San Lucas 7:47 - Zoque Copainalá New Testament

⁴⁷ Te'cotoya'ʌsmij ndzamjapya que ñe' wʌwʌta'mbʌ quiowa cotocopyʌ'wa'a, porque jene su'noyu. Iwʌ'sñe' uša'ŋ yajcotocoyjayajpa quiowa, uša'ŋ su'nopya.

San Lucas 7:47 ပူးပေါင်းရင်းမြစ်များ

San Mateo 10:37

Iwʌ's wyi'naŋgotpa tyataj o ñanaj y ucatʌctzi'pa'ʌj ʌj, ja'ʌs nijame wa'yʌj co'ŋu. Y iwʌ's wyi'naŋgotpa 'yune y ucatʌctzi'pa'ʌj, ja'ʌs nijame wa'yʌj co'ŋu.

San Lucas 7:39

Y te' fariseo 'yaŋbʌjcupʌ's te' Jesús quienu'ca yʌ'šej, nʌmu choco'yojmo: Juca inʌc tza'maŋwa'opyapʌ yʌ'wʌ, ispʌcpa inʌc iwʌyʌ' y tiyʌyʌ' yʌ' yomo nʌ pyi'quisupʌ's, que cowatzʌquipʌ yomoyʌ'.

San Lucas 7:46

Janjyasjamis ʌs ŋgopac aceitepit, pero yʌ'wʌ's jyasjawya'a jajsoquiupyit ʌs ne'ŋbac.

San Lucas 7:48

Y ñʌjayu te' yomo: Mis ŋgowa nyajcotocoyjawya'mʌs.

Hechos 5:31

Y yʌ'wʌ yajmʌja'ŋaju Diojsis ñe' chʌ'na'ŋojmo y quiojtu jujcha' Rey y Yajcotzojcopyapʌ wa'y yajquipswitu'u te' Israel-pʌnda'm y wa'y yajcotocoyjayu ñe'cʌ's te' quiowa.

Romanos 5:20

Tʌjcʌyu te' aŋgui'mguy wa'y quieju que wʌwa'u te' cowa. Pero wʌwa'u'cande' te' cowa, más wʌwa'u te' yajya'moquiuy.

2 Corintios 5:14

Cristo's šu'noquiu'yistʌj tzʌcjʌ'mʌpya porque muspatʌs que tumʌ pʌn ca'u mumu pʌngotoya. Mumu jeque ca'ʌnʌmu.

Gálatas 5:6

Porque nwʌ'aŋjamdamba'candʌ Jesucristo, juca circuncidatzʌctamutʌ o jašircuncidatzʌctamʌtʌ, ja'n tiyʌ chʌqui. Pero ijtu pyena wa'ytyʌ nwʌ'aŋja'moytyamu y wʌ'aŋja'moquiupyit wa'ytyʌ našunʌtʌjtamu.

Efesios 6:24

Y sunba'ʌs wa'y Diojsis yajyamyaju mumuta'mbʌ atzi šunjojcʌtʌquiajpapʌ's tumʌtzocoy tʌ Ngomi Jesucristo. Amén.

Filipenses 1:9

Y nwa'cjapya'ʌs Dios wa'mij más aŋba'te'c našunjojcʌtʌctamu ne'co'mo, y wa'mis nʌ'ittamu oyepʌ mujsoquiuy y nʌctʌ'yoquiuy mumutiyʌcʌsi,

1 Timoteo 1:14

Y tʌta'm Ngomi's tzi'jojcʌtʌjcu'ʌj ñe' yajya'moquiuy porque tumo'pyʌ wʌ'aŋja'moquiuy y su'noquiu'yʌs nʌ'ijtu Cristo Jesusji'ŋ.

1 Juan 1:7

Juca Diojsis šʌ'ŋgʌ' tʌ nʌtu'ŋajapya, sʌ'ŋjapyašejtʌ ñe'cʌ's, wiyuŋšejtʌ tumʌquipspa Diosji'ŋ, y Diojsis 'Yune's, Jesucristo's ñʌ'pi'nis yajcowajapya mumu tʌ ŋgowa.

1 Juan 3:18

Tʌwʌy, uy na' aŋnaca su'noquiuytyijtʌ nʌ'ittame, sino que yajquejta'mitʌy ndzʌquipit que wiyuŋšejtʌte' našunʌtʌjpa.

1 Juan 4:19

Tʌta'm sundambatʌ Dios, porque ñe'cʌ'stʌ wina sundamu.

1 Juan 5:3

Porque juca sundambatʌ Dios, ŋgojamjapyatʌ te' ñe' 'yaŋgui'mguy. Y te' 'yaŋgui'mgu'yis ja'ndʌ yajtoyapʌqui.