San Lucas 6:47 - Zoque Copainalá New Testament

⁴⁷ Mumu'iwʌ'sʌj cʌ'minba y myatoŋjapya ʌs ndzamyajupʌ tiyʌ y quiojamba, maŋba'ʌsmij ndzamjaytyamu iwʌšejpʌte'.

San Lucas 6:47 ပူးပေါင်းရင်းမြစ်များ

San Mateo 12:50

Porque iwʌ's chʌquiajpa tzajpojmo ijtupʌ ʌs Ndata Diojsis šu'noquiuy, te'wʌte' ʌs mbotzota'm y ʌs nanaj.

San Mateo 17:5

Y te'šejtij nʌ chamu'c Pedro's wanajcu sʌ'ŋbawʌ o'na y quiʌmʌŋdzʌcjayaju. Pijche'ca myatoŋyaju otowe te' o'na'ojmoc nʌmupʌ: Yʌ'wʌte' te' ʌs sunbapʌ Une, yajtzocopyacpawʌ'sʌj. Cʌmato'ŋʌytyamʌ ñe'cʌ.

San Lucas 11:28

Y Jesujsis ñʌjayu: Más dichosota'm iwʌ's myatoŋjayajpa Diojsis chame y quiojamjayajpa.

San Lucas 14:26

Iwʌ'sʌj sunba co'ŋu y wyi'naŋgotpa tyataj, ñanaj, yomo, 'yuneta'm, 'yatzita'm, quioseta'm y hasta ñe' wyin, y ucatʌctzi'pa'ʌj ʌj, ja'n quiʌpa'te wa'yʌs ŋgʌ'aŋmaye'aju.

San Lucas 6:48

Yʌ'šejpʌ pʌnde' jujcha'nde' yajtzu'cumupʌ's tyʌc y tyajʌŋu y quiotjayu cho'tzcuy mʌja tza'cʌsi. Y quejcu'c maya'aŋbʌ tuj y pʌmya'u nʌ' y pyʌmi'ojmo wiyu'ŋaju te' tʌjcʌsi, pero ni jayajmi'csʌ porque mʌja tza'cʌsi inʌc ijtu cho'tzcuy.

San Lucas 8:13

Y te' tʌmbu cuñajupʌ tza'cotʌjcojmo, yʌ'wʌte' te' pʌnda'm myatoŋyajupʌ's y oma'oma pyʌjcʌchoŋyajupʌ's te' tzame. Pero te' choco'yojmota'm ja'n wyatzipʌqui te' tzame, uša'ŋ horacotoyatij wyʌ'aŋjamyajpa, y minba 'yoc'išatʌju, chaquiajpa te' tzame.

San Lucas 8:8

Y wene cuñajque'tu oyepʌ najsojmo, y nayaju'ca, chʌquiaju tʌm mojsi's. Nʌ'c chamu yʌ'šejta'mbʌ tiyʌ Jesujsis, weju: Iwʌ's ijtyaju quiowi wa'y myatoŋyaju, yajcʌmato'ŋʌya'ʌj.

San Juan 10:27

Ʌsne' ñchowambe'sta'm, sunba'ʌjte' nʌmu ʌsne' mbʌ'nista'm, ñʌctʌ'yjayajpa ʌs nwejcʌ', y ʌs ispʌquiajpa'ʌs, y co'ŋyajpa'ʌj.

San Juan 13:17

Juca mustambamis yʌ'šejta'mbʌ tiyʌ, dichosota'm mij juca ndzʌctambamis.

San Juan 14:15

Juca sundambamisʌj, cojamjaytyamʌ ʌs aŋgui'mguy.

San Juan 5:40

pero ja'nmisʌj suni nwʌ'aŋjamdamu ʌj wa'yʌsmij ndzi'tamu ja'n yayepʌ quenguy.

San Juan 6:35

Y ñʌjayaju Jesujsis: Ʌjte' te' pan šajpapʌ's iscuy-quenguy mumu pʌngotoya. Iwʌ'sʌj cʌ'minba ʌj ja'na yu'que'temaj. Y iwʌ'sʌj wʌ'aŋjamba ʌj, ja'na yoctʌtzque'temaj.

San Juan 6:37

Mumu jujche'ŋ quiopiŋba Diojsis wa'yʌj wʌ'aŋjamyajupʌ's, maŋba'ʌj cʌ'miñaju. Y iwʌ'sʌj cʌ'minba ja'nʌs macwinduqui.

San Juan 8:52

Pijche'ca ñʌjayaju judio's: Yʌytyʌs ŋgʌnʌctʌ'pya que ñʌc'ijtʌyumij yatzi-espiritu's. Con que Abrahán ca'u, y ca'yajque'tu tza'maŋwa'oyajpapʌ, y mij ñʌmbamij: Iwʌ's quiojamjapya ʌs ndzame ja'n maŋu quia'u mumu jamacotoya.

Hebreos 5:9

Y te'šej yajqueju que cota'nupʌ pʌnde' inʌc. Te'cotoya muspa chi'u ja'n yayepʌ quenguy mumu jujche'ŋ myato'ŋoyjayajpapʌ's ñe'cʌ.

Santiago 4:17

Iwʌ's muspa chʌjcu oyepʌ tiyʌ y ja'n chʌqui, te'wʌ cowapa'tpa.

1 Pedro 2:4

Jujcha' tʌctzʌcpapʌ's quiopiŋba tza', te'šej Diojsis quiopiŋu sa'sa aŋguinʌ jejcupʌ Tza' quenbapʌ. Wiyuŋšej pʌ'nista'm jašunʌ pyʌjcʌchoŋya. Yʌ'wʌte' te' Cristo wʌwʌ coyowapʌ tza'. Yajto'mʌytyamʌ mista'm ndzocoy ñe' wyi'naŋdʌjqui.

2 Pedro 1:10

Te'cotoya, atzita'm, coquendamʌ cuenta wa'mis nyajquejtamu mista'm nwʌ'aŋja'moquiu'yojmo que wiyuŋšej ja'nmij myochcʌtʌŋdame porque Diojsismijyʌ' nwyejtamu y ŋguiopiŋdamu. Y juca yʌ'šejmis ndzʌctamba, ja'nmij ñdyocoytyame Diojsis wyi'naŋdʌjqui.

1 Juan 2:29

Juca mustambamis que yʌ' Cristo justopʌte', mustaŋgue'ta que iwʌ'sta'mis chʌquiajpa justota'mbʌ tiyʌ Diojsisande' 'yuneta'm.

1 Juan 3:7

Coquendamʌ cuenta, tʌwʌy, umij ya'iwʌ's 'yaŋgoma'cʌytyamu. Iwʌ's chʌcjojcʌtʌcpa justopʌ tiyʌ justopʌ pʌ'nande', jujcha' Cristo justopʌte'.

El Apocalipsis 22:14

Dichoso te' cotze'yajupʌ quiowapit Ñchowambe's ñʌ'pi'nojmo, porque te'ta'mbʌ Diojsis maŋba chi'yaju lugar wa'y tyʌjcʌyaju te' masanbʌ cumgu'yojmo, wa'y wojnayu'c pya'tyaju te' tʌjcʌquiuy wa'y maŋu quiu'tyaju te' iscuy-quenguquiotoya yospapʌ cu'yis tyʌm.