San Lucas 6:20 - Zoque Copainalá New Testament

²⁰ Y ñique'nʌyaju Jesujsis te' quiʌ'aŋmayeta'm y nʌmu: Dichoso mij pobreta'm, porque mijcotoyata'mde' te' aŋgui'mbaše'ŋ Dios.

San Lucas 6:20 ပူးပေါင်းရင်းမြစ်များ

San Mateo 11:5

Nʌ šʌ'ŋyaju te' to'tita'mbʌ's wyitʌm. Nʌ quia'ŋyaju oye te' mʌ'ŋyajpawʌ. Nʌ quiowajyaju te' yatziputzi'ʌyajupʌ. Nʌ 'yaŋwajyaju quiowi cowita'mbʌ'sñe'. Nʌ wyinsa'yaju te' ca'yajupʌ, y nʌ chamgopuŋjayatʌju te' evangelio te' yacsnu'ajcu'yojmo ijtyajupʌ.

San Mateo 25:34

Como ʌjte' te' Rey, mbiŋwe'ñaju'camʌs te'šej, maŋba'ʌs nʌjayaju te' ʌs ndzʌ'na'ŋojmoc ijtyajupʌ: Mindamʌ mijta'm, ʌs Ndata Diojsismij nyajdichoso'ajtamupʌ. Tʌjcʌytyamʌ, minʌ aŋgui'mdamʌ, porque te'šej ñimejcʌyu ʌs Ndata's chʌjcu'c yʌ' najsacopac.

San Mateo 5:1

Quienu Jesujsis te' wʌwʌta'mbʌ pʌn, y qui'mu te' pu'mnacʌsi. Teymʌ pocsu'c quiʌnu'cʌyaju te' quiʌ'aŋmaye'sta'm.

San Lucas 12:32

Ʌsne' uša'ŋ tu'mʌyajpapʌ ñchowambe, uy na'tztame porque mista'm Ndata's šu'noquiuy wa'mijte' ñchi'tamu aŋgui'mbamʌy Dios.

San Lucas 13:28

Tey mij maŋba njyʌytyamu y toyapit maŋbamis ŋgʌ'ttamu ndʌtz ŋguendamba'camis Abrahán, te' Isaac, te' Jacob y mumu te' tza'maŋwa'oye tey aŋgui'mbamʌy Dios, y mijta'm fuera'ojmoc.

San Lucas 14:15

Tey te' mesa'ojmo tumʌpocšajumʌy inʌc, tuma'ŋbʌ'nis myatoŋu yʌ'šejta'mbʌ tiyʌ y ñʌjayu Jesús: Dichoso iwʌ's maŋba wyi'cu pan te' aŋgui'mbamʌy Dios.

San Lucas 16:25

Pero ñʌjayu Abraha'ŋis: Tʌwʌy, jamwʌtzʌcʌ que mbʌjcʌchoŋumis itʌpa'tcuy najsacopajcʌsimajmij ijtu'c, y Lazaro's quienu toya. Pero yʌtij ñe'cʌ sʌ'mnayu'c ijtu yʌy, y mis nʌmis ŋguenu toya tey.

San Lucas 4:18

Tʌ Ngomi's 'Yespiritu ijtu ʌjcʌsi, Porque copiŋu'ʌj wa'yʌs minu ndzamgopuŋu oyeta'mbʌ tiyʌ pobreta'mbʌcotoya. Y cʌ'weju'ʌj wa'yʌs nyajtzoquiaju te' toya'ojmo ijtyajupʌ, Y wa'yʌs ŋgoquipyaju preso'mo ijtyajupʌ wa'y pyujtyaju, Y wa'y šʌ'ŋyaju to'tita'mbʌ's wyitʌm, Y wa'y chʌcʌpʌ'yatʌju te' nʌ yacsnutzʌquiatʌjuwʌ.

