San Lucas 6:23 - Zoque Copainalá New Testament

²³ Te'ta'mbʌ jamo'oyj nʌ'omdamʌ y tzocopyactamʌ porque wʌwʌ mista'm ŋgoyowa tzajpojmo. Te'šejtij yacsnutzʌquiajque'tu te' tza'maŋwa'oyeta'm te' ya'acta'mbʌ pʌ'nis.

San Lucas 6:23 ပူးပေါင်းရင်းမြစ်များ

San Mateo 5:12

Nʌ'omdamʌ y tzocopyactamʌ, porque wʌwʌ mista'm ŋgoyowa tzajpojmo. Te'šejtij yacsnutzʌquiajque'tu te' tza'maŋwa'oyeta'm wina ijtyajupʌ que ja'n mijta'm.

San Lucas 1:41

Y yʌ'šej tujcu, myatoŋjayu'ctij te' Maria's dyujchi'oquiuy Elisabejtis, tʌpqui'mu te' 'yune chejcojmo y jyo'ʌyu Espíritu Santo's te' Elisabet.

San Lucas 1:44

De que matoŋjayu'cti'ʌs mis ñdyujchi'oquiuy, tʌpqui'mu omapit te' une ʌs ndzejcojmo.

San Lucas 6:35

Sundamʌ jeque te' ŋgui'nišajpapʌ'smij. Tzʌcjaytyamʌ bien y nucschi'tamʌ ndʌwʌ yempetiyʌ y uy jo'ctame wa'mij ñchi'taŋgue'tu. Y te'šej maŋbamis mbʌjcu wʌwʌ mis ŋgoyowa y maŋba quieju que tzajpojmo ijtupʌ's mijte' 'yuneta'm. Porque hasta te' ingratota'mbʌ y paquita'mbʌ's chocoy tyo'ya'ŋʌpya ñe'cʌ's.

Hechos 14:10

Y paqui ñʌjayu: Tzu'cumʌ, tenaqui'mʌ. Y tʌptongui'mu y ca'ŋu.

Hechos 3:8

tʌptongui'mu'c tenayu y ca'ŋnitzʌjcu. Y ca'ŋdʌjcʌyu ñe'cʌji'ŋda'm templo'ojmo, y tʌpwijtu'c inʌc wyʌcotzamba Dios.

Hechos 5:41

Y tzu'cumyaju te' aŋgui'moye'sta'm wyi'naŋdʌjqui, y ñʌ'omyaju que Diojsis myayatʌju pyʌcpašej wa'y yacsnutzʌquiatʌju ñe' Ñʌquiotoya.

Romanos 5:3

Y ja'n yʌ'wʌtij, sino que nʌ'omgue'tpatʌs te' toyapʌjcuy porque muspatʌs que te' toyapʌjcupyit aŋmapyatʌs wa'ytyʌj mbʌ'mgopajcʌ'oyu.

2 Corintios 12:10

Te'šej jeque Cristocotoya nʌ'omba'ʌs mocha'cuy. Y nʌ'omba'ʌs wa'yʌj winʌcnʌ'mnʌ'mwʌyaju y yacsnutzʌquiaju. Te'šejtijque' wa'yʌj macnʌwijtyaju, y wa'y ijtu tuyu'yoquiuy ʌs ndzoco'yojmo. Porque te' mochi'cʌj ŋgüerpo'ojmo, pijche'cʌj más pʌmi'ʌyu Cristopit.

Colosenses 1:24

Y yʌti'ʌs nʌ ŋguenupʌ toya mijcotoyata'm, nʌ'omba'ʌs porque sundamba'ʌsmij. Y nʌ'cʌs ŋguenu toya mijcotoyata'm, te' ʌji'ŋbʌ Cristo's nʌ quiengue'tu toya mijcotoyata'm porque mijta'mde' ñe'te' cuerpo, sunbate' ñʌmu ñe' tyu'mʌquiuy.

2 Timoteo 2:12

Juca sʌ'mnayu'ctʌ mbʌ'mgopajcʌpya toya, Te'šejtijtʌ maŋba aŋgui'mdaŋgue'tu ñe'cʌji'ŋ. Juca nʌmbatʌ que ja'ndʌ ŋgo'ispʌqui Cristo, Te'šejtijque' ñe'cʌ maŋba ñʌmu que ja'ndʌ co'ispʌqui.

