San Lucas 5:34 - Zoque Copainalá New Testament

³⁴ Pero Jesujsis quiʌ'aŋwa'quiaju: ¿Pyʌcpasʌ'ŋ wa'mis nya'ayunatzʌquiaju te' 'yaŋbʌquiatʌjupʌ co'tʌjcajcu'yojmo, temyaj ijtu'c ñe'cʌji'ŋda'm te' nʌ quio'tʌjcajupʌ pʌn?

San Lucas 5:34 ပူးပေါင်းရင်းမြစ်များ

San Mateo 22:2

Yʌ'šejpʌte' te' tzajpojmopʌ aŋgui'mʌtʌjcuy, jujcha' rey yajco'tʌjcajupʌ's 'yune, y chʌcjayu sʌŋ.

San Mateo 9:15

Jesujsis quiʌ'aŋwa'quiaju: ¿Pyʌcpasʌ'ŋ wa'y triste'ajyaju te' 'yaŋbʌquiatʌjupʌ co'tʌjcajcu'yojmo temyaj ijtu'c ñe'cʌji'ŋda'm te' nʌ quio'tʌjcajupʌ pʌn? Pero te' maŋba miñajupʌ jamo'oyj maŋba jyʌcʌ'u te' nʌ quio'tʌjcajupʌ pʌn, pijche'c maŋba 'yayunatzʌquiaju.

San Lucas 5:33

Pijche'ca ñe'cʌ'sta'm ñʌjayaju te' Jesús: ¿Tiyajca'sʌ'ŋde' ayunatzʌquiajpa sone naca y 'yoto'ŋʌyajpa Dios te' Jua'ŋis quiʌ'aŋmaye'sta'm y te'šejtijque' fariseo'sta'mñe', y mis ŋgʌ'aŋmayeta'm ja'n 'yayunatzʌquiay?

San Lucas 5:35

Pero te' maŋba miñajupʌ jamo'oyj maŋba jyʌcʌ'u te' nʌ quio'tʌjcajupʌ pʌn, pijche'c maŋba 'yayunatzʌquiaju.

San Juan 3:29

Te' co'tʌjcajupʌ pʌ'nis pyʌjcʌchoŋba te' yomo. Y te' co'tʌc-pʌ'nis ijtu šunbapʌ tyʌwʌ ñe' che'ŋna'oyj tenayupʌ, y quiʌmato'ŋʌpya. Y myatoŋjapya'c chame te' co'tʌc-pʌ'nisñe' jene ñʌ'omba. Te'še'ʌs nʌ'omba ʌs matoŋba'cʌs nʌ quiʌ'maŋyaju Jesús.

2 Corintios 11:2

porque ŋgʌjoŋdamba'ʌsmij Diojsisʌj tzi'upʌ cʌjoŋgupyit. Porque mbrendatzʌctamu'ʌsmij tumʌpʌ jayaji'ŋ, y te'wʌ te' Cristo, wa'yʌsmij ndzi'oquia'tamu ñe'cʌcʌsi jujcha' tumʌ saŋmu'šapʌ yomo.