2 Y metza tuca'y fariseo'sta'm ñʌjayaju: ¿Tiyajca'nde' ndzʌctamba sabado-jamo'oyj te' yajwinducpapʌ tiyʌ te' aŋgui'mgu'yis?
Y queñajutʌj te' fariseo'sta'm, y ñʌjayaju Jesús: Quena, mis ŋgʌ'aŋmaye'sta'm nʌ chʌquiaju te' yajwinducpapʌ tiyʌ te' aŋgui'mgu'yis uytyʌ ndzʌjcupʌ sabado-jamo'oyj.
¿Tiyajcu'ya ja'n chʌcjayay tʌ winata'mbʌ ndata'sta'm quiostumbre mis ŋgʌ'aŋmaye'sta'm? Ja'n che'yay quiʌ' pyʌcpašej te' judio'sta'm quiʌna'tzʌ'oquiu'yis.
Pijche'ca quiʌ'aŋwa'quiaju te' Jesús te' fariseo'sta'm: ¿Tiyajca' chʌquiajpa sabado-jamo'oyj yajwinducpapʌ tiyʌ te' aŋgui'mgu'yis?
Pijche'ca ñe'cʌ'sta'm ñʌjayaju te' Jesús: ¿Tiyajca'sʌ'ŋde' ayunatzʌquiajpa sone naca y 'yoto'ŋʌyajpa Dios te' Jua'ŋis quiʌ'aŋmaye'sta'm y te'šejtijque' fariseo'sta'mñe', y mis ŋgʌ'aŋmayeta'm ja'n 'yayunatzʌquiay?
Yʌ'šejta'mbʌ tiyʌcotoya ñitzʌquiaju wa'y yacsnutzʌquiaju Jesús te' judio'sta'm. Šunba inʌc yajca'yaju porque chʌcpa inʌc yʌ'šejta'mbʌ tiyʌ sabado-jamo'oyj.