San Lucas 6:11 - Zoque Copainalá New Testament

¹¹ Y ñe'cʌta'm to'ngui'šca'yaju y naquiʌ'aŋwa'cpʌquiatʌju ñe'co'mo tiyʌ oye wa'y chʌcjayaju Jesús.

San Lucas 6:11 ပူးပေါင်းရင်းမြစ်များ

San Mateo 16:7

Quipsoyutʌj ne' ndzoco'yojmo, y nʌmutʌj: Yʌ'šej nʌ chamu porque jañʌmindamʌtʌ mban.

San Mateo 21:45

Sacerdote-cowi'na'sta'm y fariseo'sta'm myatoŋyaju yʌ'šejta'mbʌ comparación Jesujsis chamupʌ, y ñʌctʌ'yaju que ñe'cʌte' nʌ chamyatʌju.

San Lucas 4:28

Myatoŋyaju'ca yʌ'šejta'mbʌ tiyʌ, jene qui'šca'pʌ'yaju te' tey judio'sta'm wyindʌjcoyj ijtyajupʌ.

San Lucas 6:10

Y ñique'nʌyaju Jesujsis mumu quiʌne'ŋyajupʌ's y ñʌjayu te' pʌn: Yajtʌyʌyʌ mis ŋgʌ'. Y yajtʌyʌyu, y tzojcu te' quiʌ'.

San Lucas 6:12

Y ʌ'ta'mbʌ jamo'oyj maŋu Jesús pu'mnacʌsi, y tumʌ tzu' 'yoto'ŋʌyu Dios.

San Juan 11:47

Pijche'ca te' sacerdote-cowi'na'sta'm y fariseo'sta'm yajtu'mʌyaju aŋgui'myajpapʌ tyʌwʌ, y ñʌjayaju: Tʌta'm, ¿tiya'ndʌ nʌ ndzʌctamu? Porque yʌ' pʌ'nis jene chʌcpa isaŋwʌ'ajcuy.

San Juan 7:1

Cʌtʌjcu'ca yʌ'šejta'mbʌ tiyʌ maŋu ñʌcwijtʌyu Jesujsis Galilea-nas. Ja'n inʌc suni wyijtu Judea-najsojmo porque chʌcme'chajpa inʌc jutz wa'y yajca'yaju te' judio'sta'm.

Hechos 26:11

Y nʌ'cʌs nyajnʌco'aŋgʌyaju'c mumu judio'sta'm wyindʌjcojmota'm, sone naca'ʌs nya'otowewʌ'ajayaju Dios. Y maya'a'ŋamʌs nʌ inʌc ŋgui'nišaju'c ñe'cʌta'm, nyacsnutzʌquiaju'ʌs hasta eyata'mbʌ cumgu'yojmo.

Hechos 4:15

Pero 'yaŋgui'myatʌju wa'y quia'ŋjʌcʌ'yaju ušʌc te' aŋgui'moye'sta'm tyu'mʌquiu'yojmoc, tzamdzamnayajpa'cše'ŋoyj ñe'co'mo te' cowi'nata'm.

Hechos 4:19

Pijche'ca 'yaŋdzoŋyaju te' Pedro's y te' Jua'ŋis y nʌmyaju: Cʌme'tztamʌ juca oye Diojsis wyi'naŋdʌjqui wa'ytyʌsmij mij mato'ŋoyjaytyamu y ja'n Dios.

Hechos 5:33

Pero myatoŋyaju'ca ñe'cʌ'sta'm yʌ'šej, jene qui'šca'yaju y sunba inʌc yajca'yatʌju.

Hechos 7:54

Myatoŋyaju'ctij yʌ'šej, jene qui'šca'yaju choco'yojmo y quiʌ'tjayajpa inʌc tyʌtz.

2 Timoteo 3:9

Pero ja'n maŋu ñʌwʌ'ajyaju yajtiyʌ, porque mumu pʌ'nis maŋba ñʌctʌ'yu que jowita'mbʌte', tuquiajušej te' metzata'mbʌ pʌn japyʌjcʌchoŋyapʌ's Moisés.