San Lucas 7:2 - Zoque Copainalá New Testament

² Y tumʌ capita'ŋis ñʌ'ijtu inʌc tumʌ quioyosa jene šunbapʌ. Ca'epa'tu yʌ'wʌ y maŋba inʌc quia'u.

San Lucas 7:2 ပူးပေါင်းရင်းမြစ်များ

San Mateo 27:54

Y nʌ inʌc quioqueñaju Jesús te' capita'ŋis y ñe'cʌji'ŋ inʌc ijtyajupʌ's. Aŋjamyaju te' mi'cscʌ' y quieñaju tiyʌta'm tuquiaju, y jene na'chaju. Y nʌmyaju: Wiyuŋšej yʌ' pʌn Diojsisyʌ' 'Yune.

San Lucas 23:47

Quienu'ca te' capita'ŋis tiyʌ tujcu, myʌja'ŋwʌcotzamu Dios y nʌmu: Wiyuŋšej justopʌyʌ' inʌc yʌ' pʌn.

San Lucas 7:1

Yʌ'še'a ñʌjayaju'c Jesujsis te' tey ijtyajupʌ, maŋu te' Capernaum-gumgu'yojmo.

San Lucas 7:3

Y myujsu'ctij te' capita'ŋis que nʌ chamyaju Jesús, quiʌ'weju judio'sta'm chamupʌndʌcway wa'y wya'cjayaju Jesús wa'y minu yajtzocjayu te' quioyosa.

San Lucas 8:42

Porque ijtu inʌc chʌcstumʌpʌ yomo-une, macwʌstʌjca'y-ameše'ŋopyʌ, y nʌ inʌc quia'u. Y nʌ'c myaŋu Jesús mye'quiajpa inʌc te' wʌwʌpʌ pʌ'nis.

Hechos 10:1

Ijtu inʌc tumʌ pʌn, Cornelio'ajupʌ, Cesarea-cumgu'yojmo, y mojsi'spʌ soldado's quiowi'na, Italia-soldado's quiowindzʌmbapʌ.

Hechos 10:7

Y maŋu'cande' ángeles, te' 'yoto'ŋʌyupʌ's Cornelio, yʌ'wʌ's wyeju metza quioyosa y tumʌ soldado tumʌtzocoy cʌna'tzʌ'opyapʌ, te' nucsoquiuy chʌquiajpapo'moc.

Hechos 22:26

Y yʌ'še'a myatoŋu'c yʌ' soldado-cowi'na's maŋu chamjayu te' mʌja'ŋbʌ soldado-cowi'na, y ñʌjayu: ¿Tiya' maŋba ndzʌjcu? Porque yʌ' pʌn wiyuŋšejpʌ romano-uneyʌ'.

Hechos 23:17

Y wyeju Pablo's tumʌ te' soldado-cowi'na y ñʌjayu: Nʌmawʌ yʌ' jaya-une te' mʌja'ŋbʌ soldado-cowi'naŋʌ, porque ijtu tiyʌ maŋba chamjayu.

Hechos 27:1

Pero quipsaŋbo'ʌyaju wa'ytyʌj barco'ojmo maŋu Italia-najsojmo. Y chi'oquia'yaju te' Pablo y eyata'mbʌ preso soldado-cowi'nacʌsi, ñʌjayajpapʌ Julio, Augusto's šoldado'ojmocpʌ.

Hechos 27:3

Y jo'pit nu'cutʌj Sidoŋ-gumgu'yojmo. Y sa'sa ñʌmaŋu te' Pablo te' Julio's, y chi'u lugar wa'y myaŋu 'yamigo's tyʌjcaŋʌta'm wa'y chi'yaju tiyʌ'iwʌ.

Hechos 27:43

Pero te' soldado-cowi'na's sunba inʌc yajcotzojcu Pablo, y yajwinduquiaju te' soldadota'm. 'Yaŋgui'mu wa'y tyʌŋdʌjcʌyaju wyin wina iwʌta'm muspa jyemyaju wa'y pyujtyaju nascʌsi.

Colosenses 3:22

Coyosata'm, mato'ŋoyjaytyamʌ mumutiyʌcʌsi mis najsacopajcʌsipʌ ŋgomita'm. Pumñayu'c yostamʌ ja'n na' nʌmij ŋguieñaju'c wyitʌmbit, chʌquiajpašej te' yajtzocopyaquiajpapʌ's pyʌndʌwʌ, sino que wa'mij nyostamu ndumʌtzocoy porque nʌmis ŋgʌna'tzʌytyamu tʌ Ngomi.