʌjcʌs mumupʌ wʌ'aŋja'moquiuy muspa'cše'ŋo'yʌs inʌc nyajtzu'cumyaju cotzʌc wa'y myaŋyaju emʌ, pero juca ja'nʌj su'noy, yajtiyʌ'ʌjte'.

1 Corintios 15:2

Te'šejtijque' nʌmij ŋguiotzoctamu yʌ' evangeliopit juca nʌmis njamdamu ndzoco'yojmo te' tzame ndzamgopuŋjaytyamuše'ʌsmij, y juca jaquiomeque mis nwʌ'aŋjamdamʌ.

Gálatas 3:1

Ay mijta'm, ŋgo'sawa Galacia-pʌnda'm. ¿Iwʌ'sayʌ' 'yaŋgoma'cʌytyamu wa'mis jana mato'ŋoyjaytyamu wiyuŋbʌ tiyʌ? Mista'm nwi'naŋdʌjqui ndza'maŋwaju'ʌs oye jutz mya'mʌyaju Jesucristo cruzcʌsi.

Gálatas 3:4

¿Ja'nsʌ'ŋmiste' comeque ŋguendamu toya soneta'mbʌ tiyʌcʌsi? Sunjo'pya'ʌs wa'mis tiyʌ'iwʌ nʌwʌ'ajtamu.

Efesios 3:17

Y nwa'que'tpa'ʌs Dioscʌsi wa'y itjojcʌtʌjcu te' Cristo mumu jama mista'm ndzoco'yojmo porque nwʌ'aŋjamdambamis ñe'cʌ. Y nwa'que'tpa'ʌs wa'y paquic itjojcʌtʌjcu Cristo's šu'noquiuy mi'ojmota'm.

Colosenses 1:23

Yʌ'šejmij jeque muspa ittamu juca wiyuŋšej paqui mij ittamu te' Cristocʌsipʌ wʌ'aŋja'moquiu'yojmo, y juca nʌmis njo'cjojcʌtʌctamu te' chambapʌ tiyʌ te' evangelio's, te' matoŋušejmis wina. Y yʌ' evangelio nʌ quiopuŋu mumu naswindumʌpʌ pʌ'nojmo. Y ʌj Pablo, Diojsisʌjyʌ' cʌ'weju wa'yʌs ndzamgopuŋu yʌ' evangelio.

Colosenses 2:7

Mista'm Cristoji'ŋbʌ itcuy, tzʌctamʌ cuenta jujcha' cuy oye watzipʌjcupʌ, y jujcha' tʌc Cristo's quiotjayupʌ cho'tzcuy. Y paquic ittamʌ mijta'm Cristocʌsipʌ wʌ'aŋja'moquiu'yojmo 'yaŋmayʌtʌjtamušejmij. Te'šej maŋbamij ñʌmjojcʌtʌctamu: Yʌscotoya chʌcpa Diojsis mumutiyʌcʌsi.

1 Tesalonicenses 3:5

Te'cotoya como nʌwa'ndʌsmij njamdamu, ŋgʌ'weju'ʌs Timoteo wa'y minu myujsu juca nʌmajmij nwyʌ'aŋja'moytyamu, uytya'mij nwyʌytyamwa'a te' yatziwʌ's y uytya'ndʌj comeque nyojsu miji'ŋda'm.

1 Timoteo 1:19

Te'šej nʌ'itjojcʌtʌcʌ nwʌ'aŋja'moquiuy y oyepʌ mis ndzoco'yis quipsoquiuy. Ijtu jamyato'ŋoyjayapʌ's ñe'ta'm choco'yis quipsoquiuy, y te'cotoya ja'na wyʌ'aŋjamyay te' wiyuŋbʌ tiyʌ.

Hebreos 10:39

Pero tʌta'm, ja'ndʌyʌ' nde'šejta'mbʌ wa'ytyʌ metzatzoco'yajtamu tʌta'm ndocoquiuquiotoya. Pero tʌta'm nʌtʌ nwʌ'aŋjamdamu tʌ Ngomi wa'ytyʌ tzi'tamu quenguy.

Santiago 2:26

Jujcha'ndʌ ŋgüerpo ca'u'candʌ ja'ndiyʌ 'yespiritu, te'šejtijque' juca solo wʌ'aŋja'mopyatʌ y ja'ndʌ ndzʌctame oyeta'mbʌ tiyʌ, tʌ nwʌ'aŋja'moquiuy ca'upʌ tiyʌšejte'.

2 Pedro 2:20

Pero juca iwʌ's pyʌjcʌchoŋba y quio'ŋba te' yajcotzojcopyapʌ Ngomi Jesucristo y ñe'cʌpit chacpa te' cowa y tocoquiuy najsacopajcʌsi, ja'n 'yoye jʌsa'ca wa'y tyocowyʌtzʌjque'tu ni wa'y myato'ŋoyjayu ñe' wyi'nis yatzi šu'noquiuy. Juca jʌsa'ca chacpa tʌ Ngomi Jesucristo, más jʌ'mʌpya tyocoquiuy que ja'nde' wina inʌc nʌ quiowapa'tušej.

2 Pedro 2:22

Juca iwʌ tocowyʌtzʌcpa yatzita'mbʌ tiyo'mo, maŋba quiʌtʌcjayu chambašej te' wiyuŋbʌ comparacio'ŋis: Te' tuwi's quiatwʌtzʌjque'tpatij te' 'yʌ'tzipʌ'upʌ tiya'a, y te' sa'sa tacschiŋupʌ yoyajmama's nimeque maŋu chiŋwʌtzʌjque'tutij motyo'mo wa'y yu'cpʌ'wʌtzʌjcu.

1 Juan 2:19

Yʌ'ta'mbʌ tʌste' ndu'mʌquiu'yojmoc tzu'cumyaju pero ja'nde' wiyuŋšejta'mbʌ wʌ'aŋja'moye. Juca inʌc tumo'oyj wʌ'aŋja'moyajpa tʌji'ŋ, tzʌ'yjojcʌtʌquiaju inʌc tʌji'ŋ. Pero tzu'cumyaju wa'y quieju que ja'n mumu wyʌ'aŋja'moyay jujcha' tʌta'm.

Judas 1:12

Yʌ'ta'mbʌ nu'mdʌjcʌyajpa wa'y minu quiu'tyaju miji'ŋda'm. Como ñašunʌtʌjtambamij ñdyumʌcu'ttambamij, y yʌ'ta'mbʌ's minba chʌquiaju tza'ajcuytya'mbʌ tiyʌ. Myaŋgocʌtʌcjayajpa tʌ Ngomi's 'yujcaŋbajcuy, wʌjojcu'tcuyšej chʌquiajpa, y jucucu'tyajpa. Yʌ'šejta'mbʌ pʌn nʌ'tacapʌ o'našejta'm, šujwituwituwʌyajpapʌ yʌmʌc teymʌc sawa's. Jujcha' mʌja cuytya'm jama'ŋsʌ'ŋoyj cunbʌ'yajpapʌ's 'yay y ja'n tyʌ'majyay, ca'yajupʌše'a queñajpa, opopʌ'yaju'ca ca'octuquiajpa.