San Lucas 7:39 - Zoque Copainalá New Testament

³⁹ Y te' fariseo 'yaŋbʌjcupʌ's te' Jesús quienu'ca yʌ'šej, nʌmu choco'yojmo: Juca inʌc tza'maŋwa'opyapʌ yʌ'wʌ, ispʌcpa inʌc iwʌyʌ' y tiyʌyʌ' yʌ' yomo nʌ pyi'quisupʌ's, que cowatzʌquipʌ yomoyʌ'.

San Lucas 7:39 ပူးပေါင်းရင်းမြစ်များ

San Mateo 20:16

Te'šej jeque te' winata'mbʌ maŋba 'yucaŋgʌ'mʌ'ajyaju. Y te' ucaŋgʌ'mʌcta'mbʌ maŋba wyi'najyaju. Porque wʌwʌ pʌn nʌ 'yaŋbʌquiatʌju, pero uša'ŋde' te' copiŋyajupʌ.

San Mateo 21:11

Y te' Jesusji'ŋ ijtyajupʌ aŋdzoŋyajpa inʌc: Yʌ'wʌte' te' Jesús, te' tza'maŋwa'opyapʌ, Nazaret-pʌn, Galilea-najsis quiowindzʌmbapʌ.

San Marcos 7:21

Porque te' jojmoc, te' pʌ'nis choco'yojmoc, putpa yatzita'mbʌ quipsoquiuy, cʌtzʌjcʌ'oquiuy, ispʌquitzʌjcuy y yajca'oquiuy.

San Lucas 12:17

Y ñe'cʌ quipsoyu choco'yojmo y nʌmu: ¿Tiya'mʌs maŋba ndzʌjcu yʌtij? Ja'namʌs jutʌ ŋgote ʌs wʌwʌpʌ moc.

San Lucas 15:2

Y tuptupnayajpa inʌc fariseota'm y aŋgui'mguy-tyayuta'm. Nʌ inʌc ñʌmyaju: Yʌ'wʌ's pyʌjcʌchoŋba cowatzʌquita'mbʌ y cu'tpa ñe'cʌji'ŋda'm.

San Lucas 16:3

Pijche'cande' te' co'aŋgui'moye quipsoyu choco'yojmo: ¿Tiya'mʌs ndzʌcpa yʌtij? Ʌsyʌ' ŋgomi's maŋba yajʌcʌ'jayu ʌs ŋgo'aŋgui'moquiuy. Ja'ʌs musi ndaju nas y tza'ajpa'ʌj wa'yʌj nwa'cwijtu.

San Lucas 18:4

Y te' cʌme'tzoye's, quienu'ca que sone naca'a quiʌ'tijpa, jašunʌ chʌcja justicia. Pero jʌsa'ca nʌmu choco'yojmo:

San Lucas 3:8

Yajquejtamʌ jeque te' mista'm ndzʌquipit que nʌmij ŋguipswitu'tamu. Uy nʌcʌpo'tame wa'mij ñʌmdamu ndzoco'yojmo: Abrahaŋde' tʌs ndataj, porque ʌsmij ndzamjaytyamba que Diojsis muspa yajqueju uneta'm Abrahaŋgotoya ñempe yʌ' tza'pitta'm.

San Lucas 7:16

Y na'chaju mumu te' pʌnda'm y myʌja'ŋwʌcotzamyaju Dios y nʌmyaju: Mʌja'ŋ tza'maŋwa'oye'stʌ cʌ'mindamu. Y nʌmyajque'tu: Quiʌ'minu Diojsis te' ñe' pyʌnda'm.

San Lucas 7:37

Y te' cumgu'yojmo ijtu inʌc tumʌ cowatzʌquipʌ yomo. Myujsu'ctij te'wʌ's que mesa'ojmo inʌc ijtu Jesús te' fariseo's tyʌjcaŋʌ, ñʌminu tumʌ alabastropʌ cojtoquiuy ijtuwo'mo jajsoquiuy.

San Lucas 7:38

Y 'yucaŋgʌ'mʌc quiʌnu'cʌyu y minu jyʌyu ñe'ŋbajcaŋi y ñitiqui'ʌyjayu ñe'ŋbacta'm wyitʌm nʌ'pit. Y quiomocjayu ñe' wyapyit. Y šu'cjayu te' ñe'ŋbacta'm y jyasjayu te' jajsoquiupyit.

San Lucas 7:40

Pijche'ca aŋdzoŋu Jesús y ñʌjayu: Simón, sunba'ʌsmij ndzamjayu tiyʌ'iwʌ. Y ñe'cʌ's ñʌjayu: Tzamja'ʌj, Maestro.

San Juan 4:19

Ñʌjayu te' yomo's: Señor, nʌctʌ'wya'mʌs que mij ñcha'maŋwa'oyemijyʌ'.

San Juan 7:12

Y cʌ'ŋʌ'pa inʌc chamyajpa ñe'cʌ wʌwʌ pʌ'nis. Wene pʌn inʌc nʌmyajpa: Oyepʌ pʌnde'. Y wene pʌn nʌmyajpa inʌc: Ja'ne, aŋgoma'cʌ'opyapʌte'.

San Juan 9:24

Pijche'ca wyejwʌtzʌquiaju te' pʌn to'tipʌ inʌc y ñʌjayaju: Wʌcotzamʌ Dios y ja'n te'wʌ, porque tʌs muspatʌs que te'wʌ cowatzʌquipʌ pʌnde'.