San Lucas 6:27 - Zoque Copainalá New Testament

²⁷ Pero como nʌmisʌj ŋgʌmato'ŋʌytyamu, ndzamjaytyamba'ʌsmij: Sundamʌ te' ŋgui'nišajpapʌ'smij, y tzʌcjaytyamʌ bien te' ŋgui'nišajpapʌ'smij.

San Lucas 6:27 ပူးပေါင်းရင်းမြစ်များ

San Marcos 4:24

Nʌjayajque'tu: Coquendamʌ cuenta tiyʌ mis matoŋdamba. Tiyʌ mis mu'ctamba ne'cʌ, te'wʌtijmij maŋba myu'cjatʌtaŋgue'tu. Y iwʌ's myatoŋba te' tzame ʌs ndzambapʌ, Diojsis maŋba myu'ctzi'a'ŋʌyu.

San Lucas 23:34

Y Jesús nʌmba inʌc: Tatay, yajcotocoya, porque ja'n myujšay tiyʌte' nʌ chʌquiaju. Y quiosijayaju te' pyama wa'y wye'nbʌ'yaju ñe'co'mota'm.

San Lucas 6:22

Dichoso mijta'm cuando ŋgui'nistambamij pʌ'nista'm, y cuando ja'n wyijtyay miji'ŋda'm y nwyinʌcnʌ'mnʌ'mwʌtʌjtambamij. Dichoso mijta'm yatzicomʌ'yjayajpa'c mista'm nʌy porque nwʌ'aŋjamdambamisʌj, ʌj te' Pʌ'nis 'Yune.

San Lucas 6:35

Sundamʌ jeque te' ŋgui'nišajpapʌ'smij. Tzʌcjaytyamʌ bien y nucschi'tamʌ ndʌwʌ yempetiyʌ y uy jo'ctame wa'mij ñchi'taŋgue'tu. Y te'šej maŋbamis mbʌjcu wʌwʌ mis ŋgoyowa y maŋba quieju que tzajpojmo ijtupʌ's mijte' 'yuneta'm. Porque hasta te' ingratota'mbʌ y paquita'mbʌ's chocoy tyo'ya'ŋʌpya ñe'cʌ's.

San Lucas 8:15

Pero te' tʌmbu cuñajupʌ oyepʌ najsojmo, yʌ'wʌte' te' pʌnda'm jyamdzijwʌyajpapʌ's te' myatoŋyajupʌ tzame wiyuŋbʌ y oyepʌ tzocopyit. Y pacienciapit tʌ'majyajpa.

San Lucas 8:18

Coquendamʌ cuenta jeque tiyʌ mis matoŋdamba. Porque te' ñʌ'ijtupʌ's, más maŋba chi'yaju, y te' ja'ndiyʌwʌ'sñe' quipspaše'ŋ que ñe'te', maŋba yajʌcʌ'jayaju.

San Lucas 8:8

Y wene cuñajque'tu oyepʌ najsojmo, y nayaju'ca, chʌquiaju tʌm mojsi's. Nʌ'c chamu yʌ'šejta'mbʌ tiyʌ Jesujsis, weju: Iwʌ's ijtyaju quiowi wa'y myatoŋyaju, yajcʌmato'ŋʌya'ʌj.

Hechos 10:38

Diojsis jyo'ʌyu te' Nazarejtojmopʌ Jesús pʌmipit y Espíritu Santopit. Wijtuca'ŋu'c yʌy chʌjcu oyeta'mbʌ tiyʌ, y pa'ŋna tzoquiaju jujche'ŋ nʌ yajtoyapʌquiajupʌ diablo's. Porque ñe'cʌji'ŋbʌte' inʌc Dios.

Hechos 16:28

Pero weju'c ñʌjayu Pablo's: Uy tzʌcjay toya nwin, yʌytyij tʌ itpʌ'u.

Hechos 7:60

Y cutcʌne'cu y wejqui'mu'c nʌmu: Tatay, uy mayjayay yʌ' quiowa. Te'še'a nʌmu'c, ca'u.

Gálatas 6:10

Te'šej jeque, mientrastʌ quendambamaj ndzʌcta'mitʌy oyeta'mbʌ tiyʌ mumu'iwʌcotoya, nimeque'ctij te' wʌ'aŋja'moyajpapʌcotoya.

1 Tesalonicenses 5:15

Coquendamʌ cuenta juca iwʌ'smij ñchʌcjaytyamba yacha'cuy, uy yacha'cuy yajwitu'tame sino que mumu jama'c nachʌcjatʌjtamʌ bien ne'co'mo, y mumu pʌ'nojmo.

3 Juan 1:11

Tʌwʌy, uy tzʌqui chʌquiajpašej yatzita'mbʌ's, sino que tzʌcʌ oyeta'mbʌ pʌ'nis chʌquiajpašej. Te' chʌcpapʌ's oyeta'mbʌ tiyʌ Diojsiste'ñe', pero te' chʌcpapʌ's yatzita'mbʌ tiyʌ ja'n ispʌqui Dios.