San Lucas 7:22 - Zoque Copainalá New Testament

²² Y aŋdzoŋu Jesús y ñʌjayaju: Ma tzamjaytyamʌ te' Juan tiyʌ mis nʌ ŋguendamu y tiyʌ mis nʌ matoŋdamu. Nʌ šʌ'ŋyaju te' to'tita'mbʌ's wyitʌm. Nʌ quia'ŋyaju oye te' mʌ'ŋyajpapʌ. Nʌ quiowajyaju te' yatziputzi'ʌyajupʌ. Y nʌ 'yaŋwajyaju quiowi cowita'mbʌ'sñe'. Nʌ wyinsa'yaju te' ca'yajupʌ, y nʌ chamgopuŋjayatʌju te' evangelio te' yacsnu'ajcu'yojmo ijtyajupʌ.

San Lucas 7:22 ပူးပေါင်းရင်းမြစ်များ

San Mateo 11:5

Nʌ šʌ'ŋyaju te' to'tita'mbʌ's wyitʌm. Nʌ quia'ŋyaju oye te' mʌ'ŋyajpawʌ. Nʌ quiowajyaju te' yatziputzi'ʌyajupʌ. Nʌ 'yaŋwajyaju quiowi cowita'mbʌ'sñe'. Nʌ wyinsa'yaju te' ca'yajupʌ, y nʌ chamgopuŋjayatʌju te' evangelio te' yacsnu'ajcu'yojmo ijtyajupʌ.

San Mateo 21:14

Pijche'ca quiʌ'miñaju Jesús te' templo'ojmo to'tita'mbʌ's y mʌ'ŋyajpapʌ's, y yajtzoquiaju ñe'cʌ's.

San Lucas 4:18

Tʌ Ngomi's 'Yespiritu ijtu ʌjcʌsi, Porque copiŋu'ʌj wa'yʌs minu ndzamgopuŋu oyeta'mbʌ tiyʌ pobreta'mbʌcotoya. Y cʌ'weju'ʌj wa'yʌs nyajtzoquiaju te' toya'ojmo ijtyajupʌ, Y wa'yʌs ŋgoquipyaju preso'mo ijtyajupʌ wa'y pyujtyaju, Y wa'y šʌ'ŋyaju to'tita'mbʌ's wyitʌm, Y wa'y chʌcʌpʌ'yatʌju te' nʌ yacsnutzʌquiatʌjuwʌ.

San Lucas 7:21

Y tey ijtyaju'c yajtzojcu Jesujsis sone ca'eta'mbʌ y yatziputzi'ʌyajupʌ y yatzi-espiritu'ʌyajupʌ y yajsʌ'ŋjayaju wyitʌm to'tita'mbʌ'sñe'.

San Lucas 7:23

Y dichoso iwʌ ja'n myawequi'šca'e porque wʌ'aŋjamba'ʌj.

San Juan 1:46

Natanae'lis ñʌjayu: ¿Putpasʌ'ŋ tiyʌ'iwʌ oyepʌ Nazaret-cumgu'yojmoc? Ñʌjayu Felipe's: Minʌ, quena.

Hechos 26:18

Myaŋbamij teymʌ wa'mis nyajsʌ'ŋjayaju wyitʌm, wa'y chaquiaju pi'tza'ŋajcʌ' y wa'y quieñaju sʌ'ŋgʌ', wa'y chacjayaju Satanajsis 'yaŋgui'mʌtʌjcuy y wa'y mye'chaju Dios. Te'šej wa'yʌs nyajcotocoyjayaju quiowa y wa'y pyʌjcʌchoŋyaju pyarte te' masa'najyajupʌji'ŋ jujche'ŋʌj wʌ'aŋjamyajpapʌ's.

Hechos 8:7

Porque sone inʌc ijtyaju ñʌc'ijtʌyajupʌ yatzi-espiritu's, y te' yatzita'mbʌ espíritu paquiweju'c pujtyaju. Y tzoquiaju sone wocšijta'mbʌ y tze'ŋga'ŋyajpawʌ.

Santiago 2:5

Sundambapʌ atzita'mʌsmij, cʌmato'ŋʌytyamʌ'ʌj: Diojsis quiopiŋwa'a te' pobreta'm najsacopajcʌsi wa'y tumʌtzocoy wyʌ'aŋja'moyaju y te'ta'mbʌ's wa'y ijtyaju pyarte aŋgui'mbamʌy Dios. Yʌ'šej jeque chamdzi'yaju Diojsis mumu jujche'ŋ šuñajpapʌ's ñe'cʌ.