25 Pijche'ctij tenaqui'mu ñe'ta'm wyi'naŋdʌjqui y pyʌjcu te' quiape-ʌŋguy ʌŋupʌcʌsi inʌc y maŋu tyʌjcaŋʌ, y myʌja'ŋwʌcotzamu Dios.
Y quieñaju te' wʌwʌta'mbʌ pʌ'nis y ñʌmaya'yaju. Y myʌja'ŋwʌcotzamyaju Dios, te' chi'upʌ's yʌ'šejpʌ aŋgui'mʌtʌjcuy te' pʌn.
Pijche'ctij tenaqui'mu, pyʌjcu te' quiape-ʌŋguy y tzu'cumu te' wʌwʌta'mbʌ pʌ'nis wyi'naŋdʌjqui. Pijche'ca pa'ŋna ñʌmaya'yaju y myʌja'ŋwʌcotzamyajpa inʌc Dios y nʌmyaju: Nuncamajtʌs jaŋguiendʌ'ʌ yʌ'šej.
Quiojtu quiʌ' ñe'cʌcʌsi y pijche'ctij wiyu'ŋaju te' yomo y myʌja'ŋwʌcotzamgʌ'yu Dios.
Pijche'ctij yajsʌ'ŋjayu te' wyitʌm. Quio'ŋgʌ'yu Jesús y myʌja'ŋwʌcotzamba inʌc Dios. Y wyʌcotzamyaju Dios mumu pʌ'nis quieñaju'ca te'šej.
Pijche'ca yajtʌyʌyu Jesujsis te' quiʌ' y pyi'quisu, y ñʌjayu: Sunba'ʌsmij nyajtzojcu wa'mij ŋguiowaju. Pijche'ctij te' yatziputzi tzojcu.
Pijche'ca wyejwʌtzʌquiaju te' pʌn to'tipʌ inʌc y ñʌjayaju: Wʌcotzamʌ Dios y ja'n te'wʌ, porque tʌs muspatʌs que te'wʌ cowatzʌquipʌ pʌnde'.