Hebreos 11:26

Porque más myʌja'ŋgomʌ'yu yʌ' Moisejsis wa'y quienu toya Cristocotoya que ja'nde' wa'y pyʌjcʌchoŋu Egipto'ojmopʌ rico'ajcuy. Quiojtu choco'yojmo wa'y wyʌ'aŋja'moyu hasta que pyʌjcʌchoŋba Diojsis chamdzi'oquia'upʌ tiyʌ.

Hebreos 11:6

Pero ja'ndʌ musi nyajtzocopyajcu Dios juca ja'ndʌ nwʌ'aŋjame. Porque iwʌ's sunba 'yoto'ŋʌyu Dios ijtu pyena wa'y wyʌ'aŋjamu que ijtupʌte' Dios, y que ñe'cʌ's maŋba chi'yaju tzajpojmopʌ yajya'moquiuy.

Santiago 1:2

Atzita'm, ñchʌjquisʌtʌjtamba'cmij wi'ni eyapʌ toyapʌjcu'yojmo, uy pʌcjaytyame maya'cuy, nʌ'omdamʌ.

1 Pedro 4:13

Juca Cristošejmij nyacsnutzʌcʌtʌjtamba, nʌ'omdamʌ porque nʌmis ŋguenjaytyamu Cristo's tyoya quienušej ñe'cʌ's. Pero minba'ca y yajquejpa'ca ñe' wyin chi'muŋgʌ'ojmo, maŋbamis maya'aŋ oma'oma mbʌjcʌchoŋdamu.

El Apocalipsis 2:17

Iwʌ's ijtyaju quiowi wa'y myatoŋyaju, yajcʌmato'ŋʌya te' Espíritu Santo's 'yoto'ŋʌyajpašej te' Diojsis tyu'mʌquiuytya'm. Iwʌ's ñʌwʌ'ajpa, maŋba'ʌs ndzi'u wa'y quiu'tu te' ja'nmaj quieyepʌ maná y maŋba'ʌs ndzi'u tumʌ popopʌ nama tza', y te' nama tza'cʌsi ja'yʌyumʌy jomepʌ nʌy. Y te'wʌ ya'iwʌ's ja'n maŋu ispʌjcu sino que te' pyʌjcʌchoŋbapʌ's.

El Apocalipsis 2:26

Iwʌ's ñʌwʌ'ajpa, y chʌcjojcʌtʌcpa tiyʌta'mʌs ʌs nwʌmʌ'pya hasta co'yajcu'yojmo, te'šejpʌ pʌn maŋba'ʌs ndzi'u aŋgui'mʌtʌjcuy te' nacioŋgʌsita'm.

El Apocalipsis 2:7

Iwʌ's ijtyaju quiowi wa'y myatoŋyaju, yajcʌmato'ŋʌya te' Espíritu Santo's 'yoto'ŋʌyajpašej te' Diojsis tyu'mʌquiuytya'm. Iwʌ's ñʌwʌ'ajpa, maŋba'ʌs ndzi'u lugar wa'y quiu'tu te' iscuy-quenguquiotoya yospapʌ cu'yis tyʌm. Te'šejpʌ mʌja cuy, Diojsiste' pyaraiso'ojmo ijtupʌ.

El Apocalipsis 21:7

Iwʌ's ñʌwʌ'ajpa, te'wʌ's maŋba ñʌtzʌ'pyʌ'u mumutiyʌ. Te'wʌte' ʌs une y ʌjte' te' ñe' Dios.

El Apocalipsis 3:12

Iwʌ's ñʌwʌ'ajpa, maŋba'ʌs nyajpaquipʌjcu jujcha' oye cʌ'pu'ŋʌyupʌ com tzajpojmopʌ Diojsis tyemplo'ojmo, y ya'iwʌ'sa ja'n musi tyo'pʌ'upʌ teymʌ. Te' comgʌsi maŋba'ʌs nja'yʌyjayu ʌsne' Diojsis ñʌy, y te' ñe' quiumgu'yis ñʌy jomepʌ Jerusalén. Y te' jomepʌ Jerusalén, Diojsiste' chajpojmoc maŋba wyanajcupʌ.

El Apocalipsis 3:5

Iwʌ's ñʌwʌ'ajpa, maŋba yajmequia'yaju popota'mbʌ mequepit, y ja'ʌs maŋu njaytyocoyjayu ñʌy te' libro'ojmo jya'yʌyjayumʌy Diojsis te' iscuy-quengu'yojmo maŋba tyʌjcʌyajupʌ'sñe'. Y maŋba'ʌs ŋgowʌ'aŋjamjayu ñʌy ʌs Ndata's wyi'naŋdʌjqui y 'yangelejsista'm wyi'naŋdʌjqui.