San Lucas 5:24 - Zoque Copainalá New Testament

²⁴ Te'še'ʌj nʌmu wa'mis mustamu que ʌj, te' Pʌ'nis 'Yune's, ijtu'ʌs aŋgui'mʌtʌjcuy najsacopajcʌsi wa'yʌs nyajcotocoyu cowa. Quenwitu'u Jesús y ñʌjayu te' wocšijpʌ: Ʌsmij nʌjapya: Tenaqui'mʌ, pʌcʌ mis ŋgape-ʌŋguy y mawʌ ndʌjcaŋʌ.

San Lucas 5:24 ပူးပေါင်းရင်းမြစ်များ

San Mateo 16:13

Y Jesusji'ŋ y ŋgʌ'aŋmaye-tʌwʌji'ŋ minutʌj te' najsoyj tome quienbamʌy Cesarea-Filipo-cumguy. Teytyʌj cʌ'aŋwa'cu Jesujsis: ¿Ʌj, te' Pʌ'nis 'Yune, iwʌše'amʌj comʌ'yajpa pʌ'nista'm?

San Mateo 25:31

Minba'camʌj, ʌj te' Pʌ'nis 'Yune, ʌs ndzi'muŋgʌ'ojmo, maŋba miñaju mumu te' masanda'mbʌ ángeles ʌji'ŋ. Pijche'c ʌs mʌja'ŋajcupyit maŋba'ʌj mbocsu ʌs aŋgui'mʌtʌjcuy-pyocscu'yojmo.

San Mateo 26:64

Jesujsis 'yaŋdzoŋu: Pijtʌjyʌ', mis nʌ ndzamušej. Y nyajmustaŋgue'tpa'ʌsmij que jʌsa'ca maŋbamisʌj ŋguendamu ʌj, te' Pʌ'nis 'Yune, pocsu'camʌj te' mʌja'ŋbʌ Diojsis chʌ'na'ŋojmoc te' ñe'cʌ aŋgui'mbamʌy. Y maŋbamisʌj ŋguendaŋgue'tu nʌ'cʌj minu tzajpojmopʌ o'na'ojmo.

San Mateo 28:18

Y ca'ŋmi'ŋa'ŋʌyu Jesús wa'ytyʌj oto'ŋʌyu y nʌjayutʌj: Ʌs Ndata Diojsis tzi'u'ʌj aŋgui'mʌtʌjcuy wa'yʌj aŋgui'moyu tzajpojmo y najsacopajcʌsi.

San Mateo 4:24

Y copuŋu te' ñe' chamʌtʌjcuy mumu te' Siria-najsojmo. Y ñʌminbʌ'jayaju jujche'ŋ ca'eta'mbʌ, wi'ni eyata'mbʌ ca'cu'yis nʌ inʌc yajtoyapʌquiajuwʌ, y ñʌc'ijtʌyajupʌ yatziwʌ's, tu'yajpapʌ y wocšijta'mbʌ, y yajtzoquiaju mumu Jesujsis.

San Mateo 9:6

Te'še'ʌj nʌmu wa'mis mustamu que ʌj, te' Pʌ'nis 'Yune's, ijtu'ʌs aŋgui'mʌtʌjcuy najsacopajcʌsi wa'yʌs nyajcotocoyu cowa. Pijche'ca ñʌjayu Jesujsis te' wocšijpʌ: Tenaqui'mʌ, pʌcʌ mis ŋgape-ʌŋguy y mawʌ ndʌjcaŋʌ.

San Lucas 5:13

Pijche'ca yajtʌyʌyu Jesujsis te' quiʌ' y pyi'quisu, y ñʌjayu: Sunba'ʌsmij nyajtzojcu wa'mij ŋguiowaju. Pijche'ctij te' yatziputzi tzojcu.

San Lucas 5:18

Pijche'ca miñaju pʌnda'm nʌ ñʌmiñajupʌ's tumʌ wocšijpʌ pʌn cape-ʌŋguquiʌsi, y sunba inʌc yajtʌjcʌyaju wa'y quiojtyaju Jesujsis wyi'na'ŋoyj.

San Lucas 5:23

¿Tiya'sʌ'ŋde' más fácil wa'ytyʌ ndzʌjcu, wa'ytyʌ nʌmu: Nyajcotocoyjapya'ʌs mis ŋgowa, o wa'ytyʌ nʌmu: Tenaqui'mʌ y ca'ŋʌ?

San Lucas 7:14

Y ca'ŋnu'cu Jesús y pyi'quisjayu te' quiajon. Y tenachʌ'yaju te' nʌ inʌc chʌmnʌmaŋyajupʌ's. Y Jesús nʌmu: Tʌwʌy, nʌjapya'ʌsmij, tzu'cumʌ.

San Lucas 8:54

Pero ñe'cʌ's pyʌjcu quiʌ'cʌsi, weju'c nʌmu: Yomo-une, tzu'cumʌ.

San Juan 11:43

Yʌ'šejta'mbʌ tiya'a chamu'c, weju y nʌmu Jesús: Lázaro, putʌ.

San Juan 17:2

Ndzi'umisʌj aŋgui'mʌtʌjcuy wa'yʌs aŋgui'myaju mumu pʌn. Y te'šejtijque' wa'yʌs ndzi'yaju ja'n yayepʌ quenguy mumu jujche'ŋ misʌj ndzi'yajupʌ.

San Juan 3:13

Ya'iwʌpʌ pʌnmaj jatyijtʌ'ʌ tzajpojmo wa'y myujsu jutzpʌte' ʌmʌ. Na' ʌstij muspa porque teymʌjcʌ'ʌjyʌ' wanajcu. Ʌjte' te' Pʌ'nis 'Yune, y ʌs itcuy tzajpojmote'.

San Juan 5:27

Ñe'cʌ'stijte' tzi'que'tu aŋgui'mʌtʌjcuy y mʌja'ŋajcuy wa'yʌj ŋgʌme'tzoyu, porque ʌjte' te' Pʌ'nis 'Yune.

Hechos 14:10

Y paqui ñʌjayu: Tzu'cumʌ, tenaqui'mʌ. Y tʌptongui'mu y ca'ŋu.

Hechos 5:31

Y yʌ'wʌ yajmʌja'ŋaju Diojsis ñe' chʌ'na'ŋojmo y quiojtu jujcha' Rey y Yajcotzojcopyapʌ wa'y yajquipswitu'u te' Israel-pʌnda'm y wa'y yajcotocoyjayu ñe'cʌ's te' quiowa.

Hechos 9:34

Y ñʌjayu Pedro's: Eneas, nyajtzocpamij Jesucristo's. Tzu'cumʌ y ya'aŋne'ca mis ʌŋguy. Pijche'ctij tenaytyongui'mu.

Hechos 9:40

Pero myacputpʌ'yatʌju Pedro's y cutcʌne'cu'c 'yoto'ŋʌyu Dios. Y ñique'nʌyu te' ca'uwʌ y nʌmu: Tabita, tzu'cumʌ. Y ya'aŋwaju wyitʌm te' ca'uwʌ's, y quienu'ca Pedro, pocsqui'mu.

El Apocalipsis 1:13

Y te' cu'ya'pyʌ no'a-sʌ'ŋguquiucmʌ ŋguenu'ʌs tuma'ŋbʌn, Pʌ'nis 'Yunešej quenbapʌ, pʌpyʌ's pyama ñe'ŋbajcojmošej nu'cpapʌ, y quiʌpijta'u inʌc quiucpajcʌsi oropʌ wajtoquiuy.