Hechos 14:22

Maŋu pyaquitzi'jayaju chocoy te' cʌ'aŋmaye'sta'mñe', y pyʌmitzi'yaju wa'y jana chaquiaju te' wʌ'aŋja'moquiuy, y ñʌjayaju: Wa'ytyʌ ndʌjcʌyu aŋgui'mbamʌy Dios pyʌcpa wa'ytyʌ ndzʌjquisʌtʌjtamu wi'ni eyapʌ toyapʌjcu'yojmo.

2 Corintios 6:10

Quiomʌ'yajpa juca tristeta'mbʌtʌjyʌ', pero oma'omatʌj itjojcʌtʌcpa. Quiomʌ'yajpa juca pobretʌjyʌ', pero nyajrico'ajpatʌs wʌwʌ pʌn, juca ja'ndiyʌtʌs yajndiyʌ, pero mumutiyʌ tʌs nʌ'ijtu.

2 Corintios 8:2

Ñempe chʌjquišatʌju toyapʌjcu'yojmo wʌwa'yaju tyo'ya'ŋʌ'oquiuy wa'y šajyaju tiyʌ'iwʌ. Yʌ'šej chʌquiaju wʌwʌpʌ 'yomapit ñempe jene pobreta'm inʌc.

2 Corintios 8:9

Porque musjaytyamba'mis Ngomi Jesucristo's yajya'moquiuy, y jutzmij šundamba. Ñempe mʌja'ŋbʌte' yacsnu'ajcu'yojmopʌšej chʌjcu wyin mijcotoyata'm, wa'mij yajmʌja'ŋajtamu ñe' yacsnu'ajcupyit.

1 Tesalonicenses 1:6

Y mista'm ŋguengʌspʌctamumis tʌjcʌsi y Jesucristocʌsi. Y Espíritu Santopit oma'omamis mbʌjcʌchoŋjaytyamu Diojsis chame ñempemij nyacsnutzʌcʌtʌjtamu.

2 Tesalonicenses 1:5

Yʌ'šejta'mbʌ tiyʌcʌsi yajquejpa Diojsis que cʌme'tzopya justopʌ tiyʌpit, y maŋbamij ñʌcma'yʌytyamu justota'mbʌšej wa'mij ñdyʌjcʌytyamu aŋgui'mbamʌy ñe'cʌ. Porque te'wʌcotoyamijte' nʌ ñdyoyapʌctamu.

Santiago 1:12

Iwʌ's pyʌ'mgopajcʌpyʌ'pa wi'ni eyata'mbʌ tzʌjquisoquiuy, dichosopʌ pʌnde'. Y pyʌ'mgopajcʌyu'ca te' tzʌjquisoquiuy, Diojsis maŋba chi'u jujcha' corona te' iscuy-quenguy wa'y yajmʌja'ŋaju, porque te'šej chamdzi'oquia'u Diojsis iwʌ'sta'mis tyumʌtzocoy šuñajpa ñe'cʌ.

Santiago 2:5

Sundambapʌ atzita'mʌsmij, cʌmato'ŋʌytyamʌ'ʌj: Diojsis quiopiŋwa'a te' pobreta'm najsacopajcʌsi wa'y tumʌtzocoy wyʌ'aŋja'moyaju y te'ta'mbʌ's wa'y ijtyaju pyarte aŋgui'mbamʌy Dios. Yʌ'šej jeque chamdzi'yaju Diojsis mumu jujche'ŋ šuñajpapʌ's ñe'cʌ.

El Apocalipsis 2:9

y que muspa'ʌs tiyʌta'm mis ndzʌctamba. Y musque'tpa'ʌs jutzmij nyacsnutzʌquiajpa y te'wʌcotoya mijte' mbyobre'ajtamba. Pero mij, ricota'm mij porque ispʌctambamis Dios. Y muspa'ʌs jutzmij 'yotowewʌ'ajayajpa te' nʌmyajpapʌ's que judio-pʌnda'mde', y ja'nde' pitta'm, sino que tu'mʌyajpa wa'y chʌcjayaju Satanajsis šu'noquiuy.