San Lucas 7:13 - Zoque Copainalá New Testament

¹³ Y quienu'ctij tʌ Ngomi's, tyo'ya'ŋʌyu te' yomo y ñʌjayu: Uy jʌyi.

San Lucas 7:13 ပူးပေါင်းရင်းမြစ်များ

San Marcos 8:2

Ndo'ya'ŋʌyajpa'ʌs te' pʌnda'm porque tuca'y jama chʌcpa yʌy ijtyajpa ʌji'ŋ, y ja'ndiyʌ tiyʌ wa'y quiu'tyaju.

San Lucas 10:1

Y cʌtʌquiaju'ca yʌ'šejta'mbʌ tiyʌ, tuqui's-co-mac quiopiŋbujtu eyata'mbʌ quiʌ'aŋmaye tʌ Ngomi's. Y quiʌ'wejyaju te'ta'mbʌ metza metza wa'y wyi'najayaju ñe'cʌ. Quiʌ'wejyaju mumuta'mbʌ luga'rojmo y cumgu'yojmo maŋgue'tpamʌy inʌc ñe'cʌ.

San Lucas 11:1

Y maŋu tumʌco luga'royj Jesús wa'y 'yoto'ŋʌyu Dios. Y 'yoto'ŋʌyaŋjeju'ca Dios, ñʌjayu tumʌ te' ñe' quiʌ'aŋmaye's: Señor, aŋmayʌtʌj wa'ytyʌs oto'ŋʌyu Dios, 'yaŋmayajušej Jua'ŋis te' ñe' quiʌ'aŋmayeta'm.

San Lucas 11:39

Y tʌ Ngomi's ñʌjayu: Mijta'm, fariseo, nitze'tambamis cʌsmʌc te' tzima y te' plato, pero jojmo, mista'm ndzocoy jaquiotze'a, tajsu nu'mguquipsoquiu'yis y yacha'cu'yis.

San Lucas 12:42

Y nʌmu tʌ Ngomi: ¿Iwa'sʌ'ŋde' te' ñijamyajpapʌ y nʌctʌ'yopyapʌ co'aŋgui'moye, te' quiomi's muspa quiojtupʌ te' ñe' quioyosacʌsita'm wa'y myucjayaju jyamacʌtʌjcuy nu'cpa'ca hora?

San Lucas 13:15

Pijche'ca 'yaŋdzoŋu tʌ Ngomi's y nʌmu: Mijta'm nwʌ'aŋjamba chʌcpata'm, ¿ja'nja mbu'pʌ'tame ne' ŋgabrestu o mburro si'numʌy wa'y yajnʌ'to'ŋdamu sabado-jamo'oyj?

San Lucas 17:5

Te' cʌ'we'ista'm ñʌjayaju tʌ Ngomi: A'ŋʌyja tʌs nwʌ'aŋja'moquiuy.

San Lucas 17:6

Pijche'ca tʌ Ngomi nʌmu: Juca inʌc mij nwyʌ'aŋja'moytyamba yajtya' mostaza-tʌmbuše'ŋ, nʌjaytyambamis inʌc yʌ' sicomoro-cuy: Wisputʌ nwin, y ma tenapyacʌ ma'rojmo, y myato'ŋoyjaytyambamij.

San Lucas 18:6

Nʌmu tʌ Ngomi: Matoŋdamʌ tiyʌ chamba te' ja'n jyustopʌ cʌme'tzoye's.

San Lucas 19:8

Pijche'ca Zaqueo's tenayu'c ñʌjayu tʌ Ngomi: Señor, jujche'ŋ ijtu ʌs ndiyʌjanatiyʌ, cucwene ndzi'yajpa'ʌs pobreta'm. Juca aŋgoma'cʌwya'mʌs iwʌjutiwʌ tiyʌ'iwʌcʌsi, nyajwitu'pa'ʌs macšcu'y ñaca te'še'ŋ.

San Lucas 22:61

Pijche'ca quenwitu'u tʌ Ngomi y ñique'nʌyu Pedro. Jyamwʌtzʌcjayu tʌ Ngomi's chame, te' ñʌjayu'c: Ja'n maŋu wyeju te' gallo hasta que ñʌmbamij tuca'y ñaca, ja'nʌs ŋgo'ispʌqui.

San Lucas 24:3

Tʌjcʌyaju tey y japya'tjaya te' tʌ Ngomi Jesujsis cuerpo.

San Lucas 24:34

Nʌ inʌc ñʌmyaju: Wiyuŋšejte' winsa'wa'a tʌta'm Ngomi y yajquenu wyin te' Simón.

