San Lucas 5:38 - Zoque Copainalá New Testament

³⁸ Pero más oye wa'ytyʌ ŋgojtu te' nʌ šejtzo'tzcʌ'yupʌ vino jomepʌ nacapojcojmo. Y te'šej myejtzji'ŋ ja'n tyocoyay.

San Lucas 5:38 ပူးပေါင်းရင်းမြစ်များ

San Mateo 9:17

Ni ja'n pyʌqui wa'ytyʌ ŋgojtu pecapʌ nacapojcojmo nʌ šejtzo'tzcʌ'yupʌ vino wa'ytyʌ ŋgoquenu. Juca te'šejtʌ ndzʌcpa maŋba chijtzu te' nacapoc, umbʌ'pa te' vino y tocopya te' nacapoc. Pero más oye wa'ytyʌ ŋgojtu te' nʌ šejtzo'tzcʌ'yupʌ vino jomepʌ nacapojcojmo. Y te'šej myejtzji'ŋ ja'n tyocoyay.

San Lucas 5:37

Ja'n pyʌqui wa'ytyʌ ŋgojtu pecapʌ nacapojcojmo nʌ šejtzo'tzcʌ'yupʌ vino wa'ytyʌ ŋgoquenu. Juca te'šejtʌ ndzʌcpa, te' nʌ šejtzo'tzcʌ'yupʌ vino's yajpʌŋʌŋba y tzitzpa te' nacapoc. Umbʌ'pa te' vino y tocopya te' nacapoc.

San Lucas 5:39

Y ya'iwʌ's ja'n šuni te' nʌ šejtzo'tzcʌ'yupʌ vino tyo'ŋu'ca te' cosejupʌ, porque nʌmba: Más oye te' cosejupʌ vino.

2 Corintios 5:17

Te'cotoya jeque, iwʌ ijtu Cristo'ojmo jomecotzʌjcupa'nde'. Te' pecata'mbʌ tiyʌ chacwa'a, y yʌtij muma' jomecotzʌjcu.

Gálatas 2:4

ñempe inʌc šuñajtʌ'u porque tey inʌc ijtyaju te' chʌquichʌquita'mbʌ atzi. Yʌ'ta'mbʌ's yajnu'mdʌjcʌyatʌjupʌte' wa'ytyij quiʌ'isʌyjayaju tʌta'm libre'ajcuy Cristo Jesujsistʌj tzi'tamupʌ. Y šuñajpa wa'ytyʌ nʌ'ittamu aŋgui'mgu'yis jujcha' coyosa.

1 Timoteo 4:8

Juca nyajnu'ŋʌpyatʌ ne' ŋgüerpo tiyʌ'iwʌcʌsi, nʌwʌ'ajpatʌ uša'ŋ, pero juca nu'ŋʌpyatʌ wa'ytyʌ ŋgʌna'tzʌyu Dios, nʌwʌ'ajpatʌ mumutiyʌcʌsi yʌpyʌ quenguquiotoya y te' minbapʌ quengu'yojmo.

El Apocalipsis 21:5

Y te' aŋgui'mʌtʌjcuy-pyocscu'yojmo pocsupʌ's nʌjayu'ʌj: Quena Juan, muspa'ʌs njomecotzʌcpʌ'u mumutiyʌ. Y aŋgui'mu'ʌj y nʌmu: Ja'yʌ, porque wiyuŋbʌ y jicapyʌ tiyʌ te' nʌ nʌtzamupʌ tiyʌ'ʌsmij.