San Lucas 7:37 - Zoque Copainalá New Testament

³⁷ Y te' cumgu'yojmo ijtu inʌc tumʌ cowatzʌquipʌ yomo. Myujsu'ctij te'wʌ's que mesa'ojmo inʌc ijtu Jesús te' fariseo's tyʌjcaŋʌ, ñʌminu tumʌ alabastropʌ cojtoquiuy ijtuwo'mo jajsoquiuy.

San Lucas 7:37 ပူးပေါင်းရင်းမြစ်များ

San Mateo 21:31

¿Tiya' ndzamdamba, jutiwʌ'sasʌ'ŋ chʌcjayu tyata's šunušej? Te' fariseo-cowi'na'sta'm y tzamupʌndʌcwa'yis 'yaŋdzoŋyaju: Te' wyina'aŋgui'mupʌ 'yune. Ñʌjayaju Jesujsis: Wiyuŋše'ʌsmij ndzamjaytyamba que te' tze'coyajpapʌ y malejyomota'm nʌ wyinatʌjcʌyaju aŋgui'mbamʌy Dios que ja'n mijta'm.

San Lucas 18:13

Pero te' tze'copyapʌ ya'amyʌctij ja'n inʌc suni quiengui'mu tzajpojmo. Y cucpac pu'ŋu'c inʌc nʌmba: Dios, to'ya'ŋʌ'ʌj, porque cowatzʌquipʌ pʌ'nʌjyʌ'.

San Lucas 19:7

Y quieñaju'ca yʌ'šej mumu te' pʌ'nista'm, tuptupnaquiʌ'yaju y nʌmgʌ'yaju wa'yun jeque maŋu šapʌjcu cowatzʌquipʌ pʌ'nis tyʌjcaŋʌ.

San Lucas 5:30

Y te' fariseota'm y te' ñe' aŋgui'mguy-tyayu tuptupnayajpa inʌc te' Jesujsis quiʌ'aŋmayecotoyata'm y nʌmyajpa inʌc: ¿Tiyajca'nde' ŋguiu'ttamba y 'yuctamba tze'coyajpapʌji'ŋ y eyata'mbʌ cowatzʌquiji'ŋ?

San Lucas 5:32

Jaminʌ'ʌs me'cha justota'mbʌ, sino que te' cowatzʌquita'mbʌ wa'y quipswitu'yaju.

San Lucas 7:34

Mingue'tu'ʌj ʌj, te' Pʌ'nis 'Yune, y tumʌcu'tpa'ʌj, y tumʌ'ucpa'ʌj pʌnji'ŋda'm, y ñʌmdambamij: Yʌ'wʌ's tyʌwʌpa'tpa tze'coyajpapʌ y eyata'mbʌ cowatzʌqui.

San Lucas 7:36

Y tumʌ te' fariseo's wya'cjayu Jesús wa'y quiu'tu ñe'cʌji'ŋ. Y tʌjcʌyu'ca te' fariseo's tyʌjcojmo, pocsu te' mesa'ojmo.

San Juan 11:2

Yʌ' María te' ca'epʌ Lazaro'ste' inʌc quiose. Yʌ'wʌ'stijte'que' jyasjayu tʌ Ngomi omombapʌ jajsoquiupyit y quiomocjayu ñe'ŋbac wyapyit.

San Juan 9:24

Pijche'ca wyejwʌtzʌquiaju te' pʌn to'tipʌ inʌc y ñʌjayaju: Wʌcotzamʌ Dios y ja'n te'wʌ, porque tʌs muspatʌs que te'wʌ cowatzʌquipʌ pʌnde'.

San Juan 9:31

Mustambatʌ que Diojsis ja'n quiʌmato'ŋʌy cowatzʌquita'mbʌ. Pero juca iwʌjutiwʌ's quiʌna'tzpa Dios, y chʌcpa ñe'cʌ's šunbašej, yʌ'wʌ quiʌmato'ŋʌpya Diojsis.

Romanos 5:8

Pero yajqueju Diojsis que sundambatʌ porque ñempetʌ cowatzʌquita'm Cristo'stʌ minu coca'tamu.

1 Timoteo 1:15

Yʌ'wʌ jeque wiyuŋšejpʌ tzameyʌ', y pyʌcpa wa'y tyumʌtzocoy pyʌjcʌchoŋu mumu pʌ'nis. Wiyuŋšej, te' Cristo Jesús minu najsacopajcʌsi wa'y yajcotzojcu cowapa'tyajupʌ, y te'wo'mocta'm ʌjte' te' más cowatzʌqui.

1 Timoteo 1:9

Muspatʌ que te' aŋgui'mguy ja'nde' justota'mbʌcotoya, sino que te' ja'n jyustota'mbʌcotoya, te' ja'n myato'ŋoyapyʌcotoya, y yacha'cuy chʌquiajpapʌ's y cowapa'tyajpapʌ y te' ja'n quiʌna'tzʌyapyʌ's Dios y jujche'ŋ ja'n wyʌcomʌ'yapyʌ's religión, y jujche'ŋ yajca'papʌ's tyataj o ñanaj o tyʌwʌ, te'ta'mbʌcotoyate'.

1 Pedro 4:18

Chambašej te' Totojaye's: Juca te' justota'mbʌ pʌn penapit cotzoquiajpa, ¿Jutzasʌ'ŋ maŋba quiotzoquiaju te' ja'n wyʌ'aŋja'moyapyʌ y te' cowapa'tjojcʌtʌquiajpapʌ?