San Lucas 7:12

Y nʌ'c tyʌjcʌyu'c te' Nain-cumgu'yoyj, tey nʌ inʌc ñʌpujtyaju ca'uwʌ. Y te'wʌ tʌŋdumʌ unete' inʌc ñana'sñe', y ñanaj se'aŋ-yomote' inʌc. Y cutzupa inʌc nʌ miñaju cumgupyʌn ñe'cʌji'ŋ.

San Lucas 7:14

Y ca'ŋnu'cu Jesús y pyi'quisjayu te' quiajon. Y tenachʌ'yaju te' nʌ inʌc chʌmnʌmaŋyajupʌ's. Y Jesús nʌmu: Tʌwʌy, nʌjapya'ʌsmij, tzu'cumʌ.

San Lucas 7:19

y quiʌ'wejyaju Jesusaŋi wa'y maŋu quiʌ'aŋwa'quiaju: ¿Mijate' te' Mesías, te' maŋba minupʌ inʌc, o njo'cpamajtʌs eyapʌ?

San Lucas 8:52

Y myuma'ŋgʌ'y inʌc quiojʌyajpa y jene wejyajpa inʌc. Pero Jesús nʌmu: Uy jʌytyame, porque jaquia'ʌpʌyʌ' sino que ʌŋupʌtijyʌ'.

San Juan 11:2

Yʌ' María te' ca'epʌ Lazaro'ste' inʌc quiose. Yʌ'wʌ'stijte'que' jyasjayu tʌ Ngomi omombapʌ jajsoquiupyit y quiomocjayu ñe'ŋbac wyapyit.

San Juan 11:3

Te' quiose'sta'm jeque, yajmaŋyaju cʌ'wej wa'y maŋu chamjayaju Jesús que ca'epa'tu te' jene šunbapʌ.

San Juan 20:13

Y ñʌjayaju María: ¿Tiyajca'nde' njyʌpya, yomoy? Y aŋdzoŋu: Porque ñʌmaŋjayaju ʌs Ngomi's cuerpo y ja'ʌs musi jutʌ maŋu quiojtyaju.

San Juan 20:15

Y ñʌjayu Jesujsis: ¿Tiyajca'nde' njyʌpya, yomoy? ¿Iwa'nde' nʌ me'tzu? Maria's quiomʌ'yu juca te' nipi coque'nopyapʌte', y ñʌjayu: Señor, juca mis nʌmaŋjayu ʌs Ngomi's cuerpo tzamja'ʌj jutʌ mis ŋgojtu. Ʌs sunba'ʌs ŋgoquenjayu.

San Juan 4:1

Jesujsis ñʌctʌ'yu que te' fariseo'sta'm myatoŋyaju que ñe'cʌ Jesujsis más inʌc wʌwʌ nʌ chʌjcu y yajnʌ'yʌyaju cʌ'aŋmayeta'm que ja'nde' Jua'ŋis.

San Juan 6:23

Pero miñaju eyata'mbʌ barco Tiberias-cumgu'yojmoc. Y nu'quiaju tome quienbamʌy te' lugar tijumʌy wyi'quiaju pan te' pʌ'nista'm, ñʌjayu'c yʌscotoya Dios tʌ Ngomi's.

1 Corintios 7:30

Y ya'ijtya te' jʌyajpapʌ jujcha'nde' ja'n jyʌyapyʌ, y te' tzi'ŋbʌ'papʌ jujcha'nde' ja'n chi'ŋbʌ'ipʌ, y te' ju'yoyajpapʌ jujcha'nde' ja'ndiyʌta'mbʌ's tyiyʌ'iwʌ.

1 Tesalonicenses 4:13

Sunbatʌs atzita'm, wa'mis mustamu jutz ijtyaju te' ca'yajupʌ, umij ñdyuyu'yoytyamu jujcha'nde' ja'n yajtiyʌ jyo'quiapyʌ's.

Hebreos 2:17

Te'cotoya ijtu inʌc pyena wa'y minu pyʌ'naju pʌnšej te' Jesús, wa'ytyʌ 'yatzišej comʌ'ytyamu mumutiyʌcʌsi. Y te'šej wa'y pyʌjcʌchoŋu sacerdote'ajcuy maŋba tyo'ya'ŋʌyajupʌ's pʌnda'm, y maŋbapʌ's chʌjcu Diojsis šunbašej. Y minu wa'y chi'oquia'u wyin wa'y quioyojayaju pʌ'nista'm quiowa.

Hebreos 4:15

To'ya'ŋʌpyatʌ tʌyʌ' mʌja'ŋbʌ sacerdote-cowi'na's, porque mochita'mbʌtʌyʌ' y oc'išajpatʌ. Ñe'cʌ te'šejtij 'yoc'išajyajque'tu mumutiyʌcʌsi, pero jaquiowapa'tʌ.